السلام عليكم, اتكلمنا كتير عن افارول و تجهيز الجندى المشاه المصرى وكنا دايما نقول ليه ما نغيرش الافارول بتاعنا ده او على الاقل يبقى زى دول الخليج مثلا...بس انا عرفت كام حاجة كده حبيت اقولهم

أولا: الافارول المصرى اللى مش عاجبنا ده الامريكان معجبين به جدا (الامريكان هايموتوا عليه ) لانه بيحقق التمويه الافضل فى المناطق الصحراوية التى تكثر بها المزروعات زى المنطقة الغربية كدا, الغريب ان الافارول ده مصمم للشغل مش للقتال انما افارول القتال مثله تمام لكن لونه اصفر حتى يلائم المناطق الصحراوية مثل ارض سيناء, وقيل ان افارول القتال ده الافارول الكاكى , بس مش متأكد من المعلومة دى, عشان كدا مفيش خطط لتغيره

لو تلاحظوا الافارول فعلا بيحقق تمويه جيد فى الاراضى الصخرية والترابية التى بها مزروعات

الافارول ده بجد لما بيكون نضيف و ملبوس صح بيبقى جامد جدا, على فكره افراد القوات المسلحة بيطلعوا بيه البعثات الخارجية وبيلاقى استحسان كبير و فوق كدا وكدا مفيش اى تصميم مشابه ليه فى العالم

ثانيا: دايما بنسأل ليه لا يعمم افارول القوات الخاصة(الصاعقة) على كل الجيش, الاجابة غريبة , عشان معاهدة جنيف...اه والله, انا كمان استغربت,, قال ايه الافارول ده يسبب رعب لكل من الجيش و الشعب الاسرائيلى لانه يزكرهم بحرب الاستنزاف و ما كان يفعله رجال الصاعقة المصرية( كان بيدبحوهم و يقطعوا ودانهم مثلا و يعملوها سلاسل) , يعنى موضوع سياسة ,يعنى مش صعب و لا مكلف يعنى, بس ان شاء الله لو قامت حرب الشعب كله هايلبس الافارول ده

ثالثا: بخصوص الشدة الخفيفة و الكلام اللى يقال.احنا ليه مش بنستخدم شده زى الامريكان؟؟ الاجابة لان الشده الخفيفة الامريكية صممت لتناسب اجواء بارده لانها تغطى النصف الاعلى من الجسم باكمله لتكون بمثابة نظام تدفئة ايضا, لكن فى الاجواء الحارة صعبه جدا, وممن تشوفوا صور لحرب الخليج و الجنود الامريكان خلعين الشده من كتر الحر, اما الشدة المصرية الخفيفة فهى تغطى الوسط فقط لتلائم الجو عندنا,(العسكرى عندنا بيبقى مش طايق الشدة دى و اللى دخل الجيش جربها, ما بالك لو بتحارب و لابس واقى رصاص و فوقها شدة امريكية مثلا , اكيد هاتموت من الحر قبل الرصاص), و موضوع الكوريك اللى الناس علقوا عليه و قالوا الجنود نازلين الشوارع و المدن بيه ليه ؟ ده عشان مبدأ القوات المسلحة المصرية (من لا يحفر يموت) لازم الفرد يحفر حفرة برميليه بعمق متر وقطر 60 سم لحمايته وقت الحرب حتى لو هايحفرها فى الاسفلت, و الشدة الميدانية المطورة المصرية بجد فيها كل ما يحتاجة الجندى المشاه بس احنا اللى دايما واخدانا عقدة الخواجة.

تسلم


جامد موضوع الافرول ده