بعد صفقات امريكا لاسرائيل الخياليه زى الاف35 والردارات وكل الاسلحه اللى تعمل فجوه بينها وبين العرب والشرق الاوسط فجوه مهوله ويعتبر اكتر من ردود نص الاعضاء والمشرفين يقولوه كله بسبب نجاد وايران وشغل عنتر فجله اللى عامله السؤال بقا ::: ليه ميكنش احمد نجاد اصلا والامريكان ومعاهم الاسرائيليين متفقين مع بعض على تطبيق سيناريو ان ايران تعمل فى مشروع نووى عسكرى ويهدد بضرب اسرائيل ومسحها واى دوله زى اسرائيل فى وضع التهديد العلنى كسبت مصداقيه شراء ترسانه اسلحه باجيال متطوره جدا خوفا من ايران اللى هى فى الاساس متفقه على السيناريو دا معاها وامريكا وبالعقل لو دوله بتحاول تعمل مشروع نووى عسكرى احنا طبعا عارفين اسرائيل هتتجنن ازاى وامريكا على طول اسطولها الجوى هيبقى فى الدوله دى بينسف اول طوبه اتحطت عشان المشروع دا والامثله كتير زى ما اسرائيل عملت مع سوريا بالعقل بقى ايران هتفضل كل دا فى المشروع النووى العسكرى على راىء امريكا ومش هتعمل حاجه يعنى امريكا خايفه من ايران ولا ايه......خلاصه الموضوع انا شايف ان دا حوار عملينوه الامريكان والايرانين والاسرائيليين عشان مصالح كل دوله اسرائيل وهيمنتها على الشرق الاوسط ايران ومطامعها فى الخليج واراضى العراق وزياده اعداد الشيعه دا كمان ممكن يكون موضوع دخول العراق من الاول تحقيق لاول السيناريو وهو اعطاء ايران ما تريد من اجل تنفيذ السيناريو وامريكا وبيع الاسلحه واحتلال الدول من اجل البترول________ مش نظريه بردوه

هى نظريه برده بس اعتقد ان فى اتفقات بين الترفين فى جاجات معينه مثل العراق افغنستان بس
ولو فى سناريو كده طيب امريكا بتسلح دول الخليج وفى صفقه لمصر والسعوديه واسرائيل فى نفس الوقت والسعوديه هتاخد 60% من اجمالى الصفقات وانشاء الله هكتب عن الصفقات لكل دوله.. يعنى المساله مش تسليح اسرائيل بس .وسمعت بس مش متاكد ان فى صفقه لمصر من امريكا وهى قنابل ذكيه ذات التكنولوجيا freewell fire .يعنى التسليح لحلفاء امريكا كلهم وليست اسرائيل لوحدها بس طبعا لازم امريكا تبقى على الفجوه بين اسرائيل والعرب كما هى بس العرب بيلجوء لدول تانيه لتخفيف هذه الفجوه مثل روسيا ودول الاتحاد الاوروبى والصين

مممكن وممكن الدليل صفقات الاسلحة للخليجيين اشتروا اسلحة بمليارات من امريكا خوفا من ايران وقبل كدة الصفقات العسكرية الخليجية كانت كل فين وفين دلوقتى طلعت لارقام فلكية صح ؟؟؟؟ يعنى بيتهيالى كل دة مطبخ على قفا العرب........ بس هما خلونا نستفيد شوية بدون قصد ممكن ودة شفناها فى برنامج مصر النووى الذى لم يلقى معارضة عالمية كما كان من المفروض ان يتوقع !!!!!(لعبناها صح ) ممكن ؟؟؟؟؟

العنيد 680 كتب:

هى نظريه برده بس اعتقد ان فى اتفقات بين الترفين فى جاجات معينه مثل العراق افغنستان بس
ولو فى سناريو كده طيب امريكا بتسلح دول الخليج وفى صفقه لمصر والسعوديه واسرائيل فى نفس الوقت والسعوديه هتاخد 60% من اجمالى الصفقات وانشاء الله هكتب عن الصفقات لكل دوله.. يعنى المساله مش تسليح اسرائيل بس .وسمعت بس مش متاكد ان فى صفقه لمصر من امريكا وهى قنابل ذكيه ذات التكنولوجيا freewell fire .يعنى التسليح لحلفاء امريكا كلهم وليست اسرائيل لوحدها بس طبعا لازم امريكا تبقى على الفجوه بين اسرائيل والعرب كما هى بس العرب بيلجوء لدول تانيه لتخفيف هذه الفجوه مثل روسيا ودول الاتحاد الاوروبى والصين

