بسم الله الرحمن الرحيم

السلام عليكم ورحمة الله وبركاته انا كتبت الموضوع ده علشان ايسر على الشباب اللى عاوز يقدم فى الكليات
العسكرية

التقديم فى الكليات العسكرية بيتم على عدة مراحل وهى ؛

اولا سحب الملف
حضرتك بتروح الكلية الحربية تسحب الملف ب60 جنية مصرى وبتتصور هناك مرتين مرة للجسم كلة على مسطرة
وانت واقف وقفة عسكرية لوجهك الجميل وبتم العملية دى على مسافة ساعتين تقريبا ولازم تلخد معاك قلم وتكون
حاق شعرك وسوالفك و إلا هتحلق هناك فى الشارع وبعشرة جنية ولازم تكون لابس جزمة او كوتش

ثانيا ملء الملف
الملف اللى انت استملته فى مرحلتين من التقديم

اولا المرحلة الاولى
بتكتب بعض بيانتك وبينات العائلة الكريمة ولو مفيش مكان بنكتب لا يكن وانت بتسحب الملف اصلا فى ناس
وانت مستنى الصور بيقوللك على كل حاجة ركز معاه اوى وخلى بالك بيطلب منك مستند القيد العائلى ب 11 جنية
وبياخد وقت10 ايام يعنى لازم تكون عاملة قبل ما تسحب الملف هو بيتعمل فى العباسية ولازم تروح بدرى جدا
علشان بيبقى موت يجى حوالى 300 واحد والاوراق المطلوبة هى صورة(شهادة ميلاد الاب او بطاقة الرقم القومى
ولازم تكون مميكنة وكذلك الام +عقد الزواج +صور شهادات ميلاد الابناء مميكنة ولازم تكون مميكنة علشان تكون
على شبكة الداخلية) وكمان بيطلب منك صورة لشهادة الثانوية العامة وتكون وش وظهر ومختومة صورة طبق
الاصل من المدرسة علشان بيرجعوا ناس والله زى واحد خاتمها من اى مصيبة و واحد مصورها وش بس
لو مش عارف تختمها خد معاك الاصل والصورة وملكش دعوة

ثانيا المرحلة الثانية
دى اربع ورقات بتقدمها بعد نجاحك فى الكش الرياضى او الطبى ومعاه بعض الاوراق

ثالثا تقديم الملف
بيكون تقديم الملف فى بولبة الاستاد بتاع الكلية الحربية وهناك بيقسموكم على حسب المجموع فى الثانوية العامة
وبيقيس الطول والوزن علشان تعرف و تحاول تظبط الطول مع الوزن واللى طوله اقل من 168 بيحول الى
لجنة الجوية هو واللى جايب اقل من65% وبتمتحن اول امتحان امتحان القدرات ودة عبارة عن 100 سؤال
بتجواب عنهم فى 10 دقائق فقط وبتكون اسئلة غى التاريخ والعلوم والجغرافياواسئلة شخصية وبعد ما بتمتحن
بيقولك على ميعاد النتيجة وبيكون من البوابة اللى انت سحبت منها الملف وهناك بيقولك تيجى ازاى فى الكشف
الطبى اللى ناجح طبعا ولازم تروح الكشف صايم هو هيقول كدة لكن انت هتروح صايم فى اليوم اللى بعد
الاول علشان التحاليل وتكون هناك الساعة 6

رابعا إختبار السمات الشخصية
1-يهدف إختبار السمات الشخصية إلى الوقوف عل قدرة الطالب على التكيف مع الحياة العسكرية وأن رغبته هذه ليست نتيجة ضغوط معينة عذا بالإضافة إلى قياس تناسب شخصية الطالب مع متطلبات الحياة العسكرية وكيفية التصرف في المواقف المختلفة .

2-يتم إختبار الطالب في نفس يوم تقديمه طلب الإلتحاق على أن يكون مع الطالب الأدوات الكتابية للإختبار .

3-تعلن نتيجة هذا الإختبار بمقر مكتب التنسيق وعلى الطالب معرفة توقيت الكشف الطبي الموضح أعلى الكشف المدون به إسمه حيث أن توقيتات الكشف الطبي ليست واحدة لجميع الطلبة .

