ارى فى الاونة الاخيرة فى منتدانا الكريم اخوة من الاعضاء بيعملوا مواضيع بيهاجموا فيها المجلس الاعلى للقوات المسلحة او ينتقدوه ومش فاهم هما بيتقدوا على ايه بالظبط مش عارف

الجيش طول عمره بيعمل لمصلحة البلد وهو الحامى لنا باذن الله

الجيش كان من الاسباب الرئيسية لنجاح ثورتنا المباركة واللى يقول غير كده يبقى ناكر الجميل
انا مش بحاول افرض راى على حد او مش عاوز حد ينتقد المجلس العسكرى
المشكلة هناك ثوابت لايختلف عليها اثنين لا تقبل القسمة على اثنين بمعنى اصح

الجيش والشعب ايد واحدة مهما يكوووووون

تحيا مصر ام الدنيا

معك نهاجمه كسياسه ولي كجيش

عفوا اخي المحترم لكننا في قسم الاخبار العسكرية

المجلس لا يستحق إلا التقدير رغم أخطائه

المجلس لا يستحق إلا التقدير رغم أخطائه

يوجد قله من ينتقد المجلس العسكري ولاكن السؤال هنا لمن ينتقده ماذا لو تم احلال المجلس العسكري من سيحكم البلد ومن سنثق فيه
اذا لم تجاوب فأصمت

الله يوفق مصر والمجلس العسكري

والله انا بشوف مواضيع كتير بتنتقض شخصيه المشير وبتنتقد دور الجيش المصرى

وياريت كلنا نصبر عليه هما ناس خبرتهم عسكريه مش سياسيه ونتخيل كدا لو المجلس اتحل

مين اللى هيحكم البلد ؟

يا جماعة الجيش حاجة والمجلس عسكرى حاجة

المجلس العسكرى من حقنا ان احنا ننتقده لانه قبل بادارة البلاد سياسيا واقتصاديا والحاجتين دول بيمسوا المواطن المصرى

ولذلك بعد الثورة من حق المواطن ان ينتقد حاكمه ويقول رايه والا ما كناش عملنا ثورة من اساسه

محدش انتقد صفقات التسليح او اى من اختصاصات الجيش

ماهو المجلس بيعمل حوارات مع الشباب ليه عشان يسمع الاراء والانتقادات ......يارب ارحمنا

shaprawy كتب:

يا جماعة الجيش حاجة والمجلس عسكرى حاجة

المجلس العسكرى من حقنا ان احنا ننتقده لانه قبل بادارة البلاد سياسيا واقتصاديا والحاجتين دول بيمسوا المواطن المصرى

ولذلك بعد الثورة من حق المواطن ان ينتقد حاكمه ويقول رايه والا ما كناش عملنا ثورة من اساسه

محدش انتقد صفقات التسليح او اى من اختصاصات الجيش

ماهو المجلس بيعمل حوارات مع الشباب ليه عشان يسمع الاراء والانتقادات ......يارب ارحمنا

غريبه . !!!!!!!! هذا هو نفس المبرر الذى استخدمه البعض لاثارة الفتنه بين الشعب و الجيش

المرحله دي مش مرحله انتقاد بصراحه دي مرحله اما ان تكون مع او ضد واللي بينتقدوا المجلس العسكري اللي قائد القوات الجويه ضرب تحيه للي ماتوا يقول ايه علي قاده الجيش في سوريا ولا اليمن او دول الخليج او الجزائر ا المغرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ده غير البرنس الكبير القذافي

نقول تور يقولوا احلبوه

اذا كان اللى قولته انت شايفه مبرر ,,,,,,,,,,,,,,فانتم مبررراتكم لا تعد ولا تحصى
قول ورايا :

عجلة الانتاج اتخرمت

الشعب هيجوع ومش هنلاقى اكل (حسام حسن)

علاقات جنسية فى ميدان التحرير (طلعت زكريا)

فتنة بين الشعب والجيش (الاخوان ) تراجعوا وعترفوا بخطاهم على لسان البلتاجى وشباب الاخوان

كنتاكى (مجهول)



الخروج عن الحاكم (سلفيين) ورجعوا فى كلامهم بعد تنحى مبارك وابرزهم محمد حسين يعقوب


ده كفاية عشان مبحبش الرغى الكتير


بقولك يا برنس هو انت بتقفل المواضيع اللى مش مع رايك والمواضيع اللى عجباك متقفلهاش

تصدق يا راجل نسيتنى وانا اللى ظنيت فيك ظن وحش

انت علقت على موضوع ماذا نريد من المجلس العسكرى وبعديها لما لاقيت الاراء مش عجباك قفلته

للاسف لما حد بيعارضك فى الراى زى ابراهيم بروجرامينج بتحظره

والمواضيع اللى متعجبكش بتقفلها !!!

ايه يا برنس ده كل ده جبروت

ارجو من المشرفين غلق اي موضوع يفتح باب المزايدات والحوارات العقيمة و يؤدي الى جدال من الممكن ان يحدث فتنه من اي نوع ويجب عقوبة كاتبي هذه المواضيع

السلام عليكم
قبل اى كلام الجيش المصرى فوق الشبهات
فهو حمانا بميدان التحرير وبالنسبة للقادة فليسوا عليهم غبار كعسكريين بالجيش والشعب المصرى ورائهم الى ما لا نهاية
باللنسبة للمجلس العسكرى وقادته المشير طنطاوى ورئيس اركانه الفريق سامى عنان لهم كل تقدير واحترام لموقفهم من الثورة ورفضهم اوامر رئاسية بدهس المتظاهريين ومساواتهم بارض ميدان التحرير
ولكن المجلس العسكرى ان اخطا بغير قصد في ادارة المرحلة الانتقالية سياسيا
فيحق لنا انتقاده للبقاء والوصول الى الاصلح لمصر ولكن ليس انتقادات علانية تؤدى الى ذرع فتنة بين الجيش والشعب ولكن من خلال ارسال مقترحاتنا له لدراستها واختيار افضلها وتطبيقها
وعندما تستقر البلاد وياتى الرئيس الجديد وتستقر الاوضاع الداخلية والخارجية فيحق لكل لمصرى اختيار القائد الاصلح والمناسب لقيادة الجمهورية المصريةحتى ولو على حساب المشير وهذا ليس انتقادا لشخص المشير ولكن لو اتى اصلح منه فيجب ان يقود القوات المسلحه وهذا ليس عيبا