* أولا بعض الحقائق والتعريفات عن النسخة الاسرائيلية :
________________________________________

- بداية الصورة تخيلية لتمويه الاف-35 عندما تتسلمها اسرائيل وليست حقيقية .

- تتسلم اسرائيل 19 مقاتلة اف-35 امريكية في يناير 2017 مع التعاقد في 2018 على 55 مقاتلة اخرى ليصبح المجموع 75 مقاتلة من النسخة F-35A المجهزة للاقلاع و الهبوط القياسي من المطارات و ستكون قاعدة نيفاتيم الجوية في صحراء النقب هي المختارة لتعمل بها المقاتلات الجديدة و تشير التوقعات انه بحلول عام 2020 ستكون اسرائيل قد امتلكت مالا يقل عن 40 مقاتلة اف-35 من مجموع ماتعاقدت عليه .

- اسرائيل اختارت الاسم العبري " Adir " لنسختها الخاصة من الاف-35 وهو يعني " القدير او القوي The Strong One " كإسم من اسماء الله ( كأسماء الله الحسنى في الإسلام ) في الكتاب المقدس اليهودي المسمى بالتناخ Tanakh والمكون من التوراه واسفار الانبياء واسفار الكتابات .

- يبدأ الطيارين الاسرائيليين تدريبهم على الطيران بالمقاتلة في 2016 .

- النسخة الخاصة باسرائيل ستحمل اسم F-35I حيث يرمز حرف I الى Israel و ستتضمن التعديلات التكنولوجية الاتية :

* يتم تعديل كمبيوتر مهام المقاتلة ليتوافق مع منظومات الحرب الالكترونية الاسرائيلية التي سيتم دمجها اسفل بدن المقاتلة متضمنة حواضن تشويش و انذار مبكر مصنعة من قبل شركة Elbit Systems الاسرائيلية مع امكانية دمج هذه التعديلات على اية مقاتلة تشتريها دول اخرى و سيتم دمج المنظومات الاسرائيلية بدءا من 2016 .

* تقوم اسرائيل بانتاج الاجنحة الخاصة بالمقاتلة بتعديلات خاصة لتخفيض البصمة الرادارية للمقاتلة خاصة و أن الاف-35 شبحيتها متركزة في المقدمة فقط و تزداد البصمة الرادرية في الجوانب و باقي الهيكل و ستشتري شركة لوكهيد مارتن اجنحة المقاتلة من اسرائيل لحساب الدول المتعاقدة و الراغبة في دمج مكونات اسرائيلية على مقاتلاتها .

* تعديل السوفتوير و منظومات التحكم لدعم قدرة حمل و اطلاق الذخائر الاسرائيلية مثل صواريخ ديربي Derby و بايثون Python جو-جو وقنابل سبايس Spice الذكية الموجهة بالاقمار الصناعية و تقوم اسرائيل بإنتاج نسخ معدلة في الحجم ليتم استيعابها في حاويات الذخائر الداخلية في بطن المقاتلة .

* تقوم اسرائيل بتصنيع الخوذة المتطورة الخاصة بتوجيه الذخائر والاسلحة الخاصة بالمقاتلة بالنظر للهدف وأيضا تقوم بعرض البيانات على شاشة شفافة ملحقة على سطحها .

- المسؤولين الاسرائيليين ذكروا نصا في تصريحهم عن سبب تمسكهم بتنصيب منظوماتهم الخاصة للحرب الالكترونية انهم مؤمنون بأن تقنية التخفي للاف-35 ستفقد فاعليتها خلال الـ5 - 10 سنوات القادمة مع ظهور منظومات الرادار المتخصصة في كشفها والمقاتلة ستبقى في خدمة سلاح الجو الاسرائيلي لفترة لن تقل عن 30 - 40 عاما لهذا اصرت اسرائيل على منحها القدرة لتعديل قدرات الحرب الالكترونية ( اعاقة وتشويش / مقاومة تشويش / اعتراض اشارات ) الخاصة بالمقاتلة بمعرفتها .
An "IAF official" stated that while the stealth of the F-35 in its current form will be overcome in 5–10 years, the aircraft will be in service for 30–40 years, and that is the reason that Israel insisted on the ability to make its own changes to the aircraft's electronic warfare systems .

