الأقســـام غير العسكريـــة

أنا عمري ماكنت من أنصار
البرادعي ولا المعجبين المفتونين به لا هيا دعاية انتخابية ولا محاولة لاقناع الناس
بحاجة ولا فرض رأي عليهم. هيا بس دعوة لتشغيل العقول وشهادة لإحقاق الحق
مش أكتر.

1. باحترام
البرادعي عشان هو أول من نادى بفكرة الحشد والمظاهرات المليونية والعصيان
المدني. كلمات مكناش نسمع عنها أصلا ولا نتخيلها في سياق مصر. هو اللي
راهن على الشباب من أول يوم واعتمد عليهم كلياً. رجوعه إلى مصر من كام سنة
هو اللي أعطى زخم لحركة التغيير وحرك الماء الراكد. حتى وائل غنيم قال
على تويتر إن رجوع البرادعي لمصر هو اللي أعطاه أمل فلما جات حادثة خالد
سعيد تبنى القضية بحماس موقنا أن التغيير ممكن.

2. البرادعي
كان من الناس اللي دفعت التمن بدري لما اللي كان بينادي به ضرب من الخيال
محدش كان يحلم يفكر بيه. مش جاي ينظر ويعمل فيها المعارض المغوار دلوقتي
بعد أما مبارك ما مشي.

3. من
الناس القليلة اللي موقفها ثابت على طول الخط. يعني تسمع حوار ليه مع مني
الشاذلي من أكتر من سنة تلاقي هيا هيا نفس المطالب اللي بيطالب بها وهو
هو نفس الخطاب واللهجة اللي بيتكلم بيها دلوقتي. بالعربي بالانجليزي مواقف
الراجل واحدة. مش متلون ولا انتهازي. وأهم من كدة عند رؤية واضحة واهداف
ثابتة ماتنازلش عنها.

4. وجه
عالمي نضيف. سياسي محنك وراجل قانون. عند خبرة في العلاقات الدولية و
مصداقية عالمية و اتصالات بجهات عديدة. على الرغم من الحملة الشرسة اللي
نظام مبارك شنها عليه ماسمعناش عنه شبهات فساد مالي ولا إداري وهو ده اللي
أظن كلنا عايزينه. واحد نضيف بره مؤسسة الفساد دي كلها وفوق كده عند
الخبرة.

5. متواضع
ومعتقد باهمية العمل الجماعي. دايماً يقول أنا مقدرش أعمل ده لوحدي محتاج
الشعب محتاج الشباب. علطول بيعتبر نفسه لاعب ضمن فريق مش القائد الملحم
اللي عامل سبع رجالا في بعض.

6. راجل
بيقدر الشباب وبيفهم في التكنولوجيا ودي كان أدوات اللي اعتمد عليها في
ظهوره في الأول أصلا. يعني باختصار نظام تاني خالص عن اللي عرفناه الستين
سنة اللي فاتت. راجل فعلاً فاهم لغة العصر وبيتكلم كلام الشباب اللي علطول
محاوطينه. مش واحد من المدرسة القديمة اللي عفا عليها الزمن بالعافية
متابع اللي بيحصل حواليه.

7. اللي
تابع حواره على أون تي في وتابع لقاء عمرو موسى في ساقية الصاوي
هايفهم بالظبط قصدي. البرادعي كل كلامه عن المؤسسات والدستور ورؤيته
لمستقبل البلد. قاعد تلات ساعات يتكلم مافتحش بقه على نفسه وتاريخه ومكانته
وشغله العالمي وجوايزه غير أخر تلات دقايق لما سألوه يوجه رسالة للشعب
فعرف نفسه باختصار مش أكتر

8. لما
اتسئل البرادعي عن عمرو موسى اللي هو مفروض منافسه رد بكل ذوق وأدب ورفض
انه يوجه ليه أي إهانة أو اتهام وهو مش موجود.

9. راجل
مش متكالب على السلطة. عنده السمعة الدولية وتقلد أعلى المناصب. يعني مش
هيا دي اللي هاضيف ليه. مستعد انه يكون في مجلس رئاسي إذا الشعب اختاره
وبالتالي يحرم نفسه من الترشح للرئاسة عشان هو مؤمن إن المرحلة الانتقالية
أهم واخطر مرحلة في الطريق لبناء دولة ديمقراطية وهو مستعد يخدم من أي
منصب مادام هايحققلو الغرض ده

10. بيعرف
نفسه انو اشتراكي ديمقراطي. سياسته الداخلية قائمة على العدالة
الاجتماعية. الدستور عنده قضية مقدسة. دولة المؤسسات هيا هدفه اللي بيشتغل
ليه.

