السلام عليكم و رحمة الله و بركاته
على جميع اعضاء المنتدى الكرام الى بعتبرهم اخواتى
و على المنتدى الكريم الى استفدت منو بمعلومات كتير جدا و قيمة
انا من السنة الى فاتت و انا مسجل فى المنتدى و تقريبا دى تانى مووع لى و ارجو المناقشة فيه لانه موضوع حيوى و هايفيد جدا
طبعا اسم الموضوع فى اسغراب و اندهاش
الصاعقة المدنية
ايه رايكو فى الفكرة دى
دورة تدريبية زى فرقة الصاعقة بالظبط بس للمدنين او بالتحديد الشباب من سن 15-21 سنة
و طبعا يكون فيها شروط للقبول
الطول و الوزن و باقى الاختبارت الطبية و العسكرية بتاعة الجيش
و الى متوافر فيه الشروط يتقبل فى الفرقة و تكون مدتها زى فرقة الصاعقة
12 اسبوع و تتقسم و يشرف على تدريبها مدربين و ضباط فى مجال التدريب البدنى و العسكرى بالقوات المسلحة
و تكون زى فرقة الصاعقة بالظبط من حيث الاكل و الشرب و النوم و المواعيد و التدريب و كل حاجة فى فرقة الصاعقة
و يكون ليها زى عسكرى عشان الشاب يدخل فى الاجواء
بس بدل الرجالة الى بتأدى خدمتها شباب سنهم من 15 سنة لـ21 سنة و داخلين الفرقة دى بمزاجهم
و الفكرة دى ليها مميزات كتير
اول المميزات دى انك بتعمل اعداد لشاب من 15-21 سنة على الحياة العسكرية القاسية بتاعة الصاعقة مش الحياة العسكرية العادية
و توفير وقت للشباب بعد ما يخلصو كلية و يأدى فترة خدمته يكون ملم بالموضوع و ليه خبرة سابقة فى المجال العسكرى من و هو شاب
و ساعة لا قدر الله اوقات الحروب او الاوقات الغير سلامية و هو فى فترة 15-21 سنة يتم الاستعانة بيه فى المهمات المحدودة و المهمات الصغير
و الاتصالات و الاستطلاع و فى نفس الوقت محدش هايشك فى شاب عندو 16 17 سنة انو مقاتل متدرب تدريب عالى زى تدريب الصاعقة
و بعد ما الشاب يخلص الفرقة و يجتزها بنجاح تحت اشراف المدربين و الضباط يستلم شهادة بكدة و ميداليةاو اى شئ عسكرى ليه قيمة نوع من انواع التكريم
و على فكرة الكلام الى انا بقولو دة اتنفذ فى امريكا تحت اسم Young Marines
مشاة البحرية الصغار
بيتم تدريبهم على ايد خبراء من ضباط و مدربين مشاة البحرية الامريكية
بيتدربو على السلاح و الرماية و الحياة العسكرية و التخطيط العسكرى ورفع اللياقة البدنية و حاجات عسكرية كتير
و دى بعض لاصور للـYoung Marines
شعار الـYoung Marines
و بعض صور التدريب على السلاح و الطابور العسكرى و التدريبات البدنية
و اثناء التدريب على الاسعافات
الفكرة دى لو اتفذت فى مصر هانلاقى تغير كبير حصل
يعنى لو اتعملت هاتلاقى اعداد كبير اتقدمت للفرقة مش زى ما البعض متخيل ان الكل بيهرب من الجيش
انا نفسى شاب دلوقتى عندى 18 سنة و ماليش اخوات عشان اأدى خدمة عسكرية و فى ثانوى تجارى مش فى ثانوى عام عشان ادخل حربية
بس عايز اخدم بلدى و مش لاقى نفسى غير فى المجال العسكرى
فى ناس هاتقول ما فى التطوع
فى اهالى كتير مش موافقة على التطوع بس فرقة الصاعقة المدنية مدتها 12 اسبوع و الشاب يرجع لأهلو زى الكشافة الصيفية كدة
ايه رايكو فى الفكرة و ياريت نتناقش فيها و ارأكو
و شكرا
موضوع: الصاعقة المدنية 
الأربعاء 14 أكتوبر 2015 - 22:19
ان الموضوع و الفكرة عجبو حضرتك و الاعضاء التانين