______________________________________________

* ثانيا | تحليل علمي وعملي عن المقاتلة وكيف ستستخدمها اسرائيل :
____________________________________________________

الاف 35 مقاتلة تمتلك تكنولوجيا محترمة جدا بتمثل مستوى جديد ومختلف من المقاتلات اللي هايتم استخدامها فى المستقبل والمخصصة لنوعيات معينة من المهام وكان شيء مش جديد على العدو الاسرائيلي ولا مستغرب عليهم انهم يجروا على تكنولوجي جديد ومتطور بالشكل ده ويسعوا دائما لامتلاك السلاح اللي يمنحهم التفوق التكنولوجي على العرب مجتمعين وده شيء يعد ركن أساسي من اركان عقيدتهم الدفاع عن كيانهم .

بالنظر للاف 35 النسخة F-35A ذات خاصية الاقلاع والهبوط التقليدي المعتاد Conventional Takeoff and Landing وهي النسخة الخاصة بسلاح الجو الاسرائيلى واللي اختارها من بين الـ3 نسخ الموجودة ليها ( النسخة F-35B ذات خاصية الاقلاع القصير والهبوط العمودي والنسخة F-35C العاملة على حاملات الطائرات ) بنشوف ان النسخة دي بالذات تعتبر صاحبة أعلى تحمل للجهد في المناورات لـ9G ( يعني 9 مرات تحمل ضد قوة الجاذبية الارضية ) وف نفس الوقت كمان هي تاني اكثر نسخة في الحمولة الداخلية من الوقود وصاحبة اكبر مدى قتالي عملياتي وسط النسخ الباقية .

لو حبينا نبص على الاف 35 كمقاتلة بنشوف انه نسبة الدفع للوزن Thrust / Weight فيها = 0.87 والمعدل ده معناه ان المناورة بتاعتها مش بقوة مناورة الاف 22 رابتور وبيعلى المعدل دا كل ماتم تقليل الحمولة وبيوصل لـ1.07 وده نسبيا بيساوى الاف 16 بلوك-15 وبنشوف كمان ان الاجنحة حجمها كبير بمساحة = 42.7 متر2 ومحرك بيوفر قوة دفع بتوصل لـ39.6 ألف رطل ( للمحركين مجتمعين معا يعني 19.8 الف رطل لكل محرك ) وده معدل عالي وقوي .

لكن في نفس الوقت الاف 35 مقاتلة ثقيلة والمحرك بينتج قوة دفع كبيرة جدا بتوصل لـ43 ألف رطل كانها طيارة بمحركين وده يخلي البصمة الحراريه ليها عالية جدا وصوتها عالي جدا اعلى حتى من الاف 16 وسرعة قليلة نسبيا بتوصل لـ1.6 ماخ ( 1800 كم - 1900 كم ساعة ) لكن بنشوف نقاط تعليق داخلية بتضمن خاصية الشبحية لها نفسها بيوصل عددها لنقطتين تعليق كل واحدة منهم بتشيل سلاحين بخلاف 6 نقاط تعليق موزعة على الاجنحة بعدد 3 نقاط اسفل كل جناح بخلاف منظومات ومستشعرات الرصد والتحذير بالغة التطور وبعيدة المدى وايضا شاشات لرسم الخرائط بأفضل التقنيات المتاحة ومنظومة حرب الكترونية للاعاقة والشوشرة بقدرات متطورة جدا وخوذة تهديف لتوجيه الصواريخ الحرارية بالنظر وادراك البيئة المحيطة والتحذير بدون النظر للشاشات . تمام كده ؟

نيجى للجد بقى ،، اسرائيل اختارت تكنولوجيا جديدة واول اسبابها زي ماقولنا هو ديما العامل النفسى انهم اختاروا سلاح قوي جدا تقنيا وده هيخليهم سابقين عننا بعدة خطوات كعادتهم فى الحرب النفسية .

وزي ماقولنا برضه انهم اختاروا اكتر نسخة تقدر تناور ودا شىء بديهى ومتوقع ونخلي بالنا كويس أوي ان طريقة واسلوب تدريبهم شرقية مش غربية وانهم بيحضروا نفسهم لكل السيناريوهات المتوقعة والممكنة بالذات ضد خصم قوي جدا في التكتيكات والتخطيط والكفاءة والذكاء زي سلاح الطيران المصري وقدر يتفوق عليهم قبل كده في حرب 73 بطيران يعتبر خردوات بالنسبة للي كان معاهم وبفارق تكنولوجي بشع .

اختاروا مقاتلة تقدر تحافظ على الطيار بكل الطرق وبتسهل علية كل المهمات وبتساعدة حتى لو كان لواحده وهي فعلا تقدر تعمل ده كويس وبدون أدنى مبالغة .