11. سياسته
الخارجية ترمي لعمل توازن في المنطقة واستعادة دور مصر القيادي. هيعمل
على إنه يقوي علاقات مصر بمحيطها الاقليمي وامتدادها الاسلامي ومن ذلك
إعادة علاقة مصر بإيران.

12. راجل
بيتكلم بصراحة. لما مبيعرفش حاجة بيقول. لما بيتسئل أسئلة تفصيلية مالهاش
إجابة دلوقتي عنده بيقول كدة مش يرمي شعارات كبيرة علشان الفرقعة
الاعلامية وخلاص. واقعي مش بتاع كلام كبير هو مش قده عشان يرضي الناس.
راجل محترم بيعرف يتكلم بالعقل ومابيستخفش بعقول الناس زي الخلق التانية..
خلونا ننضف بقي!

13. في
الحوار ماتهربش من إجابة أي سؤال (قارن ده بشفيق اللي مجاوب ولا سؤال ولا
عمرو موسى اللي مداش عقاد نافع ويقعد يتوهك) اجاباتهه واضحة مافيهاش لبس
تصلح ان تكون مانشيت في حد ذاتها. ولو مجاوبش سؤال بيرجع تاني ويجاوبه.

14. تحس
إن الراجل فعلاً صادق في كلامه.

[center]حد ممكن يقولي ماشي كلام مش بطال بس مش البرادعي ده
هو اللي اتسبب في إن أمريكا احتلت العراق جاي دلوقتي يعمل بطل؟ ارد
بصراحة؟ بجد دي أكذب واغلس تهمة بشوفها بتتوجه للبرادعي. يا جماعة انتو
جبتو المعلومة دي منين ممكن حد يقولي؟ ده فيديو اهو للبرادعي يوم سبعة
مارس يعني قبل غزو العراق 13 يوم وهو
بينفي تماماً وجود أي نشاط نووي للعراق قدام مجلس الامان.

[center]ممكن تقولي أنت مصدرك ايه
بقي؟ يا ريت نفكر شوية بعقولنا ومانرددش إشاعات كدة إحنا مش عارفين أصلا
جبناها منين.

أينكان برضو الراجل كان
عايش طول حياته بره يعرف ايه عن مصر ده؟

اقولك واللي كان عايش
جوه حسب الله 14 سبب خلوني أحترم البرادعي 15042

عمل ايه يعني؟! نهبها وخربها وقعد على تلها! الموضوع مش قصة
بره ولا جوه. الرجل مكانش بره بيتفسح ولا في رحلة. ده كان بيشتغل في أكبر
المؤسسات الدولية. اشمعنا يعني مابسمعش حد بيقول زويل عايش بره بالرغم إن
ده بقي اللي بيحمل جنسية أمريكا علما إن البرادعي معندوش غير الجنسية
المصرية واتولد وعاش ودرس هنا لحد الجامعة.يا ريت نركز في مضمون كلام
البرادعي مش مكان إقامته.

بس ده راجل
بيتأتأ،"التون" بتاعه مستفز وشكله عامل زي عم شكشك بتاع بوجي وطمطم؟
اقولك يا عم تجاوز المظهر شوية وحاول تركز في الجوهر. سيدنا موسى كان
بيتلعثم هل ده قلل من قدره ولا من عظم ونبل رسالته؟ خلينا نتفق نقيم
المرشحين بافكارهم وخططهم مش شكلهم ولبسهم وصوتهم!

الموضوع منقول من منتدى البرادعى

[/center]
[/center]

انا اتفق معاك جزئيا ببعض النقاط مثل النقطة 6 و 13 و12
لكن البرادعى يوجه من الخارج وهى حقيقة

