[/center]
[/center]

اولا نرحب بك يا مصراوي في منتدانا benvenuto a te, sei a casa tua .

ثانيا كل اسئلتك هاته سوف تجد لها كل الاجابات لو تصفحت قليلا صفحات المنتدى..ففيها كنوز من المعرفة العسكرية..خد كل وقتك.

ما يمنع، اشكرك اخوي على ردك و تحياتي لك :)

MaSrAwY كتب:

السلام عليكم و رحمه الله و بركاته

اخواني اول مشاركه هي احلى فرحه، فهل ستسمحولي بهذا ؟
اسمحولي اقدم نفسي ليكم: انا عمرو عزت من الاسكندريه، مصر ، عشت في ايطاليا 7 اعوام و حاليا انا متواجد في لندن منذ سنه
[center]انا عندي 16 سنه و طالب في الثانويه هنا في انجلترا. شخصيا انا مثقف جدا و الحمد لله و اللي جعلني اشارك في المنتدى هو اني هاوي سياسه و لدي بعض الأسئلة. ارجوكم ماتبخلوش علي لو عارفين حتى سوأل واحد.[size=24][center]
1) ارجوكم انا عايز اعرف هل لو في مروحيه مثل الاباتشي و هناك مقاتله من العدو اف16 مثلا . مين اللي ممكن يكسب ؟!!
2)سوأل حيرني كتير جدا. لماذا مثلا دوله مثل مصر تطلق كل اقمارها الصناعيه من دول مثل كازاخستان او اوكرانيا ؟!! حاجه عجيبه ! و ليه العرب مايكونش معهم علاقه قويه مع الصين و الهند و يخلوهم يمنعوا التجاره مع اسراءيل، و خصوصا مجال الفضاء !!! هل خوفا من الموساد ؟!

3) شباب انا نفسي اعرف الفرق بين كل الاشياء دي و ما هي قدرتها، و ممكن تضيفوا عليها لو عايزين: مدافع الهاون، العربات المجنزره، عربات الجنود الخفيفه، سلاح المدفعية(منهم مدفعيه مقطورة، مدفعيه ذاتية الحركه، راجمات الصواريخ، مدافع عديمة الارتداد،
مدافع دفاع جوي)، انظمه الصواريخ المضادة للدبابات، انظمه الصواريخ ارض / ارض، صواريخ ارض / جو.
عارف انها اشياء كثيره لكن و الله ده لاني هاوي جدا.

4) سوأل تافه شويه : اذا كان بامكان الدول العربيه امتلاك السلاح النووي، فما هي فاءدته اصلا ! هل لضرب اسراءيل التي بداخلها عرب 48 ؟!!

5)السوأل الاخير : هل فعلا مصر تمتلك طاءرات اقل من اسراءيل ؟ اقسملكم بالله انا مبتديء خالص لان قبل كده كنت مهتم بالتاريخ و الجغرافيا و العلوم و اللغات، فحاسس ان مخي مش في راسي اصلا

و اخيرا احب اقول: يا رب اكون خفيف عليكم و تسمحولي المرور...ينفع اعدّي ؟

[/center]
[/center]

أهلا بيك مصراوي|عمرو عزت انا كمان جديد نوعا ما في المنتدى بس انا الحمد لله عارف اكتر منك شويتين المهم بص يا سيدي ..
أولا .. الأباتشي دي هليكوبتر هجومية بمعنى .. انها هليكوبتر مسلحة بأسلحة
مضادة للدبابات وأسلحة مضادة للأفراد .. صواريخ .. مدافع رشاشة .. اما
الفالكون f-16 فهي مقاتلة نفاثة اسرع من الصوت .. عشان كده .. المقارنة
بينهم كأنك بتقارن بين مقشة دخلت معركة مع باتستا مثلا انا مش عارف اجيب مثال .. المهم ان المقارنة بينهم متنفعش اصلا !


سؤالك الثاني بخصوص الأقمار الصناعية التي تطلق من الدول الغربية او
الاوروبية .. بص يا سيدي الموضوع ده له علاقة بموضع الأرض أو مدار الأرض
وموضع مكان الاطلاق من المدار اللي هيكون فيه .. الموقع ده ممكن متقدرش
تحصل عليه غير في مكان 1 في نفس الوقت عشان كده .. الموقع اللي هتحجزه في
السما لازم تحجزله كمان المكان اللي هتطلق منه القمر الصناعي في الارض ..
اما بالنسبة للتعاون مع الصين وروسيا والهند .. ف دي حساسيات سياسية ..
مصر كل اتجاهها ناحية الغرب والغرب فقط ,,مليار و 300 مليون مساعدات لمصر
منها مليار دولار مساعدات عسكرية مباشرة المبلغ ده سنويا ..!