خامسا الكشف الطبى
بعد ما تنجح فى اختبار السمات بيكون الكشف اللى بعدة الطبى ولازم تروح فى الميعاد المحدد والا تعتبر من
المتخلفين عن ميعاد الكشف وبتاخد ميعاد تانى خالص بعد شهر او يقل ولازم تكون رايح بشورت ابيض سبعة
وبيتم الكشف على يومين


1-يهدف الأختبار الطبي إلى تحديد اللياقة الطبية للطالب ليكون مبدئياً لائقا طبياً كطالب بإحدى الكليات والمعاهد العسكرية. (كلية حربية-كلية بحرية-كلية جوية-كلية فنية عسكرية-كلية دفاع جوي-المعهد الفني).

2-يقوم بهذا الأختبار لجنة طبية تشكل لهذا الغرض ويكون قرارها نهائياً ولا يعتد بأي قرارات خارجية , كما يتم الأختبار بمقار اللجان الطبية وفي المستشفيات التي يتم الإعلان عنها.

3-يتم أختبار المستوى الطبي للطالب في جميع التخصصات الطبية وفقا للمستوى المعمول به في داخل القوات المسلحة والمستويات الطبية المطلوبة لكل كلية والمستويات المطلوبة لكل فئة أو تخصص ويجب تواجد بطاقتك الشخصية معك أثناء الكشف الطبي .

4-ترشح اللجنة الطبية من تطبق عليه شروط الترشيح للكشف في الكلية الجوية لأستكمال الكشف في المجلس الطبي الجوي.

5-يتم إخطارك بنتيجة الكشف الطبي فور إعتمادها م رئيس اللجنة الطبية كتابة ومعها يحدد موعد إختبار اللياقة البدنية الذي يكون في اليوم التالي غالباً.

1-كشف القوام؛
الكشف دة عن ظبط الطول مع الوزن وانت بتخش على اله موصلة بحاسب الى بتقيس الطول مع
الوزن
واللى هى مؤشر الوزن المثالى

مؤشر الوزن = الوزن بالكيلوجرام \ ( الطول بالسم * الطول بالسم ) *10000

مؤشر الوزن = [ الوزن بالكيلوجرام على ( الطول بالسم فى الطول باسم)] فى10000

مؤشر النحافة تحت 18.5
مؤشر المثالى 18.5-24.9
مؤشر الزيادة فى الوزن 25-29.9
مؤشر السمنة 30 فما فوق

2-كشف الجلدية؛
بيتم عرضك على الدكتور وبيشوف اذا كان عندك اى جرح او مرض جلدى

3-كشف الاسنان؛
الكشف دة مش عاوز تعريف هو بس بيشوف الاسنان مظبوتة ولا

4-كشف العظام؛
دة بيشوف شكل الجسم وبعض الحالات مثل الفلات فوت اتقوس الالتصاق الناتج عن التقوس
واحيانا بيطلب منك عمل عقلة وعلى فكرة الكشف دة بيطلع اكثر من 60%من الناس اللى طالعة طبى

5-كشف الانف والاذن؛
لازم تكون رايح الكشف دة غاسل اذنك واحد يقولى اغسلها بالمية والصابون فى البيت لا
يا فالح الغسيل دة بيكون عند دكتور علشان بنظف الاذن من الشمع علشان الدكتور يقدر يشوفداخل الاذن

6-كشف الرمد وعمى الالوان؛
نبدا بعمى الالوان بيعرض عليك كذا صورة وتقول الرقم اللى فيها ولو عاوز تختبر
(http://www.freevisiontest.com/intro.php)نفسك الصورودة رابط لو عاوز تشوف الكشف ازاى(http://asaher.com/testco/test1.php) بعد كدة كشف
الرمد انت طبعا عارف اللوحة اللى عليها دوائر مفتوحة

7-كشف الجراحة؛
وما ادراك ما كشف الجراحة كشف قلة الادب طبعا انت فى الكشوفات دى كلها بتكون بقطعة
واحدة بس هى الشورت الابيض السبعة فى الكشف دة بتخلع القطعة مش بس كدة لا بتدور وتوطى كمان والدكتور
يفتح رجليك وياعب فى !!!!!!!!! انت عارف!!!!!هههههههههههه

8-كشف الباطنة؛
انا مش عارف لية الكشغ دة بس الدكتور بيفضل يزغزك وخلاص

9-كشف النفسية؛
ويتم فيه وضع اختبارات نفسية وايضا وضع اختبارات لمعرفة نسبة ذكاء المتقدم
بيطلب منك النطق ببعض العبارت علشان يشوف عندك حرف ولا لا زى(44 66 امر امير
الامراء....................)

