السلام عليكم, انا حتخرج السنة دي من اداب انجليزي. ألمفروض اطلع اعفاء نظر انا اخويا نفس نظري و لسة طالع من سنتين. بس أنا عاوز أخش الجيش. اللي أعرفه اني لو عملت PRK في عيني مش حيبقي فيه مشكلة. أنا مش حكدب أنا عندي أكتر من واسطة و عاوز اعرف لو اترشحت ضابط هل في امكانية اني استمر في الجيش بعد ال3 سنين؟ انا مش بتكلم سنة او اتنين أنا عوازه يبقي كارير اكمل فيه حياتي. الحاجة التانية أنا طولي تقريبا 171 سم لو تم السماح ليا اني اكمل في الجيش هل يمكن التحق بمدرسة صاعقة أو مظلات مع وضع اعتبار النظر في الموضوع؟ أنا طول عمري رياضي جدا و جسمي الحمدلله معضل و صحتي حديد. أنا بمشي بشنطة سفاري وزنها 15 كيلو 3 ساعات (18كم) مرتان أسبوعيا يعني مبين مشي و هرولة و بجري 12 كم بمعدل كيلو في حوالي 5 دقائق 3 مرات في الاسبوع ده غير اني بروح الجيم باستمرار. علي النت معلومات الطول متضاربة جدا ناس يقولو 180 و ناس 175 وناس تقول الطول مش مهم, المهم تناسق الطول مع الوزن فانا متلخبط جدا جدا. لو حد عاوز يشوف كشف النظارة ممكن يقول و حعمله upload 
أنا احد الاشخاص قالي زمان كان ينفع تكمل بعد التجنيد لما يخلص بس دلوقتي لأ هل الكلام ده حقيقي؟. لو الباب ده مقفول هل كدة من الأفضلي اقدي سنة واحدة في التجنيد كعسكري ثم بعد ذلك اقدم كضابط متخصص( متأخر سنة فحبقي 24 سنة بعد ما اخلص تجنيد و احنا ساعات معتمدة فتقديري 2.5 GPA تقريبا يعني يعتبر جيد)؟ طبعا بحكم دراستي بتكلم انجليزي بطلاقة زيادة عليه عندي لغة فرنسية بردو كويسة. انا بردو كنت قريت ان الprk مش بتتكشف أصلا في الكشف الطبي. لو ده فعلا صحيح هل اقول من نفسي اني كنت عامل عملية و لا اسكت و اقفل بقي؟
لو الطريق حيبقي كضابط متخصص, هل بيبقي ليهم الحق بردو يقدمو في صاعقة أو مظلات؟ و هل بيبقي لازم انهم يقومو بمهام و اعمال مكتبية فقط بحكم انهم ضباط متخصصين ولا ده مش شرط؟
ِشكرا علي الرد مقدما :)