أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.
موضوع: السلام عليكم الأربعاء 15 سبتمبر 2010 - 6:20
اولا احب ان اشكر الاستاذ المحترم " العمليات اخاصة " على مجهوده وحرصه على الرد على كل الاسئلة بكل اخلاص .. جعله الله فى ميزان حسناتك
واسمح لى ان اسأل حضرتك كام سؤال
اولا: انا خريج كلية هندسة قسم اتصالات والكترونيات تقدير عام جيد ثانيا: انا مواليد نص السنة الاول وقدمت مع دفعتى وفى يوم الارجاء ندهو تخصصى ومترشح ضابط احتياط ومشيت بكل المراحل المعروفة الى حد كشف الهيئة الخاص بضباط الاحتياط وفى انظار النتيجة الخاصة بالقبول كضابط او عسكرى يوم 19/9/2010 والمفروض انى لو هدخل ظابط هدخل فى دفعة شهر 10 القادم
الاستفسار الان عن
1- هل تخصص اتصالات والكترونيات مطلوب السنادى 2010 متخصصين او لا 2- ازاى اقدر اقدم وانا تقريبا وبنسبة كبيرة داخل ظابط احتياط 3- هل فى خطوة ممكن اخدها قبل ما اترحل على كلية الظباط الاحتياط فى فايد بحيث ميروحش عليا موعد التقديم فى الضباط المتخصصين 4- هل لو دخلت الكلية فى فايد ممكن منها اروح ظباط متخصصين ولا مينفعش
وتحملنى معلِش فى سؤالى لاخير
انا عندى مشكلة طبى بس الى الان محدش اكتشفها ولا حد هيكتشفها الا اذا انا قولت عليها حتى لو كشفو عليا كشف كامل ودقيق ... والمشكلة دى تخرجنى من الجيش اعفاء نهائى . ودلوقتى انا محتاج نصيحة من سيادتك بشكل اخوى
هل انه فى امل انى ادخل ظابط متخصص واحب اضيف ان طولى 185 ووزنى حوالى 80 وكنت بلعب رياضة طول عمرى ومعنديش اى مشكلة فى اللياقة ... فلو فى امل انى ادخل متخصص انا مش هقول على مشكلتى الطبى دى خالص واركز انى ان شاء الله ادخل متخصص
ولا حضرتك شايف انى الافضل انى اقول على مشكلتى ويمكن اخرج من الجيش خالص واشوف حالى برة ولوهقول على المشكلة الطبى دى يكون امتى وفين وانا خلاص مليش كشوفت طبى تانى كل اللى مستنيه انى اعرف موقفى ظابط ولا عسكرى واترحل . وشكرا جزيلا
موضوع: رد: كلية الضباط المتخصصين الأربعاء 15 سبتمبر 2010 - 6:33
شوف اخى الفاضل تقدر وانت فى كلية الضباط الاحتياط تقدم بكلية الضباط المتخصصين وهتقدر تخرج تروح الاختبارات عادى جدا بدون اى مشاكل ولو تم قبولك فى الضباط المتخصصين سيم نقلك بكل سهوله بدون اى مشاكل....بس انا عاوزك تقولى ايه هى المشكله اللى فى الطبى تقدر تبعتلى رساله على الخاص
موضوع: رد: كلية الضباط المتخصصين الأربعاء 15 سبتمبر 2010 - 23:09
السلام عليكم انا بكالوريوس طب بيطرى 2010 نص اول وهدخل الجيش بس لسة ضابط احتياط او عسكرى هتتحدد يوم 19\9 ان شاء الله كنت عايز اسأل خو تخصصى مطلوب ولا لأ فى الاكاديمية الحربية و ميعاد التقديم امتى واية هى شروط التقديم والتقدير بيفرق ولا اية ؟ وشكراااااااا
موضوع: رد: كلية الضباط المتخصصين الجمعة 17 سبتمبر 2010 - 20:10