10-كشف المعمل؛
بياخد منك عينة دم وعينة بول

11-كشف الموجات الصوتية؛
الكشف دة على الكلى بالموجات فوق الصوتية

12-كشف الاشعة على الصدر؛
دةكشف على الرئة

13-كشف قاع العين؛
انت بتاخد قطرة من محلول معين بيخليك متشوفش فى النور دة علشان بيوسع انسان العين
علشان الدكتور يقدريشوف اللى داخل العين ودة بردة من اصعب الكشوفات ولازم متحطش القطرة دى قبل ما
تمتحن رمد علشان القطرة دى بتاثر على الرؤية
طيب انا لو سقطت فى كشف اعمل اية, هو بيعرض على دكتور تانى فى عيادة تانية اجبارى ومن حقك وفى نفس
اليوم بس تكون رايح بدرى ولو سقطت لا قدر الله يبقى ليك التماس ب20 جنية اختيارى هوبعد ما بتسقط بيعطيك
ورقة لو عايز تعمل التماس وبعدها فى اى وقت بعد اليوم اللى انت فية تروح تقدم الورقة والعشرين جنية
و بتاخد ميعاد جديد وبيكون دة فى نفس الشباك اللى بياخد فية البصمة بتاعتك فى الاول

نصائح وتوجيهات طبية

اللياقة الطبية لمصلحتك حيث أن من لا يستطيع تحقيق المستوى المطلوب للقبول بالكليات والمعاهد العسكرية لا يستطيع الإستمرار في الكلية لذلك:

1-دون الإقرار الطبي بأمانة .

2-تجنب الحصول على أية دواء يغير من صفتك الطبية أو نتائج التحاليل .

3-تأكد من نظافة الأذن ويجب غسلها قبل توقيع الكشف الطبي عليك .

4-إفصح عن الأمراض أو العمليات الجراحية التي أجريتها في أية مرحلة من حياتك قبل الكشف الطبي وذلك لعرضك على اللجنة المختصة .

5- الطالب الذي يحق له الكشف بالنظارة عليه أن يتأكد من أن مقياس النظارة سليم ومناسب
له .

6-لا يعتد بأي كشوفات أو تحاليل أو تقارير طبية بخلاف ما تصدره اللجنة الطبية العسكرية.

سادسا إختبار الثقة والسباحة واللياقة البدنية

1- عند إجتيازك لإختبار المستوى الطبي يحدد لك ميعاد إختبارات الثقة والسباحة واللياقة البدنية التي تكون في الغالب بعد إنتهاء الكشف الطبي وعليك الحضور في ذلك اليوم تمام السابعة صباحاً ومعك الملابس الرياضية و لباس البحر .

2-سيتم إعطائك رقم رياضي تتعامل به أثناء تأديتك لإختبارات الثقة والسباحة واللياقة البدنية .

3- الاختبارات التي يؤديها الطالب

أ-اختبار الثقة:
(1) يعتبر هذا الأختبار شرطاً أساسيا لراغبي الألتحاق بالكليات والمعاهد العسكرية .
(2) يجب أن يؤدى هذا الأختبار بنجاح للإستمرار في الأختبارات التالية ويعتبر هذا الأختبار أيضاً شرطا للإستمرار في الكلية حيث أنه يؤدى بشكل دوري .
(3)إختبار الثقة هو القفز بالأرجل من برج حمام السباحة من إرتفاع 7.5 م .
(4) التقييم :
مضى . قصر .

ب-إختبار السباحة:
(1)هو السباحة لمسافة 50 متر بأية طريقة من طرق السباحة وهذا الأختبار يقيم بالزمن.

(2)أسلوب التقييم:
سباحة 50 متر في زمن حتى 45 ثانية 50 درجة. سباحة 50 متر في زمن حتى 60 ثانية 30 درجة. سباحة 50 متر في زمن أكثر من 60 ثانية 20 درجة. سباحة عرض حمام السباحة 10 درجات.

