موضوع رائع مشكور

hamdi كتب:

-الى الدرع المصري
موضوعك شيق يا أخ بس فيه جرح لليبيا من بعض الأخوة للأسف
انا عايز شرح لو تكرمت حضرتك: لما ليبيا تشتري طياراة و تزور جوازاة سفر و تدرب مصريين وتديهم طياراتها !!!!! والله مضنش انهم يطلبوا سحبها من غير سبب ارجوا انصافهم .باللي عملوه كانوا رجال! شهادة
نقطة نظام ارجوا احترام الشخصيات و الإبتعاد عن التجريح . لمى تستهزؤو مثلا بالقدافي متنسوش مشاعر لشعب الليبي والوحدة العربية ياعيني عليها
طب لو انا مثلا طلبت منك مساعدتك ودخول في الحرب باسم الوحدة العربية وانت اديتني جنود وطياراة واموال و في الاخير اخفي عنك مجريات العمليات و اعمل اتفاقيات من وراء ضهرك و من غير ما اطلب رايك!! ده يسمى استحقار لشخصك !استغلال لك عشان مصالحي الخاصة !!

قبل ما ارد على حضرتك .. خطأ بسيط, ليبيا " مدربتش " مصريين بالمعنى الحرفى للكلمة, إسرائيل كانت عارفة إن ليبيا لا تشكل عليها اى تهديد فكانت مش بتعارض إرسال ليبيا لبعض من طياريها إلى فرنسا, و من هنا كان زى ما حضرتك تفضلت و قلت " تزوير " جوازات سفر لمصريين على إنهم ليبيين و إرسالهم لفرنسا.

ثم إن القذافى معملش كده علشان سواد عيون مصر, هو حس بالخطر, لإنه عرف ساعتها إن مصر لو خسرت باقية ارضها .. ليبيا كانت هتكون فى حكم المستعمرة مسبقا. بدليل إنو بعد ما مصر رجعت ارضها كان عايز تعاون عسكرى و بالقوة.

hamdi كتب:

على فكره يا درع ,مليون و نصف مليون شكر على روابط شاهد على العصر ل سعد الدين الشادلي!!! يا راجل ده سيد الرجاله
بس انتى كدا ادخلت في نفسي الشك لأنو كان كل مرة مشكلة كان سببها السادات, و باالتالي مبقتش شهاده على العصر و انمى نحس بشوية تبرأ للنفس ورد للسادات.
و بما انه كان له اسلوب فريد و روعه في الإقناع(خليط من الرجوله و الصدق و الخبرة في الشؤون العسكرية) مش عايز انساق وراءه من غير تفكير و مش عايز اظلم السادات( الراجل بين ايدي ربنا)
لهادا أرجوك اديني حجات او لنكات و حتى رايك فيه عشان انصفه .
تحياتي

السادات كان مختلف مع الشاذلى فى بعض الأمور فمن الطبيعى ان يكون الذنب من وجه نظر الشاذلى هو الرئيس انور السادات.

ثم اعتقد, و الله اعلم, إن إنسان ميت مش هيحتاج إنصاف ولا مدح .. زى ما إنت قلت هو بين إيدين ربنا .. ومع ذلك, شىء طبيعى إن البعض يحمله مسئولية اخطاء ارتكبت .. الرسول عليه الصلاة و السلام لحد إنهاردة فيه مشركين بيتهموه زورا ..

اقتباس :

بعد
حرب أكتوبر و تحديدا في بداية عام 1975 قامت مصر بإبرام صفقة للمقاتلة
الميراج 5 مباشرة مع فرنسا حيث قامت إحدى الدول العربية وقتها بدعم مصر عن
طريق شراء أكثر من 50 مقاتله ميراج 5 فرنسيه جديدة مطورة للاستخدام في مهام
متعددة داخل القوات الجوية المصرية حيث تم الاتفاق على طرز الميراج 5
القاذفة الخاص بالهجوم الأرضي بالإضافة للطرز الخاصة بالاعتراض و الاستطلاع
و التصوير الجوي.

اقتباس :

الدولة دي هيا السعودية