من المعلومات اللي فوق هنلاقي ان النسخة دي ( F-35A ) مناورتها نسبيا كويسة لكن فى نفس الوقت والاهم ان ليها الميزة انها تقدر تطير على ارتفاعات منخفضة جدا وبسرعات منخفضة جدا وده يخليها قاذفة ممتازة جدا جدا أكتر منها مقاتلة لأنها في الاشتبكات جوية سيئة جدا بالذات على السرعات المتوسطة والفائقة وعلى الارتفاعات العالية والمتوسطة وبالتالي الطيار الموجود جواها بيعتمد على كل المميزاتالتكنولوجية الموجودة انه مايدخلش في اشتباك جوي قريب وهايستخدم كل شيء متاحله من رادار ومنظومات تشويش وتسليح .

الاسرائيليين اسلوبهم انه الطيار بتاعهم يكون اول من يبدأ الضرب ودي حاجة بتتوقف عليها حياتة كطيار للاف 35 لأن المقاتلة دي مش هاتضمنله ابدا المناورة فى اشتباك جوى مع مقانلة تقدر تناور بشكل جيد زى الاف 16 او حتى الميراج او حتى ضد صاروخ دفاع جوي متطور زي البوك او الاس 300 .

اعتماد الطيار على التكنولوجى بيبقى في المقام الاول ضد صواريخ سريعة وبتناور بشكل عالي ولو حصل وتم الدخول فى مدى قريب هيبدأ انه يوسع المسافة ويوجة صواريخة من نوع بايثون 5 او سايدويندر اكس اللي يقدر يستخدمها فى واية هجومية 360 درجة على اي هدف .

طيب ايه التكتيكات المتوقعة للاسرائيلين ؟

من وجهة النظر الشخصية المتواضعة انهم مش هايستخدموا المقاتلات دي في مهام للسيطرة الجوية بقدر الامكان إلا اذا كانوا هايضمنولها الدعم الالكتروني والاعاقة الكاملة ضد المقاتلات اللي هاتعترضها وده كمان مش هايكون الا في منطقة قتال واثقين انها معدومة من الدفاع الجوي وفى سماء مفتوحة واشتباك مفتوح بدون تدخل لأى سلاح تاني يدعم الخصم ولكن ده احتمال غير وارد لأم امكنيات المقالتلة والعدد الى طلبه الاسرائيلين وهايطلبوه بعدين بيقول ان الإف 35 هتيجى لغرض التعامل مع اهداف معينة في فتح الثغرات في بطاريات دفاع جوي معينة لانه بسبب العدد ومصاريف تشغيلها العالية جدا مش هيستخدمها الاسرائيليين بعدد كبير منها فى المهمة الواحدة ، طيب ازاي ؟

يعنى حاجو زي الاس 300 او البوك مثلا الاسرائيليين هايستغلوا ان الاف 35 تقدر توجه ذخائر وقنابل ذكية بدقة كبيرة جدا للاس 300 ودى الشىء الوحيد اللىي بيمل خطورة شديدة جدا عليه وبيعتمد على منظومات متوسطة وقصيرة المدى توفرله الحماية ضد الانواع دي زى التور ام او البوك ام او الشيلكا او البانستير .

ولو تم التعامل تقنيا بطريقة ناعمة معاهم ( مع الدفاع الجوي ) او بالطريقة الصعبة وهى تكليف تشكيل قتالي بالتعامل معاهم فممكن يكون للاف 35 دور كبير في التعامل مع بطاريات الدفاع الجوي المهمة عشان تفتح مجال لمقاتلات تانية تقدر تنفذ مهماتها فى ضرب العمق زي الاف 15 او الاف 16 لكن مش من المتوقع ديما ان الاف 35 تكون لضرب العمق ابدا وهاتكون هي المفتاح المخصص لفتح الثغرات في الدفاعات .

بناكد ان الاف 35 مش هاتكون زي الاف 22 رابتور ابدا وبنطمن تاني وتالت كمان ولكن هايتم استخدامها بحرص وهايبقى في استماتة فى الحفاظ عليها ( اليهود عالم نتنة بطبعهم وبيخافوا على القرش بعنيهم واي خسارة في مقاتلة غالية ومكلفة زي دي ممكن تسببلهم أزمات قلبية حادة ) وبنأكد ان المقاتلة دي لو تم اكتشافها فقط والدخول معاها فى قتال جوى قريب بمقاتلة زى الاف 16 او الميراج او حتى الميج 21 نفسها في امكانية لإسقاطها واعترف الامريكان نفسهم بده وشوفنا الاف-22 رابتور في المناورات تم ضربها برفال وتايفون وميراج 2000 واف 18 وحتى الجي 7 ( النسخة الصينية من الميج 21 ) ولكن بجودة اقل لمجرد ان الطيار اللي بيقود أي مقاتلة منهم عارف طيارتة كويس وعارف امكانياتها وحدودها وبيستغلها بأقصى درجة ممكنة وهايتم انشاء الله قريب تقديم موضوع بخصوص كيفية مواجهة الطائرات الشبحية باستخدام المقاتلات .

