هذا الموضوع يحتوي علي جدولين للطيارين الذين طاروا اكثر من الف ساعة علي طائرات الاف 16 في سلاحي الجو المصري والاسرائيلي وللعلم دة شئ مهم جدا لان الطيار الي بيطير علي طيارة واحدة اكتر من الف ساعة بيبقي عارفها اكتر من نفسة ودة في حالة السلم بيساعدة علي الحفاظ علي الطيارة وعلي نفسة قبلها وفي حالة الحرب بتكون عامل مهم جدا في حسم الاشتباك لمصلحتة .

الطياريين المصريين العظام




الطياريين الاسرائيليين



طبعا الفرق واضح جدا في العدد والجداول لسة حديثة جدا لانها في شهر فبراير 2010 يعني من حوالي خمس شهور بس

تحياتي

ايه ده يا عم ! 47 طيارين مصريين ضد 9 طيارين زفت اسراءيليين ؟! ده ظلم ! ههه
مش ملاحظ ان اول اتنين مصريين في الجدول تجاوزوا ال2000 ساعه يا محمد ؟
بس على فكره احنا لو ما كناش على استعداد للحرب في اي لحظه كان زمانا عدينا ساعات الامريكيين و البلجيكيين و الهولانديين....كمان عشان الوقود و كده، ولا انت شايف ايه ؟
بس انا متاكد ان ده مش معناه ان باقي الطيارين وحشين، بالعكس، ممكن عشان 1000 ساعه كمان دي كتيره اوي !

موضوع مميز تحياتي

القوات الجوية الاسرائيلية اعترفت انها غيرت من تدريباتها والتكتيكات المستخدمة فيها لمواجهة التدريبات الجوية المصرية .

محمد علام كتب:

القوات الجوية الاسرائيلية اعترفت انها غيرت من تدريباتها والتكتيكات المستخدمة فيها لمواجهة التدريبات الجوية المصرية .

هما متكبرين بشكل رهيب يا محمد ! ايه التكبر ده ! تحس انك هتواجه ديناصورات بتطير مش بشر و في الاخر الحمدلله احنا بنكسب برضو
الروح المعنويه مهمه جدا

زمان كان اسم الطيار دة سر حربي وممكن تتحاكم لو افشيتة وكنا عايشين في ضغط رهيب .
هذا الجدول مهم للغاية وللاسف انا لم استطيع الوصول لعدد ساعات مثل هذا علي الاف-16 لاني كنت علي وشك الخروج من الخدمة .

هما عندهم 9 طيارين عدوها علي الاف 16 واحنا 47 ماحدش سأل نفسة هما عندهم كام طيار عدوا الالف ساعة علي الاف 15 اعتقد ماحصلش .

غير كدة الميج 29 والسو 35 لو دخلوا الخدمة هنبدأ نعد في طيارتين مش طيارة واحدة من الاول بطيارين هتطير لاول مرة عليها .
اسرائيل كدة كدة هتحصل علي الاف 35 وهتبدأ تعد علي طيارة واحدة بس

يبقي النتيجة :
اف 16 طياريين مصريين اكثر
اف 15 : طياريين اسرائيليين فقط
اف 35 وميج 29 وسو 35 : تفوق اسرائيلي في عدد ساعات الطيران علي الطائرات الجديدة لتقسيم الطياريين علي طائرة واحدة بينما لدينا يتم تقسيمهم علي طائرتين .

حسب ماهو لو الطيار الي عندك قديم وقرب يتقاعد مينفعش طبعا تودية ياخد دورة وبعدها يتأقلم مع الطيارة مش هيبقي الموضوع جايب همة .

الطيارين الجداد هما الي بيخدوا الطيارات الجديدة غالبا بس بعد مايطلع عينهم ودة الصح وانا كنت معرفش روسي وطرت علي الميج 21 بعض الناس بس الي بتسافر الدولة المصدرة للطيارة ويرجعوا يدربوا زمايلهم .

بخلاف كدة الموضوع بيخش فية اعتبارات تانية مش دة المجال لذكرها.

ارجو اكون جوابتك

موضوع جميل جدا يا باشا لكن زى ما احد الاعضاء الكرام قال هما بيتفوقوا علينا فى الاف 15 برضه وفى حاجات تانية...والاف 15 طبعا كلنا عارفين قوتها الضاربة وقدرتها على الضرب فى العمق الاستراتيجى وايضا مقدرتها الاعتراضية ده بالاضافة ان عندهم اقوى طرازات الاف 16 انا مش بحاول احبط والدليل طبعا اننا غلبناهم فى اكتوبر بطائرات ضعيفة ..وكنت سمعت خبر عن ان امريكا رفضت تصدرلنا الاف15 بضغوط من اسرائيل الكلام ده صح...ولا فيه سبب تانى وراء عدم حصولنا على الاف 15

ايوة اللوبي الصهيوني في امريكا وخصوصا في الكونجرس منع ان مصر تحصل علي الاف 15 حتي كانوا اشترطوا علي السعودية متحطهاش في قاعدة تبوك لكن مؤخرا السعودية حطتها هناك عشان الخروقات الاسرائيلية لمجالها الجوي

شئ عظيم

دايما الى بيدرب على الصعب والقديم عشان يواكب الحديث بيبقى افضل بكثييير
هما ناس مرفهة لكن احنا بنموت نفسنا عشان نوصل لاعلى مرتبة والفرق ده هيبان مع الوقت باذن الله وفى اقرب حرب

تحية لطيارين مصر كلهم سواء الذين تخطوا 1000 ساعة أو الاخرون فنحن نقدرهم كلهم و نعتز بهم