خالد شكرى كتب:

قرأت أنه أثناء حادثة الأمن المركزى الشهيرة فى مصر تم فرض حظر التجول فى الشوارع فنزلت الناس بأعداد مهولة للشوارع لمشاهدة حظر التجول؟؟؟!!!!!

برضه أنا عارف أن كل الناس هتروح الشغل فى يوم6 إبريل عشان تشوف الإضراب!!!!!!

alokaa كتب:

ولا اعتقد ان هايحصل حاجه 6 ابريل زي 6مارس

تأكيد موضوع إضراب مصر كلها يوم 6 إبريل ينفع يكون كدبة إبريل

الحقيقه سواء الاضراب هيكون قوي او مش هيكون ليه تأثير انا اكتر حاجه عصبتني هو رد احمد رابتور رغم انه صديقي من وقت طويل لكن انا فعلا اتعصبت جدا من رأيه يعني يا اخي كل الهيئات اللي دعت للاضراب انت نسيت تذكرها وذكرت فقط فقط الاخوان المسلمين طيب مش هنختلف كتير قولي الاخوان المسلمين أذت الشعب اكتر ولا الحكومه يعني الاخوان هما اللي رفعوا سعر الحديد الصلب لـ 6500 جنيه ولا هما اللي اتسببوا في ازمة العيش لاء اكيد هما اللي خلوا الزيت سعره وصل عشره جنيه للتر الواحد بتحقد عليهم ده رأيك لكن انك تختزل كل الحركات اللي دعت للاضراب في الاخوان المسلمين لمجرد الاختلاف عليهم يبقي متزعلشي مني انت مش بتفهم حاجه يا احمد الاخوان دول اللي نجحلهم 88 عضو برلمان ومش بالتزوير زي ما احنا شوفنا مرشحين الحكومه عايز اقولك ان الاخوان دول لو شياطين بس هيشموا مبارك وحكومته عايزك تتأكد ان الشعب هيساندهم ده الشعب كفر يأبني بسبب اللي بيحصل وانت تقولي بحظر بتحظر مين الشعب ولا الاخوان حدد تعرف لو الناس فعلا استجابت للاضراب ولا حكومة الدنيا كلها تقدر تعمل حاجه خليك واقعي يا احمد واتكلم بصراحه الاقتصاد المصري قوي اه بس للنخبه الحاكمه ورجال الاعمال بنكسب اه بس هما الحمد لله قايمين بالواجب هما خربوها وقعدوا علي تلها ايام عاطف عبيد بس احمد نظيف باع التل

اخر خبر عن التهييس النهاردة كنت في بقرأ في احد المواقع لقيت ناس بيقولو ان الجيش قام بمناورة بالذخيرة الحية علشان كدة الجو وحش وفيه اتربة وده علشان الناس متعملش اضراب بجد احنا عالم طيبين قوي

اندلاع أعمال عنف واشتباكات بين عمال المحلة وقوات الأمن 4/6/2008 4:02:00 PM

اندلاع أعمال عنف واشتباكات بين عمال المحلة وقوات الأمن
متظاهرون أثناء اشتباكات مع الشرطة خلال احتجاج في مدينة المحلة

مصراوي - خاص - اندلعت أعمال عنف شديدة بين عمال النسيج في مدينة المحلة الكبرى وقوات الامن وذلك بعد خروج العمال من المصانع وانتهاء عملهم .

وبدأت أعمال العنف والاشتباكات بعد تجمهر العمال بأعداد كبيرة واعتزامهم التظاهر وهو ما ادى الى قيام قوات الامن باستخدام القنابل المسيلة للدموع لتفريقهم مما حدا بالعمال الى الرد بالقاء الحجارة على القوات كما أشعلوا النار في إطارات السيارات.

مصادمات بين قوات الأمن المصرية ومتظاهرين(الجزيرة)..شاهد

وقال شاهد أن عمالا أشعلوا النار فيما يبدو في عدد من المتاجر وحطموا واجهاتها.

وكان عمال المحلة أعلنوا انهم سيضربون في السادس ابريل احتجاجا على عدم تنفيذ الحكومة لوعودها بتلبية مطالبهم ولكن اتفاقا تم بين ممثلين للحكومة وعدد من قياداتهم في الأول من ابريل .