اسمحلى اوضحلك اهم سببين يخلونى ما احترمش البرادعى
فى اول ظهور للبرادعى فى الحياه السياسه انا كنت من اشد المعجبين والمحترمين ليه لدرجة انى وقعت برقم بطاقتى واسمى وعنوانى على بيان جمعية التغيير لكن ببساطه البرادعى خذلنا كلنا
فى يوم واحد كان البرادعى ملئ السمع والبصر ولنا وراءه وبمجرد ان انفتحت النيران المعتاده فى وجهه هرب
فجأه وبعد ان كنا كلنا وراءه نعتبره رجل المستقبل فجأه اختفى
اين هو لا نعرف
صدمت فيه
النقطه الثانيه اثناء الثوره
البرادعى رأيناه جميعا على شاشات التليفزيون والقنوات الفضائيه يقول اين امريكا ويتساءل عن الموقف الامريكى وبمجرد ان انتهت الثوره وبدأ الحديث من اجل مخاطبة سواد الناس اثار موضوع العلاقات والتحالف مع ايران وكامب ديفيد واستعمل الخدعه التى يقع فيها معظم الناس بأن ايران قويه والهبل ده كله
البرادعى اثبت انه لا يمكن ان يثبت على شئ
الشئ الوحيد الذى اثبته البرادعى اننا كمصريين لم نكن جالسين فى انتظار جودو
كنا فى انتظار شراره لم يكن هو السبب فيها اما كل ما يقال عن انه مفجر الثوره والكلام ده كله فأنا اسف
كله تخاريف ومش حقيقى بأى شكل من الاشكال
اما الكلام عن العراق فأنا اتفق تماما مع ماقلته

انا اؤيد رايك رائد فيما يخص نقطة التحالف مع ايران
انهم من اشد اعدائنا

1
اول من قال لا لمبارك بشىء من الحده كان ايمن نور 2005 (انا مش من المعجبين بايمن نور)
اول من نادى بالعصيان المدنى هو طارق البشرى وحركة كفايه وغيرهم كتير قبل البرادعى بسنوات
مثلا 2008
http://www.moheet.com/show_news.aspx?nid=109155&pg=1
طارق البشرى 2006
http://www.elbashayer.com/news-129102.html
2
بالنسبه لثبات موقفه

من حوالى سنه قال على قناة دريم ان الدوله شخصيه اعتباريه لا دين لها وان الماده الثانيه من الدستور غير مناسبه
دلوقت على قناة أون تي في قال انه يوافق على الماده الثانيه من الدستور باعتبار الاغلبيه مسلمين

عند سؤاله عن قبوله التكريم من الرئيس السابق قال انه لامشكله له مع مبارك الانسان والمشكله هى مع مبارك رئيس الجمهوريه
ملحوظه التكريم ووشاح النيل كانت من مبارك كرئيس الجمهوريه مش كواحد صاحبه

14 سبب خلوني أحترم البرادعي L_3030

يوم 11 فبراير اعلن انه لن يترشح للرئاسه والان يعلن ترشحه للرئاسه
بل انه فى قناة أون تي في رفض اى منصب اخر غير الرئيس فى العهد الجديد بحجة انه لن يستطيع خدمة مصر فى اى منصب اخر
3
صرح فى قناة أون تي في انه سوف يتقرب من ايران
نفس الفكر الفردى فهاهو يقرر ما ينبغى من الان
اين دولة المؤساسات اللتى يقول عنها
المؤساسات والمستشارين والهيئات المنتخبه من الشعب هى من تقرر السياسه الخارجيه والداخليه للدوله
مش يبقى مبارك ماشى يمين فمصر كلها تمشى يمين يجى واحد بعد مبارك عايز يمشى شمال يبقى مصر كلها هتمشى شمال

14 سبب خلوني أحترم البرادعي Ahmadinejad-and-elbaradei-kissy-kissy

14 سبب خلوني أحترم البرادعي Ahmadinejad-and-elbaradei-kissy-kissy

4
عندما فاز البرادعى برئاسه الوكاله الدولية للطاقة الذرية
كان مرشح الولايات المتحده لرئاسة الوكاله هو محمد البرادعى بينما كان مرشح مصر هو الدكتور محمد شاكر
وطوال فترة رئاسته للوكالة من 1997 حتى 2009 لم يتناول نشاط اسرائيل النووى

14 سبب خلوني أحترم البرادعي Elbaradei-Israel

14 سبب خلوني أحترم البرادعي Elbaradei-Israel

5
مصر الدوله الاسلاميه يحكمها شخص ابنته ملحده كما كتبت هى بنفسها على الفيس بوك
ولا معلومات عن ابنه وهو فى الاغلب مثل اخته
حتى امريكا اللتى تتباهى باقصى اللبراليه وعدم وجود عرق امريكى وانما مواطن امريكى
لابد للمترشح للرئاسه الامريكيه ان يكون مقيم بامريكا اخر 14 سنه من تاريخ الترشح كحد ادنى
مش اخر شهرين زى البرادعى

