اولاً انا عارف ان الموضوع ده اتعمل كتير جداً بس للاسف فى كل مرة كان الموضوع بيتقفل بدون التوصل الى اجابة نهائية انا ان شاء الله ناوى اقدم فى الجوية السنة دى سؤالى الوحيد, بعيداً عن باقى المواصفات الطلوبة 

ما هو الطول المناسب للطيار الحربى ؟ (فى مصر)

وما الحد الادنى والحد الاقصى للطيار الحربى ؟ (فى مصر)
  (ارجو الاجابة ممن هو متأكد فقط)

انا هقولك ازاى بيختاروا الطيار علشان انا قدمت من سنتين
الاول مافيش حاجه اسمها انك تقدم فى الجويه كده علطول انتا بتقدم فى الحربيه وهما بيختاروا بناءا على حاجات
1-مجموع الثانويه اكتر من 70% بتروح حربيه اكتر من 80% بتروح بحريه اكتر من 90% فنيه
معرفش الدفاع الجوى كام المهم الجويه من 55% الى 70%
ركز فى اللى جاى
لو انتا جايب اقل من 70% ملكش غير الجويه اى كان طولك حتى لو مترين

2-الطول لو طولك اكبر من 170سم بتروح اى حاجه غير الجويه حسب مجموعك بقى زى ما شرحت فوق
ركز فى دى
طيب لو انتا جايب مجموع كبير بس طولك اقل من 170سم بتروج جويه علطول ولا ينظر لمجموعك

يعنى من الاخر لو طولك اقل من 170 سم هتروح جويه علطول اكبر بتروح السلاح حسب مجموعك
بس فى ميزه هنا افرض ان طولك اكبر من 170سم ومجموعك بردو اكبر من المطلوب للجويه
لو عديت الكشف الطبى بتاع الحربيه تمام بيتم ترشيحك للجويه تكشف هناك
لو نجحت بتدخل جويه لو سقط فى كشف الجويه بترجع تكمل كشف الحربيه الرياضى والنفسى والهيئه ....الخ

بس كشف الجويه صعب جدا قاع عين اكتر من مره لازم نظرك يكون 6على6 شارب
اشعه على فقرات الظهر و اشعه على المخ والجيوب الانفيه
وغرفه الظغط الجوي ورسم قلب وبلاوى كتير

لو متلغبط قولى طولك ومجموعك وانا هقولك خط سيرك

 - ايوه تقديم كل الكليات العسكريه بيكون فى الكليه الحربيه
- انا كمان طولى 170 وجايب اكتر من 70% خدونى حربيه
وبيكون لك الحق ان تترشح جويه لو نجحت فى طبى الحربيه بتروح تكشف طبى جويه
نجحت بتدخل سقطت بترجع تكمل باقى اختبارات الحربيه
 - لا طولك مش ازمه
 - الطول عامل اساسى فى الترشيح لمجال معين زى الطيارين الفايترز او الملاحين او الجويين
وطبعا الطيارين بيكون فى مقاتلات ومروحيات ونقل وهكذا
 - مافيش حاجه اسمها اهم اختبارين
الاخبارين دول عداهم واحد صاحبى وسقط فى رسم القلب
زى ما قولتك اختبارت الجويه كتير جدا جدا ومهمه ودقيقه جدا لازم تعدى فى كله
- وبيكون فى حاجه اسمها  أ, ب , ج الالف بيكونوا مرشحين مقاتلات
بصراحه معرفش بيختاروهم بناءا على ايه

 -وانتا بطولك ده هيتم ترشيحك فى الاول لحاجه غير الجويه حسب مجموعك وهيكون لك الحق لو عديت طبى الحربيه تترشح جويه زى ما قولتلك