السلام عليكم،،،

بعد أسبوعين من الاطلاع علي عشرات الموضوعات هنا بصمت من مستوى صفري دون المبتدئ قررت أخيرا أدخل المنتدى وبالمناسبة أول منتدي أشارك فيه فيسعدني ويشرفني ده وتقريبا معنديش خبره فالمنتديات فاعذروني عن أي خطأ

المهم

قريت ان ألمنيا وفرنسا هتنقل خبرة تصنيع الغواصات والفرقاطات هنا مصر والصين هتنقل خبرة صناعة الألواح الشمسية والأقمار الصناعية والمكونات الالكترونية هنا بردو يعني تحويل الرمل للسيلكون ومن ثم للمكونات الالكترونية وكوريا الشمالية بتنقل خبرة تصنيع الصواريخ البالستية وتخطت ده وكانت بتنقل صناعة الأسلحة النووية في سوريا!!! وفرنسا نقلت خبرة المنشئات النووية لاسرائيل وغيره وما خفي كان أعظم.

ليه الدولة تنقل خبرة سنين طويلة صرفت عليها مليارات لدولة تانية بكل سهولة؟!! ايه المقابل غير الفلوس الي مش هتجيب حتى 1% من الي اتصرف عليها؟

هو في الحقيقة دا سؤال أكتر من انه نقاش لأني كما ذكرت مستوايا تقريبا مبتدئ ومحتاج أعرف ايه الي ضحينا بيه في سبيل الصناعة دي؟؟
زي تصنيع دبابة M1A1 الي كانت مكافئة لمعاهدة كامب ديفد