اولا : الف مبروك يا رياسة على النجاح المجموع و عقبال السنة الجاية ان شاء الله
ثانيا: اوعى تفكر فى كلية عسكرية حاليا , كل اللى عليك انك تحول الى قسم ادبى و تجتهد عسان ربنا يكرمك وتجيب مجموع فى منطقى الامان يعنى فى الثمانينات مثلا
اعمل حسابك من دلوقتى على تجارة لاسباب عدة
* كلية حقوق صعبة و مالهاش مستقبل الا اذا كنت بتحب المحاماه و هتمارسها وده طبعا هايخاد منك مجهود على ما تبقى محامى مبتدى كويس
*كلية الاداب ايضا اقسامها ليست بالجيدة ما عادا اقسام اللغات (انجليزى وفرنساوى) , وان دخلت قسم انجليزى مثلا , اعقد النية على العمل بعد التخرج فى مجالات الترجمه و السياحة و الوظائف التى ستعتمد على اجادة اللغة الانجليزية كلغة اجنبية مثل خدمة العملاء و الاستقبال وغيرها من الوظائف الجيدة جدا
(لو دخلت اداب انسى موضوع انك تبقى مدرس, لان المدرسين على افى من يشيل و مفيش تكليف و اصلا فرص تربية افضل منك الا لو اخدت دبلومة تربوى)
* اما بالنسبة الى كليات التربية العام و التربية النوعية و تربية تعليم اساسى , فهذا يعتمد على المجموع و اعتقد لو اجتهدت بعض الشئ ممكن ان تصل اليها ,,,,ولو انى لا ارجح التدريس الا لو كنت تحب المهنة
**** كلية التجارة .. فهى كلية سهله نوعا ما ولا تحتاج الى مجهود فى المذاكرة, وعموما معظم الناس بتنجح
اما بخصوص الشغل , فخريجى تجارة ممكن يشتغلوا فى كل حاجة و فى كل حتى بداية من محاسبين فى جميع التخصصات مرورا بالتسويق والدعاية الى موظفين فى البنوك و شركات التأمين و المصانع الى اخره حتى لو هاتشتغل محاسب فى محل ولا مطعم يا سيدى
كمان فرص السفر بره كويسة و ومرتبات معقوله... وممكن تدرس حاسب الى و تاخد شهادات من مراكز معتمدة مثل ITI مثلا او دورة شبكات مثلا ,, يعنى تستغل عدم صعوبة الدراسة فى الكلية فى دراسة الحاسب الالى و التمرس فيه وبعد التخرج ممكن تشتغل كمحاسب بمؤهلك او تشتغل مهندس حاسب الى سواء شبكات او صيانة او برمجه او حتى IT engineer ...اى حاجة يا ريس
و ربنا يكرمك يا رب.. وتاخد اللى تتمناه....
اه.. انا خريج علوم كيمياء و شغال مهندس تشغيل فى شركة بتروكيماويات
موضوع: رد: حيره 
الأحد 17 يوليو 2011 - 21:41
