بسم الله الرحمن الرحيم
الاعضاء الكرام احب اعرض عليكم موضوع ياريت ينول اعجابكم
انا فاكرة انى اصنع طيارة نفاثة ممكن تشاركونى فى صنعها فى ورشة عمل الاول نحدد الاعضاء الى عايزين ينضمو وبعدين نبتدى على بركة الله

بحييك اخى الكريم واتمنى ان يزيد عدد المنضمين لكى نبدا
وشكرا على اهتمامك وبجد مش هاتندم

بسم الله الرحمن الرحيم
انا طرحت البرنامج دة علشان الاعضاء الكرام يستفيدو بس من الواضح ان مافيش حد مهتم غير واحد بسhalouzi بس انا كان نفسى الاقى اقبال احسن من كدة وعلى العموم انا هابتدى وامرى الى الله

اولا ها نبتدى بالموتور احنا عارفين ان الموتور هو اهم حاجه فى الطائرة علشان كدة ها نبتدى بيه
كلنا عارفين المواسير البلاستيك الى بتتباع فى محلات الادوات الصحية صح
هانجيب قطعه طولها 100 سم وقطرها يكون اكبر حاجه يعنى 4 بوصه
هانقيس 40 سم من كل طرف يعنى يبقى بنفس الطريقة 40\20\40 سم وها يبقى فى المنتصف عشرين سم هانعلم فى نصفها بالظبط يعنى 10\10 سم وهانجيب منشار بس يكون كبير وهانقطع الماسورة من المنتصف بس القطع يكون مائل يعنى هايبتدى من بداية 40 سم الاولى وينتهى ب40سم التانية
هايطلع عندنا جزئين كل واحد نفس طول التانى والاتنين شكل واحد
وبعدين هانجيب عدد 8 مراوح من البلاستيك بردة قطر الواحدة هو نفس قطر الماسورة يعنى بمعنى اصح المراوح تدخل داخل الماسورة ها نجيب الماسورة ونثبت المروحه الاولى بعد 5 سم من الخلف من المكان المستقيم فى الماسورة يعنى الجنب الى احنا مقاطعناش منه
ونثبت المروحه كويس وبعدين ها نحتاج 2 موتور كهربى صغير يعمل بالبطارية
ويكون ليه مخرجين يعنى نقدر نثبت مروحه فى كل جانب منه

وبعدين هانجيب الموتور الاول ونركب فية مروحه من كل جنب بس نسيب مكان للمروحه الى احنا ثبتناها فى الماسورة يعنى هانركب المروحه وبعدين هانركب رلمان بلى بحيث الرلمان بلى يركب فى المروحه الى احنا ثبتناها فى الما سورة من الاول وبعدين نركب الموتور داخل الماسورة
هايبقى عندنا كدة 3 مراوح هما الى ركبو وبعدين نركب المروحه الرابعه جوة الما سورة ونثبتها فى الما سورة يعنى ها يبقى الموتور فى النص وبعدين ها نفتح فاتحه صغيرة فى الما سورة من اسفل واعلى الموتور ها نعدى منهم السلك الى ها يوصل الكهربا للموتور وها نعدى منهم سلك المونيوم ها نثبت بيه الموتور بحيث انه ما يتحركش وها نعمل نفس الشيى فى الما سورة التانيه وبعدين اخر قطعه وهى قطعه من البلاستيك شكل مخروطى او قمع من نفس المكان الى جبنا منه الماسورة شكلها عامل زى القمع من جانب قطرها نفس قطر الماسورة والجانب الاخر صغير جدا ها نجيب قطعتين ونثبتهم فى اخر كل ماسورة وبكدة يكون المحركين جا هزين للعمل
ملحوظه\\\\\\\
كل مروحه هاتكون عكس التانيه يعنى الى مثبتين فى الماسورة يكون فى اتجاه واح والى مثبتين فى الموتور يكون فى الاتجاه المعاكس