سلام عليكم, 


أنا إن شاء الله آخر سنة كلية اقتصاد و علوم سياسية في مصر بس مش حابب مجالي خالص و نفسي اخدم في الجيش المصري و أمنيتي منذ طفولتي اني انضم للقوات الخاصة و أبقى مستعد للفداء في أي لحظة واللهِ بدون أي مشكلة أو تخوف. أنا مؤهلاتي البدنية و العقلية تأهلني إن شاء الله للقبول في أي كلية عسكرية و أنا متأكد إن شاء الله من هذا الأمر. عندي بعض  الاسئلة و أريد إجابة الاعضاء الموقرين عليها أن كانوا يملكون معلومات أو اجابات لها.

1- هل بعدما انتهي من دراستي كطالب في كلية العلوم السياسية و تم اختياري للخدمة العسكرية كظابط و ليس عسكري, ماذا يكون لقبي؟ هل هو ظابط احتياط؟
2- لو الإجابة بنعم على السؤال الأول, هل يتم توزيع الظباط الاحتياط على أسلحة مختلفة؟ ام يختلف الأمر عن الظباط العاملين؟
3- هل في امكانية بعد انهاء الخدمة العسكرية التي تستمر حوالي 3 سنين على ما اعتقد إني اتحول من ظابط احتياط إلى ظابط عامل؟
4- هل في امكانية ان اتلقى نفس التدريبات و الفرق التي ترشحني للانضمام إلى القوات الخاصة و تحقيق حلمي؟

أتمنى ان تكون الاسئلة واضحة و ان تكون الاجابات وافية.

اخوكم, احمد حسن

السلام عليكم , عزيزي :
عندما تتقدم لمنطقة التجنيد يتم توزيعك على حسب الكشف الطبي إلي إما لائق أ فتعتبر مرشح لكلية ضباط احتياط فتذهب لكشف طبي اخر ادق فى منطقة حلمية الزيتون , واما أن تكون لائق ب فترشج جندى . بالنسبة للائق أ بيتم عليك كشف طبي ادق شوية وكمان شوية تحريات محترمة ولو اتقبلت اصبحت ظابط احتياط وتلتحق بالكلية لمدة حوالى 6 شهور . التخصص يكون من أول يوم فى الكلية حيث تعرف سلاحك اللى هتخدم فيه وهتدرب عليه طوال إقامتك بالكلية وهتشتغل فيه لما تتخرج بإذن الله . للتحويل لضابط عامل بالقوات المسلحة ممكن الاتى 1) فى اول يومين ليك فى الكلية هتلاقي مندوب من الكلية الحربية بيجي يسأل الناس اللى عايزة تقدم زيها زى اى واحد نفسه يدخل حربية وفى الحالة دى بتروح نفس كشوفات الحربية بس بيبقي فيه شوية اهتمام فى الرياضي لأنك لو جبت درجة قليلة فى الرياضي وكملت لكشف الهيئة هتسمع ما لا يحمد عقباه من مدير الكلية الحربية اللى هيسألك ازاى تبقي ظابط احتياط وجايب درجة مش ولا بد فى الرياضي ؟ . 2) لو خلصت ال3 سنين قدم على دورة أركان حرب ويستحسن تطلبها فى بعثة خارج مصر ولما تاخدها ان شاء الله بتقدم طلب لتحويلك لضابط عامل مرفق بيه الشهادة بتاع اركان الحرب وأى دورة عسكرية تانية انت خدتها عشان تحسن فرصك فى قبول الطلب . أما عن اخر سؤال فكما قلت لحضرتك انت بتتوزع على السلاح اللى هتخدم فيه من اول يوم فى الكلية لكن نصيحة لو عايز  تحول ظابط عامل خليك فى الطريق الاول المضمون اللى هو تقديم الحربية لأن الطريق التانى ممكن يكون صعب والطلب لا قدر الله يترفض

Ahmed ElMahdy كتب:

