سلام عليكم.
ازيكو يا شباب.
النهارده موضوعي هو عباره عن محاكاه لمواضيع صديقنا الرائع والظريف جدا حماده ياريت ينجح اسلوبي المتواضع في ان يدخل البهجه قليلا اليكم.

شايب بس فلته.(طبعا الكلام بالعامي ماشي)

بيقولك كان في مره راجل عجوز المهم الراجل ده كان بيدخل كل يوم 10000 جنيه في حسابه في البنك.
وبييجي كل يوم يحطهم بنفسه في حسابه.
المهم الراجل ده خبره انتشر قوي في البنك وذاع صيته خالص لغاية ما مدير البنك بنفسه بقى مستعجب ازاي الراجل ده بجيب الفلوس دي كل يوم.
المهم في يوم مدير البنك قال للموظفين بتوعه [هاتولي الراجل ده اول ما ييجي انا عايز اقابله]وفعلا حصل وكان للمدير ما اراد وجابوله الراجل.
المهم المدير قعد مع الشايب وطلبله قهوه..........وبعدين بقه ابتدى يساله

المدير:انت بتجيب الفولس دي ازاي كل يوم؟
الشايب:ولله اهو ربنا بيرزقها.
المدير:بجد انت فعلا بتشتغل ايه؟
الشايب:انا ما بشتغلش بس كل الحكايه اني براهن على شوية حاجات كده وبكسب.
المدير:بس كده!!!!!!!!
الشايب:ايوه تحب تجرب وتراهن.
المدير:ليه لا؟
الشايب:طيب هراهنك على 10000 جنيه اني ابوس(اقبل)عيني.تراهن؟
المدير ساخرا:طبعا اراهن انت بترمي فلوسك في الارض يا عم الحج.
الشايب:هنشوف.
وفعلا صاحبنا الشايب قام شايل عينه من محجرها[اصل عينه كانت زجاج]وقام بايسها وبعدين رجعها مكانها تاني.
الشايب:هاه فين الفلوس.
المدير مذهولا:مش معقول.اخخخخخخخخخخخ طيب خلاص ليك 10000 جنيه.
الشايب:تحب تراهن تاني؟
المدير:طيب نجرب تاني مش مشكله هو انت يعني هتعمل ايه اكتر من كده؟
الشايب:طيب تراهني على 10000 جنيه اني اعض ودني(اذني)؟
المدير:طبعا ليه لا مش علشان بست عينك هتعض ودنك.
الشايب:طيب
وقام صاحبنا الشايب شايل سنانه من فمه [اصلها كانت صناعيه(طقم سنان يعني)وقام عاضض ودنه ومرجع سنانه مكانها.
المدير مذهولا وباكيا:مش معقول حرام عليك.
الشايب:فين الفلوس ؟
المدير:طيب خلاص ليك 10000 جنيه تانيه.

وفعلا صاحبنا الشايب خد الفلوس ومشى.


تاني يوم الشايب جاي علشان يحط المبلغ المعتاد في البنك المهم المدير اخده للمكتب بتاعه.
وقعد يكلمه.

المدير:معلش يا عم الحج انا اسف اني شككت في مهارتك بس وحيات ولادك يا شيخ رجعلي فلوسي انا اسف انا هعمل اي حاجه عشان ارضيك بس رجعلي الفلوس انت ما يرضيكش اني اخسر 20000 الف جنيه في يوم واحد كده.
الشايب:طيب خلاص خلاص صعبت عليا .شوف انا هرجعلك فلوسك وعليهم 10000 جنيه تانيين بس بشرط.
المدير فرحا:ايه هو اؤمر انت بس.
الشايب:تراهني عليهم ولو كسبت هتاخدهم لو ما كسبتش مش هرجعلك حاجه.
المدير خائفا:طيب انا مش هخسر حاجه.
الشايب:طيب يلا.تراهني ان اكرمكم الله[سروالك الداخلي لونه ازرق]؟
المدير فرحا جدا:لا السروال مش ازرق.ده ابيض.
الشايب:لا بقه هو ازرق.
المدير متاكد ولابس السروال الصبح ولونه ابيض.المهم.
ازرق ابيض ازرق ابيض ازرق ابيض.

قام صاحبنا الشايب قام قايل للمدير:طيب ما دام انت مصر يبقى انا لازم اتاكد من ده .يلا ادخل الحمام واقلع السروال عشان اتاكد.
المدير متفاجئا:طيب مش مشكله .
ودخل صاحبنا المدير وقلع السروال الابيض طبعا واداه للشايب.

وقاله شفت يا عم الحج السروال لونه ابيض اهو.يعني انا كسبتك.

بس للاسف ما لقاش حد بيرد عليه.

صاحبنا الشايب اخد السروال من هنا وطلع من باب المكتب من هنا عارفين طلع عامل ايه؟؟؟؟؟

الحج طلع مراهن موظفين البنك كلهم [كل واحد فيهم] على 10000 جنيه انه يجيبلهم السروال الداخلي بتاع مديرهم.

اتمنى تكون عجبتكم.مع انها مش قوي اذا قورنت بمواضيع عمنا حماده.ب
بس اهي تجربه.

تحياتي وشكرا.

TOP ACE

رائعة يا توباك و لا ينقصها من اسلوب حماده اي شيئ

شكرا يا صاحبي.على فكره انا اسمي توب ااس.
وبعدين يا عم لسه بدري لغاية اما نوصل لاسلوب صديقنا حماده الشيق والممتع.

مين هنا يراهينى ..!

جامدة جدا يا توب .. تسلم والله .

جامدة جدا تسلم يامعلم

هههههههه جاااااااااااااااااامده

هاااااااااه الحمد لله انها عجبتكم.انا كنت خايف لا تطلع اي كلام.تسلموا يا جماعه.

اقتباس :

النهارده موضوعي هو عباره عن محاكاه لمواضيع صديقنا الرائع والظريف جدا حماده

يا باشا انت استاذنا.يعني بردو مش هنوفيك حقك.