وعليكم السلام

1-في فترة الكلية بتكون طالب وبعد التخرج بتكون ملازم (تعلق نجمة) بعدبن ملازم أول بنجمتين في اخر مدة..بالنسبة للاجازات بتقضي فترة المستجدين في الأول بدون اجازات المفروض انها 45 يوم بعدين بتاخد اجازة يومين في اخر كل اسبوع
2-(المفروض) مفيش فرق بس لما ربنا يكرمك هتلاقي فروقات مش فرق
3-الضباط الاحتياط بيتم توزيعهم على جميع الاسلحة تقريبا وده حسب التخصص الدراسي
4-قانونيًا يستطيع الضابط الاحتياط التجديد حسب رغبته لأكثر من مدة لاكن ما يتم على أرض الواقع هو التجديد لمدة واحدة بالكتير حسب رأي القائد
5-ملازم أول
6-طبعًا..بل انه يمكن استدعاءه في فترة السلم حتى بلوغه سن 46 سنة وهو سن انتهاء الاستدعاء

سيدى الفاضل تحياتى :

اولا : لو حضرتك عايز تقدم ضباط احتياط كقضاء للخدمة العسكرية فقط فبتبقى حوالى 3 سنوات لكن بعدها بيخيروك تستمر ولا تخرج ... لو استمريت بيتجددلك سنة واحدة استمرارا حتى رتبة العقيد يعنى حوالى 46 او 47 سنة ... الفارق بين ضابط الاحتياط وضابط الحربية أن ضابط الحربية ممكن يستمر فى الخدمة حتى سن الستين ده لو مطلعش بدرى معاش بالاضافة الى أنه اثناء العمليات او الحروب بيكون الضباط الميدانيين عادة ضباط اساسيين مش ضباط احتياط وكمان فى اللبس الضباط الاحتياط لبسهم مختلف شوية عن الضباط الاساسيين ... بالنسبة للتوزيع فبيكون حسب مؤهلك وتقدير ضباط الكشف وبما ان حضرتك هندسة فتوزيعك ممكن يكون حول وحدات الصيانة او الدفاع الجوى او جوية او بحرية حسب توزيعك بعد دراستك ... الضابط الاحتياط كما قلت ممكن يصل لرتبة العقيد لو كمل برغبته فى الجيش وكمان اثناء التقديم بييجى للكلية مندوب من الكلية الحربية للى نفسه يقدم فيها بنفس اختبارات القبول المعروفه وكمان للى عايز يقدم ضباط متخصصين ... يمكن لضابط الاحتياط استكمال دراسته فى كلية القادة والاركان او كلية ناصر العسكرية وكذلك ايفاده فى بعثات خارجية اذا اظهر التفوق فى مجال عمله ... ويستدعى ضابط الاحتياط الى الخدمة متى رأى الجيش ذلك لكن ده حتى فى اوقات الحروب امر غير شائع لأن الجيش بيهتم بحشد القوات وليس الضباط على اساس الوفرة فى الضباط وكذلك ضباط الاحتياط المتواجدين بالخدمة وقت الحرب .

طيب الظابط الاحتياطى المهندس بيحارب يعنى بينزل فى الاشتباك زى المشاه
واى سلاح أقرب للحرب للمهندسيين

اقتباس :

5- ما هى اقصى رتبة قد يصل إليها ضابط الإحتياط ؟ وبناءا عليه هل يمكنه الترشّح لكلية القادة والأركان ؟

يتم توزيعه حسب تخصصه على سلاح المهندسين

شكرا

انا خريج كلية الاثار هل ليها تخصص في كلية الضباط الاحتياط؟