سؤالك الثالث عن الفروق بين كمية الاسلحة الغريبة اللي انت قلت عليها دي
.. انا هقول اللي اعرفه .. وهو مجرد قشور لا تسمن ولا تغني من جوع ..
والمفروض تسمع كلام المشرف المحترم اسماعيل وتدخل بنفسك وتتوغل في المنتدى
هنا في القسم الخاص بكل حاجة عايز تعرفها .. المهم.. بص يا سيدي .. مصر بالفعل تمتلك طائرات اقل من اسرائيل .. عدد طائرات مصر الهجومية المقاتلات والقاذفات لا يتعدى ال 650 طائرة على اكثر التقديرات .. طائرات اسرائيل تسبق الطائرات المصرية بجيلين على الاقل .. وعددها يتجاوز ال 850 طائرة حديثة من طائرات ايجل اف 15 الى طائرات فالكون اف 16 وعدد كبير اخر من طائرات السكاي هوك واعتقد كمان التايفون .. المهم .. التفوق الجوي كما وكيفا يميل تماما لصالح اسرائيل وعلى فكرة .. اسرائيل تتجاوز قوتها الجوية قوة مصر وسوريا والاردن مثلا مجتمعين ! لكن مش دي الفكرة .. الفكرة في قدرتك على استخدام امكانياتك في تحقيق اهدافك .. بدليل حرب اكتوبر اللي الطيران الاسرائيلي الكاسح اصبح مشلولا في الجبهة بفضل الدفاع الجوي المحكم المصري والسوري .. واخيرا حرب لبنان في 2006 حيث لم يؤثر الطيران الاسرائيلي عسكريا بأي شئ .. كل ما تم القيام به هو تدمير منشآت مدنية وقتل مدنيين فقط .. وعندما حان وقت الهجوم البري انفضح الاسرائيليين !!


المهم .. نعم التفوق كاسح لصالح اسرائيل !
اما بخصوص سؤالك عن الفروق بين القطع المختلفة دي ف انا هقول اللي انا اعرفه و اتمنى انك تدور انتا كمان لان انا معلوماتي معظمها سطحية !

بص يا سيدي..
مدافع الهاون = تعتبر من الاسلحة الخفيفة او المتوسطة حسب عيار القذيفة .. مداها أقل من 10 كم يعني دي مناسبة كسلاح دفاعي أو سلاح هجومي بس عشوائي .. لان الهجوم بيها دائما بيكون في دفقات .. بمعنى انك بتضرب مثلا 100 او 200 قذيفة في المرة لو هتعمل هجوم فعال ..!

العربات المجنزرة = أي عربة تسير على جنزير ! الدبابة تعتبر مجنزرة .. في بعض المدرعات مجنزة .. في بعض قطع المدفعية ذاتية الحركة بتمشي على جنزير = مجنزرة !

عربات الجنود الخفيفة دي معتقدش انها محتاجة توضيح .. اعتقد والله اعلم انها ناقلات الجند الغير مصفحة اللي هيا من الاخر في مصرنا الحبيبة مقطورات وشاحنات صناعة سنة 1790م ومع ذلك ما شاء الله لسه شغالة وصحتها زي الفل

بالنسبة لباقي أسئلتك اعتقد اني هكون بهرج لو حاولت اتكلم عنها لوحدي مع نفسي كده .. اسمع كلام المشرف المحترم وبالفعل المنتدى فاتحلك الابواب .. فيه قسم للمدفعية و قسم للدفاع الجوي و قسم لاي حاجة تيجي على بالك .. فعلا على فكرة حتة مش نفاق والله .. المنتدى ده من اجمل المنتديات اللي شفتها في حياتي .. ادخل كتير لو عايز تزود معلوماتك !
يا رب اكون افدتك بحاجة .. وبشكر مشرفنا الكريم كريم انه مر علينا

العفو يا ولدي انا كان نفسي اكون عندي معلومات اكتر افيدك بيها .. يا رب تكون انت سمعت كلام المشرف المحترم ده ودخلت ابحرت في الاقسام المختلفة في المنتدى .. بجد مواضيع رائعة للثقافة العسكرية ..