اولا شكرا على ردك تانى حاجه هعلق على كلامك ببساطه شديده مش من مصلحه امريكا ان دوله زى اسرائيل تهيمن على الشرق الاوسط والفجوه اللى معموله فجوه وهميه يعنى اسرائيل لما اشترت الاف35 هتلاقى مصر بتدور على نوع سلاح قصاده هتلاقى اسرائيل عايزه سلاح اقوى هتلاقى مصر ردت عليها انا مديك مثال مصر مع اسرائيل والصفقات الاخيره تثبت دا ولو تلاحظ حاجه بصيته امريكا لما تدى اسرائيل حاجه بتديهالها بضمير لكن احنا لاء يعنى السلاح مبيبقاش النسخه الاصلى من الاخر الموضوع دا كله لخدمه امريكا واقتصادها ببساطه سباق تسلح

bright_star كتب:

مممكن وممكن الدليل صفقات الاسلحة للخليجيين اشتروا اسلحة بمليارات من امريكا خوفا من ايران وقبل كدة الصفقات العسكرية الخليجية كانت كل فين وفين دلوقتى طلعت لارقام فلكية صح ؟؟؟؟ يعنى بيتهيالى كل دة مطبخ على قفا العرب........ بس هما خلونا نستفيد شوية بدون قصد ممكن ودة شفناها فى برنامج مصر النووى الذى لم يلقى معارضة عالمية كما كان من المفروض ان يتوقع !!!!!(لعبناها صح ) ممكن ؟؟؟؟؟

شكرا ليك على ردك حته نستفيد دى انا شاكك فيها برنامج مصر النووى هيتعمل ويبقى على التشغيل امتى اداموه كام سنه
وصفقات السلاح اللى بتوصل للعرب مستحيل تبقى زى اللى عند اسرائيل هى بردوه بتراعى مصالحها وخايفه على اسرائيل لان امريكا كلها مؤسسات ودول اغلبيتهم يهود يعنى مصلحه امريكا الاول وكمان النووى المصرى مش عسكرى دا كدنى يعنى مفيهوش مشاكل اقولك لعبناها صح لو كان عسكرى واقولك كمان ادينالهم على افاهم

متغلاش الصوره عليك يا باشا

وياريت تقولى على اسم الموضوع اللى كاتب فيه فكرتك بالصيغه التانيه عشان عايز اشوف ردود الاعضاء

وشكرا على ردك

انت فكرتنى بكلام هنيرى كسينجر لما قال يجب ان نبقى اسرائيل قويه ولكن يجب ان نوجد لها دول قويه بجانبها فى المنطقه حتى يمكن السيطره عليها ..

اعتقد الكلام ده كلامه واضح وليه معانى كتيره ...
وحتى لو امريكا جنيت المليارات من تسليح دول الخليج على الاقل دول الخليج قادره الان عن دفاع عن نفسها مش احسن من تخزين الاموال فى سويسرا وامريكا يسلح بلدهم احسن لان فى شيطان ايرانى متربص بيهم...

غير ان امريكا تضمن لاسرائيل تفوقها على العرب وده عن طريق مدها بسلاح اكثر تقنيا من العرب بس مش بتضمن ان العرب ميحولوش اقتناء اسلحه متوازنه مع السلحه الاسرائليه.

كلامك مظبوط يا تانجو 100% وعلى فكرة اول دولتين فقسوا اللعبة القذرة دى كانوا مصر والسعودية

والضحية اللى وقعت فى اللعبة دى كانت سوريا التى كشفت كل اوراق قواتها المسلحة لايران

أنا أعتقد أن أمريكا والكيان الصهيونى قررا ضرب ايران و ارى اشارات واضحة ومتلاحقة على ذلك:


- نقل المطار العسكرى الرئيسى الصهيونى الى النقب

- الرادار الأمريكى المتطور فى النقب

- نصب هوائيين ارتفاعهما 400 متر فى النقب قرب ديمونا

- تهديد جنرال صهيونى بتدمير كبير لأى مكان تنطلق منه صواريخ على الكيان الصهيونى سواء فى لبنان أو سوريا.

طرحك يا تانجو ممكن جدا حدوثه فلا ننسى هوس شركات الأسلحة لبيع منتجاتها والتدخل في توجيه سياسات الدول وافتعال الحروب الأقليمية والعرقية التي لا يرجى انطفاؤها ,والقنبلة الأخيرة
في التعاون الأمريكي الهندي في ميدان الطاقة الذرية فحلال عليهم وحرام علينا -ازدواجية المعايير هذه تثير الغثيان فعلا - لكن يمكرون ويمكر الله ,والله خير الماكرين

موضوع حساس فعلا وشكرا

الف شكرا يا جماعه على مشاركتكم وجهة نظرى وزى ما كنت متوقع اغلبيه الاعضاء ليهم نفس وجهه النظر