مشروع كبير وجبار لحل نهائى لأزمة المياه المتوقعة بعد توقيع بوروندى _ بإيعاز من إسرائيل طبعا _ على إتفاقية تقلص من حصة مصر من مياه نهر النيل
و قد تم نشره كتقرير علمى على شبكة مصراوى أوائل الشهر الحالى....... يعنى الموضوع مش سر ولا حاجة
و يحتاج فقط الى بعض المجهود وبضع ملايين وليس المليارات يعنى رجل أعمال يقدر يعمله مش لازم الحكومة تغرم حاجة ...... تخيلوا؟؟!!
الفكرة هى شق قناة تصل نهر الكونغو بأحد روافد نهر النيل بالسودان
بحيث يستفيد نهر النيل العظيم من قوة دفع و زخم رهيييييييييبة
ونهر الكونغو للعلم هو أعتى أنهار العااااااالم من حيث التدفق المائي بعد نهر الأمازون ......... حاجة كده زى الوحش
حيث يلقي هذا النهر بما يزيد عن ترليووووون ( ألف مليار ) متر مكب من المياه في المحيط بلا فائدة ......... شوفتوا الخسارة
حتي أن المياه العذبة المهدرةمن مياهه لتصب فى المحيط الأطلنطى تمتد حوالى 30 كيلو متر داخل المحيط .......... مش باقول لكم وحش
المفاجأة بقى هى وجود شلالات مهووووولة من المنبع و حتى المصب تسطيع توليد كهرباء تكفي القارة الأفريقية كلها و ليس مصر فقط ...... يعنى ح نصدر كهربا كمان للدول الأفريقية اللى حوالينا زى ما بنصدر كهربا لبعض الدول فى آسيا فى حالة تنفيذ مشروع زى ده
يعنى بالعربى الدينامو اللى بيمد المنطقة بالكهربا حيبقى فى أيدينا و اللى يعاكسنا نطفى النور عليه لحد ما يتربى و يعرف أن الله حق


الناس بتوع القوة الناعمة حيفهمو الكلام ده كويس جداااااااااااااا
خدوا الكبيرة بقى ..... الكونغو كانت بتبوس إيدينا عشان نعمل المشروع ده لأنهم حيستفيدو منه طبعا ماديا و إحنا اللى مطنشين ...... نو كومنت


وآآآآآآآآآآدى الخريطة





طبعا واضحة زى الشمس ....... نهر الكونغو لونه أزرق

القناة اللى المفروض تتحفر باللون الأحمر
كده بقى مش ناقص غيرأنى ألفع كوريك و مخلة و أروح أحفر هناك

انت فيين يابني
مش شايفك يعني

اعتقد انها كانت قيد التنفيذ وتوقفت بسسب الحرب فى السودان مشروع قناة كونجلى

هتشتغل تاني قريب
قول ياباسط
المشروع حفر القناه تكلفته مش عاليه علاقتك بالكونغو جيده
ده كله وهتدي اثيوبيا واسرائيل على قفاهم
تسليحح جيش الكونغو اصلا من مصر
كمان
حفر القناه دي هيدي ليهم عل قفاهم حلو قوي في انهم مصر مش هتتنازل عن حصتها الاساسيه لا هي والاى السزدان من مياه النيل
ومحابس الكهرباء في ايدينا اللي يقل ادبه
اقطع عنه النور

و اللهي فكرة جامدة اوي و ياريت تتنفد وولاد الحلال ميوقفوهاش

ميه ميه يا نمر بس الموضوع دا بقلوا اد ايه

يعني لو بقالوا مدة طويلة ممكن تكون الفكرة ماتت او حصل تغيرات كدا

تحياتي

ينهار ابيض فكرة جبارة بس مين بس الى يعملها الحكومة كانت مطنشة ومديانا ظهرها يلهواى لو اتعملت

مشروع كويس وقرأت عن فكرته من كام يوم بس مش فاكر فين بظبط ولكن السؤال لو اتنفذ المشروع ده بجد اسرائيل هتحاول تعم تعمل ايه بعد كدا ؟؟؟؟؟!

هتلعب مع الاسد
ههههههههههههههههههههههههههههههههههههههههههههههههههههههههههههههههههههههههه

فيه سؤال بس
التدفق الرهيب ده لما يوصل للنيل مش هيأثر على السد العالي ؟

التدفق هيخش من السودان الاول وبعدين على السد العالي
مسافه كبيره لفتح رافض زي ده
كله هيستفاد منه
انجولاء
مصر
السودان
كله هياخد جزء من المياه المهدره
مع عدم التفريط في اي اجزاء من حصة مصر في النيل
وابقى سلملي على سوسو

ربنا معاك يا كبير
تتخرج كده واشوفك ملو هدومك وقاعد على القهوه يارب

كالعاده مينفعش اخش قصادك في موضوع من غير منقلبه تهريج