انا سمعت ان الاكاديمية السنادى واخدة كل التخصصات الطبية وان التقدير من مقبول وطبعا لازم تكون لائق طبى وتعدى الاختبار الرياضى .. انا عن نفسى عاي اسأل فى الموضوع دا عشان لو لبست ظابط ارحم نفسى واروح متخصص
موضوع: رد: كلية الضباط المتخصصين السبت 18 سبتمبر 2010 - 11:19
micro4e كتب:
انا سمعت ان الاكاديمية السنادى واخدة كل التخصصات الطبية وان التقدير من مقبول وطبعا لازم تكون لائق طبى وتعدى الاختبار الرياضى .. انا عن نفسى عاي اسأل فى الموضوع دا عشان لو لبست ظابط ارحم نفسى واروح متخصص
هو انت فاكر عشان تدخل كلية الضباط المتخصصين سهلة كده؟؟؟؟ عاوز اقولك ان الاطباء بالخصوص بيبقو معدودين على الاصابع يعنى تخيل 10الالاف طبيب متقدمين ياخدو منهم 20 فقط لك ان تتخيل انت بئا مدى الاهمية للناس دى لما يدخلو الجيش ويبقو ضباط
موضوع: رد: كلية الضباط المتخصصين الأحد 19 سبتمبر 2010 - 16:55
هى الاكاديمية محتاجة واسطة ولا عادى
Ashraf sherif
جــندي
الـبلد : العمر : 34التسجيل : 19/09/2010عدد المساهمات : 4معدل النشاط : 4التقييم : 1الدبـــابة : الطـــائرة : المروحية :
موضوع: رد: كلية الضباط المتخصصين الأحد 19 سبتمبر 2010 - 17:37
السلام عليكم .. انا قريت الموضوع كله و بشكر العضو عمليات خاصة علي صبره و تعاونه و مجهوده الجبار :)
انا حكايتي حكاية بصراحة بس اهم سوال فيهم لو واخد اعفاء من الجيش ينفع اقدم ف كلية الظباط المتخصصين ولا لا ؟ و هكمل باقي الاسئلة ان شاء الله بناءا علي اجابة السوال دا وشكرا مقدما :)
موضوع: رد: كلية الضباط المتخصصين الأحد 19 سبتمبر 2010 - 18:06
Ashraf sherif كتب:
السلام عليكم .. انا قريت الموضوع كله و بشكر العضو عمليات خاصة علي صبره و تعاونه و مجهوده الجبار :)
انا حكايتي حكاية بصراحة بس اهم سوال فيهم لو واخد اعفاء من الجيش ينفع اقدم ف كلية الظباط المتخصصين ولا لا ؟ و هكمل باقي الاسئلة ان شاء الله بناءا علي اجابة السوال دا وشكرا مقدما :)
ايه سبب الاعفاء اخى الفاضل؟؟؟ وقول الاسئلة كلها فى مشاركة واحده عشان اقدر اجاوب عليها على طول
Ashraf sherif
جــندي
الـبلد : العمر : 34التسجيل : 19/09/2010عدد المساهمات : 4معدل النشاط : 4التقييم : 1الدبـــابة : الطـــائرة : المروحية :
موضوع: رد: كلية الضباط المتخصصين الأحد 19 سبتمبر 2010 - 19:50
بص يجميل انا لسة خريج السنادي كلية اداب قسم اعلام ولسة موقف اليش بتاعي ف شهر 10 ان شاء الله عشان انا نص تاني دفعة 89 نص اول كلها خدت تاجيل 3 سنين ف احتمال كبير ياخدو من النص التاني انا عندي اورام حميدة ف عضم رجلي الشمال مولود بيها بس الدكاترة قالولي دي متدلكش الجيش بس طبعا مش هيعرفوها غير لو قولت عليها عشان اخد اعفا
وانا عندي اخ اكبر مني بس لسة فاضله سنة ويتخرج من هندسة طيران و والدي مش علي عالمعاش بس عاجز عن الشغل بسبب مرضه عنده كهربا زيادة ف المخ اللي هيا الصرع يعني