ج-إختبارات اللياقة البدنية:
يؤدى هذا الأختبار في سبعة تمرينات تقيس عناصر اللياقة الدنية للطالب .
العقلة "الشد لأعلى" 40 درجة تمرين البطن 40 درجة تمرين الضغط "الإنبطاح" 40 درجة تمرين الوثب الطويل من الثبات 10 درجات العدو 100 متر 15 درجة التوازن 10 درجات تمرين الجري المتعرج "الرشاقة" 10 درجات العدوم مسافة 1500 متر 25
درجة ومنه إختبار المهارات الرياضية (التفوق في رياضة بعينها



سابعا اختبار اللغات
يتم فيه اختبار مستوي المتقدم في اللغة الانجليزية

ثامنا الإختبار الشخصي أو كشف الهيئة:

1- إحضر في يوم الأختبار الساعة السابعة صباحاً ولا يُسمح بالتخلف أو التأجيل .

2- الإختبار الشخصي يهدف إلى إنتقاء أفضل العناصر التي تلتحق بالقوات المسلحة والتي تتوفر فيها :

أ-السمات الشخصية والنفسية المناسبة.

ب-اللياقة الطبية والبدنية التي تؤهل الطالب للنجاح في عمله .

ج-قوة الشخصية والقدرة على التصرف .

د-المعلومات العامة والثقافية.

هـ-الرغبة الأكيدة للطالب للإلتحاق بالكليات العسكرية .

3-يتم الأختبار وفقاً للشروط واللوائح والقوانين المنظمة وطبقاً لإحتياجات القوات المسلحة في الأفرع الرئيسية المختلفة .

4-تذكر أنك تتقدم لمجلس مديري الكليات والمعاهد العسكرية لأختيارك من ضمن آلاف المتقدميين فحافظ على مظهرك وأرتدي الزي المحدد بالطريقة المناسبة .

5-في يوم إختبارك سيحدد لك موعد العرض الطبي العام .

6-بعد إعلان نتيجة العرض الطبي العام سيحدد لك موعد إعلان نتيجة القبول بالكليات والمعاهد العسكرية .

7-تذكر أنك في مسابقة وليس معنى وصولك للعرض الطبي العام أنك تم إختيارك لكن عليك بذل أقصى جهدك لتكون من المتفوقين.

8-نهنئك بالقبول إن شاء الله وعليك أن تتقدم إلى الكلية المرشح لها في الموعد المحدد ومعك أصل الشهادة الحاصل عليها وشهادة الميلاد

ملحوظاااات:

انت بتروح من البوابة اللى انت سحبت منها الملف بتكون لابس اللبس الخاص اللى هو بنطلون اسود
وقميص ابيض وجزمة سوداء وبيعطيك ورقة فيها بيانات لحضرتك تحفظها وتخش على اللجنة المكونة من مديرى
الكليات العسكرية وبتلقيها عليهم بكل ثبات وثقة وبدون اى خوف وتردد وممكن يسالك اسئلة معينة يقصد بيها اى
شىء مثلا على سبيل المثال طاعة الاوامر العسكرية ولو كانت من نظرك غلط فى غلط زى مثلا عوم فى التفة دى
ترد تقول اية ؟!!!!!! تقول على طول (بعد اذنك يا افندم علشلن متترتش)وغيرها


طيب الناس اللى بتخش جوية الناس دى لما بيشك ان هو ينفع للكلية الجوية بيحولة للمجلس الطبى الجوى بالتليفون

قواعد أساسية:

1. يتم التقدم للالتحاق بالكليات والمعاهد العسكرية عن طريق أحد مكاتب التنسيق التالية:

أ‌. المكتب الرئيسي بالكلية الحزبية بطريق العروبة بالقاهرة وتكون لجان الكشف الطبي للمكتب الرئيس بمقر المجلس الطبي العسكري بالكية الحربية ومستشفي كوبري القبة العسكري بالقاهرة.

ب‌. المكتب الفرعي رقم (1) بالإسكندرية ومقره بالمدرسة العسكرية الرياضية بسموحة وتعقد لجنة الكشف الطبي للمتقدمين بهذا المكتب بالمستشفي الإيطالي بمحرم بك.


ت‌. المكتب الفرعي (2) بأسيوط ويقع مقره بمركز قيادة المنطقة الجنوبية العسكرية وتعقد لجنة الكشف الطبي بمستشفي منقباد العسكري.

