السلام عليكم....أنا فى أولى ثانوى و عندى شويه أسئلة1) أنا خالى عايش فى أمريكا و معاه الجنسية و متجوز مصرية هنا و عنده بنت اتولدت هنا فخدت الجنسيتين االمصرية و الأمريكية و بعد كده سافروا أمريكا فهل ده يأثر على القبول فى الكليات العسكرية؟
2) أنا كان ضرسى مسوس و حشيته (الضرس اللى قبل الأخير من تحت على اليمين) فهل ده يسقط فى الكشف ولا منظر الأسنان بس؟
3) و أنا صغير اتعورت جرح سطحى فى قورتى و سايب ندبة خفيفة جداً تبان من على بعد متر فهل دى مشكلة؟
4)أنا ناوى بإذن الله أقدم حربية و فنية عسكرية و دفاع جوى فكده هعمل كام كشف طبى و هيئة و تقديم ملف لكل كلية ولا مرة واحدة بس؟
5) أى كلية من التلاتة السابق ذكرهم أفضل من حيث الشغل و المرتب و ...... الخ؟ يعنى لو قبلت فى التلاتة أختار أنهو كلية؟
6)أنا طولى 182 سم و وزنى بين 65 و 70 كيلو مش فاكر و حسبت أن طولى 185 و وزنى 65 لقيت أنى 18.99 يعنى 19 فى مؤشر الوزن مع الطول يعنى فى حدود المثالى فهل كده هتقبل مع أن لسه معايا سنتين أضبط فيهم جسمى؟
7) أنا نفسى أخش صاعقة أو مظلات أو ضفادع بشرية و أنا بجيد السباحة 100% فعل ممكن أدخل أى سلاح من دول من الدفاع الجوى مثلأ ولا لازم حربية؟
8) هل الواسطة ليها دور فى أى حاجة من اللى فوق لأن الواسطة متوفرة و الحمد لله بجميع الرتب شرطة و عسكرية؟
9) ازاى أدخل المخابرات ( عارف أن المخابرات بتختار رجالها) ايه بقى مواصفات رجالها؟و من أى رتبة؟(علماً أن عبود الزمر كان رائد فى المخابرات)
10)هل فعلاً فميش استقالة أو معاش فى الجيش؟( مش فارق معايا لأن مستعد أخدم الجيش لحد الموت)
11)ايه رأيكم فى الشرطة حالياً؟ لأن الرياضى بتاعها أسهل من الكليات العسكرية؟
12)ايه رأيكم فى الكليات العسكرية عموماً , أنا نفسى أدخل كلية عسكرية بس ناس كتير بيقولولى أنها بهدلة و مش جايبة تمنها مع أنى مش مقتنع؟
أسف على كثرة الأسئلة و لكن أنا عايز أعرفها لأن ده مستقبلى و أرجو الأجابة هلى جميع الأسئلة و شكراً مقدماً

بالنسبة لأول سؤال :الخال قريب من الدرجة التالتة و فى ناس قالولى أن المشكلة لو قريب من الدرجة الأولى اتجوز واحدة أجنبية بس مفيش مشكلة لو كان معاه الجنسية

فين الخبراء