فانا محتار اقدم ورق رجلي واخد اعفا و كده احتمال مادخلش الحربية او اقدم ورق والدي و اني يعتبر كبير عيلة واخد تاجيل سنة لحد ما اخويا يخلص مع العلم ان اخويا تخين و هياخد اعفا 100 ٪ ان شاء الله
فعشان كده بسال لو قدمت ورق رجلي و خدت اعفا ينفع اقدم فالحربية ولا لا وللاسف معاد التقديم فالحربية هيبقي تقريبا مع معاد تقديم جيشي فمش عارف اقدم هنا و هنا ف نفس الوقت ولا لازم وانا بقدم فالحربية يبقي متحدد موقفي من الجيش ؟
ولو حصلي نصيب و دخلت الحربية هيبقي ايه طبيعة شغلي وانا تخصصي اعلام تخصص علاقات عامة واعلانات
مع العلم اني بعمل دبلومة مونتاج من ابيل من بعد ما اتخرجت علي طول عشان اضمن حاجة برده لو مادخلتش الحربية
موضوع: رد: كلية الضباط المتخصصين الأحد 19 سبتمبر 2010 - 20:46
لا اخى انا انصحك قدم الورق والشهادات اللى بتقول ان عندك اصابة لان طالما عندك عيب جسدى لابد يظهر لو بعد 20 سنه ولو انكشفت وانت فى الخدمه هينكشف عليك وهيتعرف انها اصابه قديمه وانت مبلغتش وساعتها هتتعرض للسجن ويضيع مستقبلك جوه الجيش وخارج الجيش كمان لانك مش هتاخد شهادة قدوة حسنه يعنى لا تعرف تشتغل جوه مصر ولا بره مصر
Ashraf sherif
جــندي
الـبلد : العمر : 34التسجيل : 19/09/2010عدد المساهمات : 4معدل النشاط : 4التقييم : 1الدبـــابة : الطـــائرة : المروحية :
موضوع: رد: كلية الضباط المتخصصين الأحد 19 سبتمبر 2010 - 21:04
يساتر .. طب لو قدمت و خدت اعفا مع انها مش بتضرني ف حاجة و بعمل رياضة و كله عادي لو خدت اعفا عشانها ايه موقف الحربية ساعتها عشان كده بسال طبيعة الشغل هيتاثر لو عندي حاجة زي كده ولا لا
موضوع: رد: كلية الضباط المتخصصين الأحد 19 سبتمبر 2010 - 21:11
Ashraf sherif كتب:
يساتر .. طب لو قدمت و خدت اعفا مع انها مش بتضرني ف حاجة و بعمل رياضة و كله عادي لو خدت اعفا عشانها ايه موقف الحربية ساعتها عشان كده بسال طبيعة الشغل هيتاثر لو عندي حاجة زي كده ولا لا
لو اخدت اعفاء طبى يبقى ليس لك الحق فى الالتحاق باى كلية من الكليات العسكرية وعاوزك اقولك حاجه مفيده برده ممكن متكنش عارفها..مش شرط عشان انت خريج اداب يبقى تشتغل فى كلية من الكليات العسكريه او العلاقات العامه فى وزارة الدفاع ومش شرط انك خريج اعلام انك تشتغل فى تخصصك ممكن تبقى اعلام او اداب وبتشتغل على مدفع او فى المشاة....فالموضوع لا يقاس كده انا اعرف ناس كتير تربية رياضيه وتجارة وعلوم وخدمة اجتماعيه وكلهم ضباط ميدانيين اللى مشاة واللى دفاع جوى على المدافع المضادة للطائرات واللى ضابط امن فى احد المعسكرات فى وسط سيناء...عشان كده بقولك بلاش تغامر وتاخد الخطوة دى لان اول خطر هيقابلك لو انكشفت بعد دخولك الخدمه وهتنكشف انها اصابه قديمه يبقى مصيرك السجن ولمدة ممكن تتراوح من سنه ل 3 سنوات ودفع فلوس كتير جدا والسجن الحربى غير السجن المدنى دى خلى بالك منها ان السجن الحربى قاسى جدا جدا
موضوع: السلام عليكم 
الأربعاء 15 سبتمبر 2010 - 6:20