وقد ألقت قوات الامن القبض على 10 أشخاص في القاهرة والجيزة بتهمة توزيع منشورات تدعو إلى التظاهر.

وقالت قناة بي بي سي العربية ان أكثر من 200 محام تظاهروا داخل نقابتهم بالقاهرة بسبب الاجراءات الامنية المشددة في منطقة وسط المدينة.

وفي المحلة الكبرى أغلق 80% من المحلات التجارية بالمدينة أبوابها إما مشاركة في الاضراب او خوفا من وقوع فوضي وتلف ممتلكاتهم.

وبينما شددت الادارات التعليمية بالمحافظات على المدرسين بضرورة الحضور، شهد الكثير من المدارس غياب أعداد كبيرة من التلاميذ.

وشهدت شوارع القاهرة سيولة مرورية غير معتادة صباح الاحد السادس من ابريل تزامنا مع الدعوة إلى اضراب شامل في مصر دعت إليه مجموعات مصرية على شبكة الانترنت وتبنته قوى سياسية ومنظمات حقوقية وصحف خاصة.محتجون مصريون يحملون زميلا لهم أصيب في اشتباكات مع الشرطة أثناء احتجاج في مدينة المحلة

وقال مراسل مصراوي ان شوارع القاهرة لم تشهد الزحام المعتاد في ساعات الصباح.

كما لاحظ مراسل مصراوي تواجدا امنيا كثيفا أمام جامعة القاهرة بالاضافة إلى عربات المطافيء وقوات الامن المركزي وتواجد عدد من القيادات الامنية أمام الجامعة.

وفي شارع وزارة الزراعة بالدقي الذي يتواجد يه مقرات عدد كبير من الوزارات والهئيات والمؤسسات الحكومية لاحظ المراسل انخفاضا واضحا في أعداد الموظفين المتوجهين إلى عملهم في موعد الحضور وهو ما لم يكن يحدث في مثل هذا الوقت من اليوم.

وقال مراسل مصراوي ان ميدان التحرير في قلب القاهرة شهد تواجدا امنيا مكثفا تنوع بين القوات المرتدية للزي العسكري و القوات السرية المرتدية للملابس المدنية.

وقال ان أعدادا كبيرة من قوات الامن المركزي توزعت في الميدان على شكل مجموعات تتكون كل واحدة منها من 30 جنديا يقودهم أحد الضباط.

وتواجد أمام مجمع التحرير - الذي يضم عددا كبيرا من الهئيات الحكومية - ثلاث مجموعات وأمام الجامعةالامريكية مجموعتين وامام سلسلة محلات عمر افندي 5 مجموعات.

واشار المراسل إلى ان القوات تشهد تزايدا في الاعداد بمرور الوقت.

وفي شارع مجلس الشعب القريب من ميدان التحرير لم تختلف الصورة حيث تواجدت قوات غفيرة من الشرطة.

وأمام مبنى التليفزيون المصري تواجدت أعداد كبيرة من قوات الامن كما انتشرت في الشوارع الجانبية المحيطة.

ونقلت قناة الجزيرة الفضائية عن مصادر حقوقية ان قوات الامن ألقت القبض على عدد من العاملين في شركة غزل المحلة الداعين إلى الاضراب عن العمل.

وقال القناة ان مدينة المحلة تحولت إلى ثكنة عسكرية بسب التواجد الامني الكثيف كما منعت قيادات العمال من الدخول إلى شركة غزل المحلة والتواصل مع زملاءهم حيث انتظم العمل في المصانع.

وقال مراسل القناة ان أجهزة الامن ألقت القبض على عدد من الناشطين السياسين والحقوقين في عدد من المدن.

كما أقامت وزارة الداخلية غرف عمليات لمتابعة الموقف الامني أولا بأول.

شاهد تقريرا عن إضراب 6 ابريل (خاص - بي بي سي العربية)

لكن وكالة انباء الشرق الاوسط - الوكالة الحكومية الرسمية - قالت ان العمل والدراسة سارا بصورة طبيعية في جميع المحافظات.