14 سبب خلوني أحترم البرادعي 4955902320_890b1b99a6_b

14 سبب خلوني أحترم البرادعي 4955902320_890b1b99a6_b

14 سبب خلوني أحترم البرادعي 182834_10150141798971171_729096170_8510427_408227_n

بص يا باشا قبل الثورة نفسها انا كنت بحترم البرادعي جدااااااااااااااااااااا
واتمنينت انه يكون في الانختبات الجاية مع عمرو موسي سواء واحد فيهم نائب والتاني رئيس المهم يبقي الاتنين في السلطة ولكن

اسباب خلتني اكره البرادعي واتمني انه يبتعد تماما عن الحكم في مصر حتي مايبقاش في المعارضة

اولا البرادعي زيه زي الاخوان زي الائتلافق المعارضة زي اي حد ركب الموجة وبسرعة اوييييييييي

ثانيا البرادعي في بداية الثورة تقريبا السيبت او الحد التالي لجمعة الغضب كان قبل اليوم ده مالي الدنيا تصريحات وبيظهر في التلفزيون اكتر ما ظهر في الميدان ولكن في احد تصريحاته خبط في امريكا وطلب من كط كلينتون توضح موقفها من الثورة كان الرد الامريكي هو الاستغراب من كونه بيظهر في التلفزيون اكتر مما بيهتم بالثورة وبعدها بدأ يختفي تدريجيبا وتصريحاته تقل بدون سبب!!!!!!!!!

ثالثا البرادعي لا يصلح يكون رئيس لمصر لسبب بنته المتجوزة من مسيحي طبعا هتقولي دي حياة شخصية والكلام ال ده معاك ياباشا في كدا بس مصر دولة اسلامية قبل ماتكون عربية او اي حاجة تانية وماينفع تكون بنت الرئيس بالشكل ده كمان غير ان الحزب الوطني ايام الثورة عم احلا شغلللللللل وظبطنا صور وده طبعا هتبقي احلا ختم علي قفا المصريين لو حصلت مشكلة مع دولة اسلامية و في حالة كون البرادعي رئيس

رابعا ظهرت من مدة دعوات واتااجهات كتييييييييرة تحاول تخلي البرادعي زعيم للثورة!!!!!!!!!!!!! طيب اديني سبب واحد يخليني اقتنع بان ال ابو البراديع زعيم الثورة

اقتباس :: انا اتفق معاك جزئيا ببعض النقاط مثل النقطة 6 و 13 و12
لكن البرادعى يوجه من الخارج وهى حقيقة

ما معنى موجه من الخارج 14 سبب خلوني أحترم البرادعي 998539

لاتظن بالناس ظن السوء

اقتباس :: انا اؤيد رايك رائد فيما يخص نقطة التحالف مع ايران
انهم من اشد اعدائنا

اتفق معاك ان ايران عدو ولكن هل تحالف مصر واسرائيل جعلنا نكره السادات
وطبعا الفارق بين ايران واسرائيل

اقتباس :: ثالثا البرادعي لا يصلح يكون رئيس لمصر لسبب بنته المتجوزة من مسيحي طبعا
هتقولي دي حياة شخصية والكلام ال ده معاك ياباشا في كدا بس مصر دولة
اسلامية قبل ماتكون عربية

بس علشان الحق بنته موزه

mood128
البرادعي عمره ماهيطلع يقول ايوة بنتي اتجوزت مسيحي وبص في الصورة الي حاطتها حسين س صلاح كويس اخر صورة اقصد

بالاضافة انك رديت علي نقطة واحد من كلامي وبفرض اني غلط فيها فين ردك علي باقي كلامي

انا مش من مؤيدين حسني ولا غيره ولا حتي عمرو موسي ولكن انا بقول رأي

علي اي حال من وجهة نظري شايف ان في الوضع ده ماينفعش يمسك مصر سياسي في المقام الاول

النايس زهقتمن السياسين بكل اشكالهم واصنافهمنم واستني كمان في الفترة الجايةا انقلاب ناس كتير غ علي الاخوان نفسهم (الاقوي حاليا) رأي الانسب للفترة القادمة اقتصادي او عالم كبير زي الباز مثلا وان كان لزم يكون حوليه شخصيات كبيرة من الجيش عشان تنبه وتحميه من غلطات سياسية يقع فيها وده يكون مرحلة انتقالية زي الانتخبات الجاية بس