السلام عليكم
انا حصل معايا كام حاجة في التجنيد و كنت عايز أسألكم عنها
اولا انا طولي 178 و وزني 125 كيلو
عندي وحمة بني محروق مشعرة في دراعي اليمين 15 سم في 15 كبيرة جدا من تحت الكتف لحد الكوع 
روحت الهيكستب اول حاجة خلوا وزني 112 و طولي 180
تاني حاجة اتحولت لجنة عليا في الحلمية بسبب الوحمة 
روحت هناك ووقفت في دوري و شفت وحمات زي بتاعتي و اصغر كمان في الحجم و خرجوا قدامي و انا دخلت بصلي ربع بصه كده و اداني لائق و شفت ناس كتير اخدوا اعفاء طبعا كله نصيب و ربنا يباركلهم بس عايز اعرف انا اعمل ايه
و عايز اتظلم عالوزن لأني مركزتش عليه بسبب ان كان عندي امل كبير في الوحمة هل ينفع ؟
انا كنت ظابط و في الارجا نزلت جندي
ياريت بالله عليكوا تفهموني و تساعدوني اكون شاكر ليكوا

روح اعمل تظلم في التجنيد التابع لمنطقتك او في الهايكستب والحق معاد القومسيون الطبي هيبقي تقريبا كمان اسبوع او 10 ايام والتظلم يكون بسبب الوزن والوحمه وركز علي الوزن اهم شيء لان الوحمه من شكلها الدكتور بيعرف ازا كنت لائق او مش لائق لانه بيعرف ازا كانت بتوجعك ولا مبتوجعكش ممكن تكون الي عندك مبتوجعكش  عشان كدا اهم حاجه الوزن واكتب في التظلم سمنه مفرطه عشان الكلمه دي بياخدو بالهم منها كويس .  وربنا معاك

شكرا يا باشا عالرد
بس انا روحت انهاردة و قالولي ان المناظرة الطبية كانت يوم 6 و خلصت خلاص و عشان انا روحت لجنة عليا فمليش تظلم تاني غير بعد سماع السلاح فهل ده صح ولا بيقولوا اي كلام عشان امشي 
و الله مبقتش بطمن بسبب معاملتهم مع اني ابن ضابط و رايح بواسطة كمان