وقال مصدر أمني ان الدعوة التي أطلقها بعض الناشطين وبعض الاحزاب والحركات السياسية وتأييد جماعة الاخوان المسلمين بالإضراب العام احتجاجا علي الغلاء تحت شعار خليك في البيت، والاحتجاجِ على تدني المرتبات والارتفاع المستمر للأسعار والتعبير عن رفضهم لزيادة الأسعار والتعذيب في الأقسام والرشاوى والإتاوات والمطالبة بأجورٍ عادلةٍ وحياة كريمة للمواطن المصري وتزامن ذلك الإضراب مع تظاهر عمال غزل المحلة وذلك احتجاجا علي عدم تنفيذ مطالبهم برفع الأجور قد فشلت.

وفرضت أجهزة الامن بجميع محافظات الجمهورية حصارا أمنيا مشددا على مختلف الميادين والمناطق الحيوية والتى كان من المتوقع أن تشهد مظاهرات وإضطرابات فى ميدان التحرير والجيزة وميدان المنشية بالاسكندرية .

والقت أجهزة الأمن اثنين من النشطاء السياسيين؛ وهم محمد الأشقر منسق حركة كفاية في الجيزة، ومحمد الشرقاوى وذلك لقيام الأشقر بالدعوة الى مظاهرةٍ في أحد أهم ميادين الجيزة للاحتجاجِ على تدني المرتبات والارتفاع المستمر للأسعار ضمن فعاليات اليوم 6 أبريل.

شاهد تقريرا عن الاضراب 2 (خاص - بي بي سي العربية)

كما ألقت قوات الامن سعيد كامل الطنطاوي أمين حزب العمل بمحافظة السويس وعضو اللجنة العليا، وأيمن حسن أمين الحزب في القنطرة غرب بالإسماعيلية.

كما ألقت قوات الأمن القبض على كلا من أكرم الإيراني وحسن عبد الله وأحمد سعد دومة ومالك مصطفى، الناشطين بحركة كفاية؛ وذلك أثناء توزيعهم بعض البياناتِ في منطقةِ مصر القديمة.mozaharat2

وقررت النيابة إعادة عرض من أكرم الإيراني وحسن عبد الله (حزب العمل) والمدون أحمد سعد دومة غدًا أمام النيابة فيما تمَّ تأجيل عرض مالك مصطفى على النيابة إلى أجلٍ لم يتحدد بعد.

وكانت النيابة قد وجهت لهم تهم إحراز مطبوعاتٍ ومنشوراتٍ من شأنها تكدير الأمن العام، والدعوة إلى إضرابٍ عام في مصر، وتوزيع منشورات تدعو إلى مؤتمر جماهيري أمام الجمعية الشرعية بمصر القديمة.

كما قامت قوات الامن بالمحلة الكبرى بمحاصرة شوارع مدينة المحلة حصارا امنيا مشددا وغلق كل المناطق التى تؤدى الى مصانع الغزل والنسيج بالمحلة خوفا من الاضراب أو التظاهر أو الخروج فى شوارع مدينة المحلة الكبرى ..حيث فوجئ العمال والموظفين بسيارات الشرطة والامن المركزى تحاصر المنطقة .

كما شهدت محافظة القاهرة مظاهرتين بجامعة حلوان حيث تظاهر حوالى 200 طالب من الجامعة التابعين لجامعة الاخوان المسلمين ومنعتهم قوات الامن من الخروج الى الشارع وردد الطلاب هتافات ضد الحكومة ونظام الحكم بعد الغلاء وإرتفاع الاسعار الذى تشهده المحافظات .

وفى نقابة المحامين بالقاهرة قامت قوات الشرطة بمحاصرتها بقوات الامن المركزىى ومنع خروج المظاهرات منها بعد ان تم محاصرة عدد من المحامين كانوا يستعدون للخروج فى مظاهرة ونجح بعضهم من الخروج بالفعل وقامت قوات الشرطة بضبطهم قبل توجههم الى ميدان رمسيس للتظاهر هناك.

كما شهدت جامعة القاهرة مظاهرة حضرها حوالى 500 طالب من طلاب الجامعة.

