اجتمع نخبة من المحللين والمتابعين لسير المنتديات ليتعرفوا على المراحل التي يمر بها عضو في المنتدى ليصل الى مرحلة التميّزالتي
حيرت الأعضاء واصبحت شغلهم الشاغل وبعد محادثات ومداولات وتتبع للعديد من
الحالات تواصلت على امتداد أسابيع توصل فريق العمل إلى أن العضو يمر بعدة
مراحل وهي كما يلي:
المرحلة الاولى : 
ويميز
هذه المرحلة دخوله باستمرار لمختلف الاقسام ومتابعته للمواضيع والردود وما
يميّز هذه الفترة أنّ العضو يحس بروحو عندو ما يقول وما يزيد في كل موضوع
لكن يبدا متردد وساعات يقول لو كان عندي عضوية راني كتبت وقلت إلى أن يأتي
اليوم يقرر فيه التسجيل) وقتها يسجّل ويبدا ينتظر في تفعيل العضويّة وفي هذهالمرحلة ينظر العضو الى المنتدى وكانه سيكون نقطة تحوّل في حياته ويبدا يستعدّ ويحضر في المواضيع وأحيانا يؤجل كل مشاريعةوخاصة العاطفية إلى ما بعد انضمامة إلى المنتدى.
المرحلة الثانيه : 
من أول
يوم لتفعيل العضوية الى حين كتابة أغلب الأفكار والمواضيع التي فكّر فيها
ويتخلص من الكبت الناتج عن المرحلة السابقة وما يميز هذه المرحلة كثرةكتابة المواضيع والمشاركات (بغثها وسمينها فيها الجديد وفيها المكرر ) ويبدأ في مدح المنتدىوالأعضاء وتكون المقولة السائدة عنده (على قد ما تكتب على قد ما تبرز) ويبدا يرى في النجوم تتزاد والنقاط تتضاعف وخلي عاد كان شكرو مشرف وإلا مسؤول لو كان يلقى يحل عليها موضوع.
سلبيّات هذه المرحلة: اهتمام العضو بالكمية و عدم التفكير بقيمة ونوعية المشاركات وشغلهالشاغل تجاوز المستوى الاولومع كل مستوى يزيد يطمح في إلي بعدو وغالبا في هذه الفترة تبرز المواضيع المنقولة والنسخ لصق
ويكون العضو كيما يقول المثل الشعبي ( جيعان وطاح في قصعة )
المرحلة الثالثة : 
وتمتد من
وقت ما يكمل يكتب وينقل ما عندو ويبدا عاد وقتها يتعرّف على الأعضاء
وينسجم معاهم ويعرف شكون يشكر فيه ديما وشكون ينتقد فيه وتولي عندو
انطباعات على الاعضاء والمشرفين هذا ناس ملاح وباهي ولاخر صعيب ومسربسها ما يميز هذه المرحلةقله المواضيع وتشابه الردود وفي أغلبها تولي تشات مع الاعضاء من قبيل وينك يا فلان وافتقدتك في موضوعي وشكرا على مرورك ..
سلبيّات هذه المرحلة: ظهور التكتلات وشكون يحب شكون وهذا يدافع على الآخر وهذا ولد جمعيتي
المرحلة الرابعة: 
هي
فترة فراغ يمر بيها العضو يحس بالروتين وبعض الرتابة لكن ما ينجّمش يبعد
على المنتدى فيكتفي ببعض الردود التوجيهية هذا مكرر يا غالي الرجاء
الإطلاع على قوانين المنتدى كما تتميز الفترة هاذي بقلة التواجد والاهم من
ذلك هو كتابة موضوع ينتقد فيهحال المنتدى وما أصبح عليه وساعات يلمح إلى انه سيتركه قريبا...
سلبيّات هذه المرحلة:
·يولي النهار الكل في الشكاوى شوفوهالموضوعكيفاش..؟ شوفو تصويرة هالعضو.. بربي حوّلوا هالموضوع...
وبعد مدّة: شنية شروط الإشراف ؟ كيفاش نولي مشرف؟ وقتاش نولي مشرف؟ ..
·ظهور
الفكر الانتحاري لدى العضو يعني ينجم في لحظة نتيجة لفهم خاطئ لأحد الردود
أو تجاهل غير مقصود من المشرفين يقطع العضو مع المنتدى ويتوجه إلى منتدى
آخر خاصة إذا لقى موضوع من نوعية أكتب عشرة مواضيع تولي مشرف...
المرحلة الخامسة: 
مرحلة
التميّز تبدا إذا تجاوز العضو الفترة السّابقة بسلام وقتها يحط جهدو الكل
في قسم من الاقسام يلقى فيه راحتو ويفجّر فيه موهبته تصبح مواضيعه أكثر
جديّة وردوده مسؤولة يولي وينسجم وقتها مع المشرفين ويلقاو فيه خير مساعد ومعاون وفي الغالب وقتها يولي عندو لقب مميّز في المنتدى ومنها إلى ما أعلى...
موضوع: النشوء والإرتقاء في حياة الأعضاء 
الإثنين 20 يوليو 2009 - 14:12