السلام عليكم , عزيزي :
عندما تتقدم لمنطقة التجنيد يتم توزيعك على حسب الكشف الطبي إلي إما لائق أ فتعتبر مرشح لكلية ضباط احتياط فتذهب لكشف طبي اخر ادق فى منطقة حلمية الزيتون , واما أن تكون لائق ب فترشج جندى . بالنسبة للائق أ بيتم عليك كشف طبي ادق شوية وكمان شوية تحريات محترمة ولو اتقبلت اصبحت ظابط احتياط وتلتحق بالكلية لمدة حوالى 6 شهور . التخصص يكون من أول يوم فى الكلية حيث تعرف سلاحك اللى هتخدم فيه وهتدرب عليه طوال إقامتك بالكلية وهتشتغل فيه لما تتخرج بإذن الله . للتحويل لضابط عامل بالقوات المسلحة ممكن الاتى 1) فى اول يومين ليك فى الكلية هتلاقي مندوب من الكلية الحربية بيجي يسأل الناس اللى عايزة تقدم زيها زى اى واحد نفسه يدخل حربية وفى الحالة دى بتروح نفس كشوفات الحربية بس بيبقي فيه شوية اهتمام فى الرياضي لأنك لو جبت درجة قليلة فى الرياضي وكملت لكشف الهيئة هتسمع ما لا يحمد عقباه من مدير الكلية الحربية اللى هيسألك ازاى تبقي ظابط احتياط وجايب درجة مش ولا بد فى الرياضي ؟ . 2) لو خلصت ال3 سنين قدم على دورة أركان حرب ويستحسن تطلبها فى بعثة خارج مصر ولما تاخدها ان شاء الله بتقدم طلب لتحويلك لضابط عامل مرفق بيه الشهادة بتاع اركان الحرب وأى دورة عسكرية تانية انت خدتها عشان تحسن فرصك فى قبول الطلب . أما عن اخر سؤال فكما قلت لحضرتك انت بتتوزع على السلاح اللى هتخدم فيه من اول يوم فى الكلية لكن نصيحة لو عايز  تحول ظابط عامل خليك فى الطريق الاول المضمون اللى هو تقديم الحربية لأن الطريق التانى ممكن يكون صعب والطلب لا قدر الله يترفض

شكرا على المعلومات القيمة.

Egypt 777 كتب:

اذا اخذت ان شاء الله ضابط احتايطى يمكنك ان تقدم ضابط متخصص اذا كان تخصصك مطلوب لتكون ضابط عامل 

اما بالنسبة لتكون فى القوات الخاصة فاعتقد نسبتها قليلة لسبب تخصصك 

مع العلم ان فى مجموعة الشهيد الرفاعى كان يوجد طبيب بينهم 

شكرا على الرد. لكن في استفسار.

إذا تم تجنيدي ك ظابط احتياط, أنا سمعت من ظباط في الجيش إن هناك امكانية ان اخدم في الصاعقة. لكن قولي, لو أنا بدنيا سليم جدا و لائق و دي حاجة أنا واثق منها إلى حد ما إن شاء الله, ما الذي يمنع؟ و بخصوص اقدم ظابط اختصاص, هل ظابط الاختصاص ده بيشيل سلاح و بيتلقى نفس تدريبات الظباط المقاتلين ولا لأ؟ لأن أنا مش هدفي إني اقعد في مكاتب ولا امضي على ورق, أنا هدفي أشيل سلاح و اتدرب يوميا على الرماية و اتحسن كل يوم عن اللي قابله.

و شكرا

خلاص يبقى مش شرط اقدم على ظابط متخصص و ممكن لو اتخادت ظابط احتياط أبقى في الصاعقة صح؟ المكتب دي حرقة دم الصراحة.

Egypt 777 كتب:

انت كده كده هتشتغل فى مكاتب لو دخلت الجيش هيكون ليك فرصة انك تخدم بلدك اكتر  و ليك فرصة انك تكون فى الصاعقة 

فانا نصيحتى ليك ان تقدم ضابط متخصص و تعمل فى مكتب تابع للقوات المسلحة افضل من مكتب مدنى وخاصة انه يوجد فرصة ان تكون ضابط صاعقة لكن هذه ضئيلة جدا 

تمام كلام زي الفل.

لكن هذا معناه إن فرصتي أني انضم للصاعقة أكبر لو دخلت كظابط احتياط و تم توزيعي على سلاح صاعقة و بعد كده أبقى اجدد في الخدمة لما تخلص مدتي, صح؟

لو سمحتو انا كان عندي استفسار وياريت بجد حد يرد وهكون ممتن ليه جداً..  دلوقتي انا لما اتخرج ان شاء الله من كليتي وهي كليه الصيدلة عايز اقدم كضابط متخصص انا عارف يشترط اني اكون معايا التخصص الي عايزينه انا فاهم ده الي مش فاهمه بقا هل لا قدر الله لو مطلبوش التخصص بتاعي هل ينفع اقدم تاني في(( السنه الي بعديها )) يعني لو كان التخصص بتاعي مطلوب زي الثانويه العامه كده؟؟؟ ولو الجواب لا ليه طيب ساعات بيطلبو ضباط متخصصين يكونو حاصلين على درجه عاليه زي الدبلوم او الماجستير او الدكتوراه وبيطلبو حد لسن معين لكل شهاده طب ازاي طلبو شهادات عاليه وكده وكده بديهي هيكونو عدو سنه التخرج؟؟؟ 
وهيكون ليه جزييل الشكر انه يجاوب عليا ويساعدني شكراً