اللي اتكتب فوق ده بيعبر عن رأى خاص فى الاف 35 وعرض ليها على الورق وليس فى الحقيقة بسبب مشاكل ظهرت لها فى الواقع زي :

- الرأي الشائع ان الاف 35 افضل في مهام اخماد الدفاعات الجوية SEAD Suppression of Enemy Air Defense والتفاصيل الاساسيه لقدراتها في الاوراق الرسميه بتقول ان الاف 35 شبحيه ببصمه راداريه منخفضه ضد كل أطياف والترددات الراداريه - ومن هنا تبدأ نقطه الخلاف اللي ظهرت من قريب ..

السنادي بدأ يظهر تناقدات وتفاصيل جديده ليست في صالح الاف35 واهمها والشائع منها في كل المقالات والتقارير هو تصريحات شركه بوينج بجانب طلبات البحريه الامريكيه !

- شركه بوينج علشان تروج للجراولر EA-18 Growler نسخة الحرب الالكترونية المتخصصة من الاف-18 سوبر هورنيت بدأت في انتقاد شبحية ومنظومة الحرب الالكترونية للاف 35 وكلامهم مركز بشكل قوي علي عدم قدره منظومة الحرب الالكترونية انها ماتقدرش تشوش علي نطاقات التردد المنخفض زي الـVHF ونفس الكلام مطابق مع المحلل العسكري " كارل كوب " .

- بجانب انهم بيقولوا ان الاف 35 تقدر تركز التشويش بتاعها علي الترددات الراداريه العاليه زي الـX-Band زي الموجوده علي رادارات المقاتلات مثلا رادارات الاشتباك والنحكم النيراني الموجوده مع بطاريات الدفاع الجوي لكن فيه تشكيك في القدره علي التشويش ضد رادارات الـVHF

طبعا الكلام يضاف اليه عدم قدره تجنب الرصد الراداري من رادارات الانذار المبكر الي بتشتغل في تردد منخفض وطول موجي كبير .

تصريحات بوينج ممكن تكون للترويج للجرولر لكن نفس الكلام مطابق مع محللين كثيرين والاكثر من كده ان البحريه الامريكيه حطت في اولوياتها طلب الجراولر في ميزانيه 2015 و2016 وربما لـ5 سنين قادمه وده اكتر شئ ممكن يؤكد ان الاف 35 صعب تدخل عمليات هجوم وفتح ثغرات بدون الجراولر .

* ولما نراجع التقرير في الاول خالص لما قولنا ان المسؤولين الاسرائيليين صمموا على تنصيب منظومات حرب الكترونية اسرائيلية الصنع على نسختهم هاتفهم انهم مابيثقوش غير الحاجة بتاعتهم وبس وعارفين هما بيعملوا ايه كويس .

* وبنختم بالمقولة الى احنا بنؤمن بيها ديما من على لسان طيار باكستاني اتكلم عن السو-30 إم كيه آي الهندية القوية جدا جدا :

Good plane but it is not invincible. It is built by humans, flown by humans and maintained by humans. It is our strong belief that if anything is created by humans it can be countered by humans .

مقاتلة جيدة ولكنها ليست منيعة ، فهي مصنوعة بوساطة بشر وتطير بواسطة بشر ويتم صيانتها بواسطة بشر . اننا نؤمن وبشدة ان أي شيء من صنع البشر يمكن هزيمته بواسطة البشر .
____________________________________

التحليل من إعداد الأخ والصديق والخبير في مجال الطيران :
دكتور / مينا عادل

الحقائق والتعريفات والمراجعة والاضافة والتعديل :
Admin : Thunderbolt

السلام عليكم...

اخي العزيز نحتاج مصدر موثوق لمعلوماتك حتا نتمكن من مناقشة الموضوع مع تحياتي.


[img][/img]

مع الاسف سلاح الجو الصهيوني هو الاقوى في الشرق الاوسط بدون منازع و مع دخول الاف-35 سوف يرى العالم وحشية الصهاينة بوضوح عندما تدمج الاف-35 مع الاف-15 و ما تبقى من الاف-16 مصيبة و كارثة للعرب