ث‌. المكتب الفرعي (3) بالمنيا ومقره بالمدرسة العسكرية الرياضية وتكون لجنة الكشف الطبي لهذا المكتب أيضا بمستشفي منقباد العسكري بأسيوط.

2. يتم فتح باب سحب ملفات القبول وتقديمها إلى المكتب الرئيسي او المكاتب الفرعية اعتبارا من الأسبوع الأول من شهر يوليو وفور إعلان نتيجة الثانوية العامة ويستمر لمدة 45 يوما على أن يتقدم الطالب الحاصل على الثانوية بشهادة أو بيان نجاح بالدرجات الحاصل عليها ومعتمدة من المدرسة أو الإدارة التعليمية التابع لها الطالب أو إيصال مكتب التنسيق ويسمح للطلبة الذين أدوا امتحان الثانوية العامة وتأخر إعلان نتيجتهم بالتقدم إلى مكتب التنسيق دون انتظار النتيجة على ان يستكملوا اوراقهم بعد إعلاوهم بشرط ان يكون الطالب واثقا من نجاحه فى الثانوية العامة.

3. الطلبة الحاصلون على الشهادة الثانوية العامة من خارج الجمهورية يمكنهم التقدم بالشاهدة وشهادة حسن السير والسلوك بعد ترجمتها وتوقيقهما من وزارة الخارجية المصرية.

4. يجب الا يكون قد مضي على تاريخ حصول الطالب على شهادةو إتمام الدراسة الثانوية اكثرمن عام واحد لجميع الكليات والمعاهج العسكرية ولكن يمكن السماح بغير ذلك للطلاب المتقدمين لكلية الفنية العسكرية بشرط ان يكون الطالب مقيدا فى إحداى الكليات الجامعية ويقدم ما يفيد ذلك.

5. لا يعتد بأية مستندات او شهادات يحملها الطالب تبين حالته الطبية او لياقته البدنية ويكون القرار النهائي فى تحديد مدي لياقة الطالب بدنيا وطبيا للقبول بالكليات والمعاهد العسكرية للجان المختصة بمكتب التنسيق الرئيسي او المكاتب الفرعية.

6. خصص المكتب الرئيسي بالكلية الحربية 4 خطوط تليفونية للاستفسار عن مواعيد ونتائج
القبول وهي:
4179145 – 4179146 - 4179147 - 4179148



و شكرا
اى استفسارات احنا كلنا فى الخدمة
محبى الكلية الجوية

مشكور علي هذا

شكراااااااااااا جامد بس ده مش وقت الموضوع المفرود كمان شهرين كده على منخلص الامتحان بجد جامد اول مرة اعرفها دى

شكرا على المعلومات ....
ولكن بالنسبة للمجموع , عايز اعرف الفنية العسكرية بتقبل من كام !!!

يريت الموضوع يتثبت

the ghost كتب:

شكرا على المعلومات ....
ولكن بالنسبة للمجموع , عايز اعرف الفنية العسكرية بتقبل من كام !!!

تشمل شروط الالتحاق بالكلية الفنية العسكرية الحصول علي شهادة الثانوية العامة شريطة أن يكون الطالب درس الفيزياء والكيمياء ومادة الرياضة “2″ والقسم العلمي للثانوية الأزهرية والشهادات المعادلة وبمجموع لا يقل عن 90%.

انا محرج جدا من سؤالى ده , بس ممكن حد يقولى بطريقة لائقة ايه الغرض من كشف الجراحة لأنى بصراحة مش فاهم حاجة و سمعت كلام عجيب عن الكشف ده ....

بخصوص الكشف الطبىالطبى

لو سمحت أنا عندى سؤال لأأعضاء المنتدى
أنا كنت بلعب كورة و وقعت و اتعورت فى الفخد و سايبة أثر زى ندبة ده يأثر فى الكشف الطبى
و هل أى جرح يخرج من الكشف الطبى مع العلم إنى لم أقم بأى عملية أو عمل غرز لأى جرح
يرجى الرد

يعنى ما سمعته عن الكشف كان صح اخر حاجة كنت اتصورها هو الكشف على حاجة زى كده

مشكوووووووووووووووووووور على المعلومات