وفى محافظة المنوفية منعت قوات الشرطة تظاهر المواطنين بميدان شرف صباحًا تزامنا مع مظاهرةٍ أمام محكمة الحقانية بالمنشية بمحافظة الإسكندرية، ومظاهرة أخرى أمام مسجد سيدي عبد الرحيم القناوي بمحافظة قنا وأخرى أمام مبنى المحافظة بساحة الشهداء بمحافظة بورسعيد فى نفس الوقت.

كما تم منع مظاهرات بمدينة دمنهور بمحافظة البحيرة ظهرًا ومظاهرة أخرى بجوار جامع النصر بمحافظة المنصورة و في محافظة دمياط إتفق المواطنون على أن يقفوا من الساعة الواحدة ظهرًا ولمدة نصف ساعة، كل أمام بيته أو مقر عمله رافعين لافتاتِ الاحتجاج والغضب.وقام الامن بمنعهم.

كما ألقت قوات الامن القبض الكاتب الصحفى محمد عبد القدوس أثناء خروجه من منزله بشارع حسن صبرى بالزمالك.

كما قام الامن بمنع مظاهرة لعدد من المواطنيين بشارع الصحافة فى طريقها الى ميدان رمسيس وألقت القبض على عدد منهم.

كما قامت قوات الامن بفرض حصار على منزل جميلة إسماعيل زوجة أيمن نور ومنعها من الخروج فى المظاهرات.

بصراحة نستاهل كل الي بيحصل لنا دا ايه ده هوا احنا ايه ليه الفساد استشرى فينا وبعدين فين الريس من كل ده يعني ماهو الريس كل شوية يعمل قرار جمهوري علشان حاجة مرة بتدخل جهاز الخدمة الوطنية للقوات المسلحة والدخلية لحل مشكلة الخبز ومرة قرارة بالغاء الجمارك على بعض السلع الاساسيى مش ممكن حكومة عاجزة بكل المقاييس مستني ايه يا ريس

والله احنا نستاهل

بكن في ناس كتير اوي ميستهلوش رايحين في الرجيلين

واذا صلح الراعي صلح الرعيه

الراعي بحاشيته 99% غير صالحين وحتي الراعيه نسسسسسسسسسسبه كبيره غير صالحين



يارب ارحمنا برحمتك


والله انا لا عايز رغيف عيش ولا عايز فلوس انا عايز

1-عداله اجتماعيه

2-كرامه بره بلدي كاااااااااااااااااااااااااامله زي ايام السادات وعبد الناصر تقول انك مصري ولا الف جنسيه



ويشبعو بلفلوس تتحرق بيهم

لكن نعمل ايه

خش على مصراوي يا باتوس انت واخي عمليات في تصويت معمول هل تفتخر انك مصري شوف النتيجة المؤلمة

zero@fear كتب:

والله احنا نستاهل

بكن في ناس كتير اوي ميستهلوش رايحين في الرجيلين

واذا صلح الراعي صلح الرعيه

الراعي بحاشيته 99% غير صالحين وحتي الراعيه نسسسسسسسسسسبه كبيره غير صالحين



يارب ارحمنا برحمتك


والله انا لا عايز رغيف عيش ولا عايز فلوس انا عايز

1-عداله اجتماعيه

2-كرامه بره بلدي كاااااااااااااااااااااااااامله زي ايام السادات وعبد الناصر تقول انك مصري ولا الف جنسيه



ويشبعو بلفلوس تتحرق بيهم

لكن نعمل ايه

علي فكره هاقلك حاجه بس ماتزعلش الناس الي بتقول جمال عبد الناصر كان عامل للمصريين كرامه خد عندك دي

المصريين ايام عبدالناصر الي كانو عايشين في اوروبا لما حد كان بيسالهم انتو منين كانو بيقولو احنا من تركيا لو ابيضاني و من افريقيا لو سمر عشان كانو بيخافو يقولو بلدهم عشان فضيحه النكسه و فاتن حمامه مره استضافوها في التلفزيون و قالت الكلام دا و الكلام دا معروف و هي مره مش فاكر استضفوها في فرنسا و قالت انها من تركيا و مش كدا و بس دا معظم العرب كانو بيعملو كدا