الأقســـام غير العسكريـــة

اولا احب ان اهنئكم على المنتدى المتميز الى وجدت فيه ضالتى وباذن الله يكون موقع كويس اوى

انا دى اول مشاركه ليا ومش عارف ده مكانها ولا لاء

بس انا هكتبه هنا ولو حضرتكم مش ده مكانه ياريت تنقوله

فى البدايه

اعرفكم بنفسى

انا اخوكم محمود من المنصوره 18 سنه فى سنه اولى كليه تجاره

الى احب اقوله باختصار شديد

السنه الى فاتت انا اتقدمت للكليه الحربيه

وبصراحه انا مكنش فى دماغى خالص الموضوع

زى محضرتكم فهمين لسه طالع من ثانوى ومكبوت وكنت عاوز ادخل الجامعه واشوف الناس عايشه ازاى

وياريتنى مدخلتها

المهم انا اتقدمت بالفعل ومكنش فى دماغى خالص الحوار ده

وبالفعل فى اول كشف الى هو الطبى

انا دخلت وكأنى بتفسح عملت كل الكشوفات الحمدلله بس طلعت فى كشف العظام قالولى فلات فوت

طبعا المفروض انا طلعت ابقى زعلان

العكس الى حصل انا كنت فرحان لان انا مكنتش حابب الموضوع وكنت واخده هزار عادى بس لما قعدت مع نفسى بعدها وشوفت زمايلى الى نجحوا

بقيت بلوم نفسى وعاتبت نفسى منزلتش بره البيت حوالى شهر كامل

مش عارف كنت بتمنى الموت والعياذ بالله

بس بجد كنت اتخنقت جدا

بعدها باسبوع اتصلوا عليا فى البيت

لقيت عسكرى بيقولى تعالى عندك اعاده كشف

قولت ده ربنا بيحبنى وبدل عمل كده يبقى فى نصيب بالفعل استعديت كويس ودخلت واجتازت كل الكشوفات ومش كشفت عظام خالص

قالولى انت سقطت علشان فلات فوت

طبعا بعد مكان عندى امل الامل راح وحسيت ان حلمى بيروحى منى

طبعا انهرت من الموقف

بس الى كان بيزعلنى ان انا كنت بشوف زمايلى الى بيعملوا كل حاجه وحشه ودخلوا ونجحوا

وانا الى الحمدلله عمرى ما شربت سيجاره ولا قعدت على كافيه طلعت وعلى اتفه الاسباب

بس انا عندى فرصه السنه دى تانى

انى اقدم وخلاص المفروض اسحب الملف بس انا قلقان اوى دى اخر فرصه واانا خلاص لو مدخلتش حس ان انا ضعت خلاص بجدا انا حابب ادخل الكليه علشان اكون راجل بمعنى الكلمه مش زى ناس مفكره الرجوله هى انك تشرف سجاير وتكلم دى ودى

بس انا مش عارف اعمل ايه انا بعمل الى عليا وبقول يارب وبدعى على طول بس خايف من حكايه افلات فوت دى مع انها مش ظهره اوى يعنى بس بجدا انا قلقان اووووى

ونفسى ادخلها اوى اوى

انا بدخل على اليوتيوب وبشوف العروض بتاعتهم بعيط وانا بشوفها وبقول يارب نفسى اكون مكان اقل واحد فيهم

وبجد بجد انا جسمى كله بيقشعر لما بشوف كده وانا حابب الموضوع اوى والله بجد مش علشان المظهره او كده

دى يمكن جزء بسيط بس بجد الى بحلم بيه ان انا ادخلها ومش عارف اعمل ايه خايف لو اترفضت مش عارف انا ممكن اعمل ايه

ومع العلم ان اول كشف هو العظام وده بيطلع منه حوالى 80 فى الميه من الى بيدخلوا الكشف ده

انا اسف جدا جدا على التطويل وانا عندى كلام كتير لسه بس ياريت انا عاوز اعرف راى حضرتكم فى موضوعى

وجزاكم الله كل خير

نقل الى قسم تواصل الاعضاء

صلي صلاة الاستخارة . و أطع والديك

nonitto كتب:: أطع والديك

انا ايضا سافعلها

اكيد انا هصلى صلاة استخاره

والحمدلله علاقتى مع والديا كويسه

نرجو مزيد من التفاعل

والنصائح

أخي الكريم أولاً انا عشت تجارب كثيره مثل تجربتك دي
ولم أنهار أبداً من وأنا أصغر من سنك حوالي سنتين تلاته

كنت بحلم أني أكون حاجه أسمها بيل جيتس العرب وإمكانياتي وكل مايتعلق بالحلم ده
ضدي في الدرجه الأولى .

كافحت ودخلت في الطريق الصح وفضلت البحث عن العلم والمعرفه عن ( الزواج )

وما يمنعني هو الماده فقط لا غير .

هل معنى كده أني أكره نفسي وأحبس نفسي ومعنوياتي تبقى في الأرض لأ طبعاً

كافحت واشتغلت في مجالي وفي الأخير دكان صغير لصيانة الحاسبات .

مش مهم أني أكون شيء كبير او أحقق حلمي كما اريد أنا
المهم أن أسعى ليه وأعتمد على ربنا .
تعرف أنا أكبر منك بــ 7 سنين معنى كده أني ايأس وأكره نفسي لأ طبعاً
لكل منا حلم يراوده فاسعى لتحقيقه وإن لم تحققه فاسعى لغيره

ولا يأس مع الحياه ولا حياة مع اليأس

هاكذا علمتني الحياه

أخوك محمود

تحياتي

تسلم حبيب قلبى

انا والله حاولت انسى الموضوع لما محصلش نصيب السنه الى فاتت

بس دلوقتى ادامى فرصه وحده بس عاوز امسك فيها بكل الى عندى

وربنا يارب يوفقنى

» شباب بالله عليكم حد يرد
» بالله عليكم حد يساعدنى ضرررررررورى
» بسرعة ياجماعه بالله عليكم
» بالله عليكم كيف خسرنا حرب 1967
» بالله عليكم هاذا احتلال ولا سياحه ههه

الأقســـام غير العسكريـــة

تواصل الأعضاء

جئت اليكم بموضوعى فلا تردونى بالله عليكم

جئت اليكم بموضوعى فلا تردونى بالله عليكم

مواضيع مماثلة

مواضيع مماثلة