ممكن تكلمني اكتر عن الفلم علشان يبقى ليا السبق في نشره في المنتدي

معلم ؟؟

مقبوله منك يا حسام على فكره أنا 36 سنه ومدير إدارى ومدير إدارة موارد بشريه .

بالنسبه للتذاكر أقسم بالله عهد عليا ليكم كلكم .

الفيس بوك لينا عليه جروب 114 the movie

من أول ما اشتغلنا و الحمد لله العدد بيزيد ، أنا عايز انتشار على المنتديات و البلوجات بصوره أكبر من اللى حاصل دلوقتى .

إيديكم فى إيدينا و الله هنعمل حاجه كويسه بإذن الله .

انا نشرته في الصفحة والجروب الل تبع المنتدى وهنشره على اد ما افدر

شوف يا سيدى بإذن الله الفيلم هيتعمل بتقنيه عاليه زى اللى استخدمت فى أفلام زى 300
و saving private rayan
والوقائع اللى هتكون فى الفيلم وقائع حقيقيه 100 % و الأرقام اللى فيه والتواريخ هتكون محققه ودقيقه للغايه .
أخدت فى كتابته سنه تقريباً وحالياً فيه ورشة عمل مكونه منى أنا ومازن وخضر ومعانا مجموعه من الشباب المتحمس جداً وخبرتهم عاليه فى التمثيل المسرحى و بعضهم شارك فى أعمال سينمائيه قبل كده .
عايز تعرف إيه تانى وأنا أقولك ؟؟

ahmed samir كتب:

معلم ؟؟

مقبوله منك يا حسام على فكره أنا 36 سنه ومدير إدارى ومدير إدارة موارد بشريه .

بالنسبه للتذاكر أقسم بالله عهد عليا ليكم كلكم .

الفيس بوك لينا عليه جروب 114 the movie

من أول ما اشتغلنا و الحمد لله العدد بيزيد ، أنا عايز انتشار على المنتديات و البلوجات بصوره أكبر من اللى حاصل دلوقتى .

إيديكم فى إيدينا و الله هنعمل حاجه كويسه بإذن الله .

معلش اعدرني بس بيانات حضرتك ماكنش فيها السن عموما أنا أسف ان كانت الكلمة ضايقتك و لو ثانية و ان شاء اله هاتلاقيني معاك عالفيسبوك و هاعمل اللي أقدر عليه عشان يكبر

تحياتي

تسلم يا حسام حبيب قلبى

أنا مبزعلش و الله

ربنا يحميك

ايه الشركة اللي هتنتجه؟

كل اللى احنا بنعمله دلوقتى علشان تيجى شركه محترمه تنتجه
اتفاوضنا مع ناس كتير بس كلهم ليهم شروط هتبوظ الفيلم .

ممكن اعرف الشروط دي زي ايه

زى زيادة مساحة العناصر النسائيه فى الفيلم ، و تغيير المخرج و إسناد الأدوار الرئيسيه لممثلين مشهورين و حاجات من دى كتير .

هو فيه افلام تانية بعد كده

بإذن الله هيبقى فيه معركة المنصوره الجويه وفى الخطه برضه المجموعه 39 قتال

أستاذ محمد علام شكراً لذوقك وكل التقدير لكم .

انا الصرحة كان نفيسي يبقى في فيلم للمجموعة39 قتال وبكون الفلم ده الاول بس انا مقدر اختيارك للفلم
وهنا سؤال
ليه فلم معركة الكبريت الاول وفلم 39 بعد مع انه دسم اكتر وفيه بطولات ومعارك اكتر

لا شكر علي واجب استاذ احمد ولكن ارجو ان تظل عضو دائما معنا في المنتدي .

للاسف حذفت مساهمتي خطا ولكن ساعيد ما اتذكر منها :

استاذ احمد انت رجل من رجال مصر الشرفاء وهم كثيرون في هذا الوطن .

الله معك لاتتخلي عن هدفك ابدا فانت رجل عظيم مهما طال الزمان او كثرت التحديات فالتحدي والقوة والاصرار هم صفات العظماء وانت منهم .