يا اخ raed1992 انا معايا كتاب سعد الدين الشاذلي
الكتاب اسمه:مذكرات حرب اكتوبر -الفريق سعد الشاذلي-الطبعة الرابعة 2003-دار بحوث الشرق الاوسط الامريكية -سان فرانسيسكو 2003
الكتاب ده انا عملو داونلود من المنتدي هنا من 7 الى 9 شهور...و ده الكلام المكتوب فيه في صفحة 304 لي 309 و الكتاب PDF مش Text للاسف و حاولت اغيروا ل text معرفتش...
حاول انت تجيب الكتاب من المنتدي ...

من 7 او 9 شهور..غلطة املائية

pastek كتب:

يا جدعان الانسحاب الكامل من سيناء ده شئ....ولما تكون الدبابات الاسرائيلية على بعد 100 كم من القاهرة يوم 24 او 26 اكتوبر ده شئ تاني....الجيش الثالث الميداني كان محاصر+ ان مصر كانت وقفه في مضيق باب المندب لمنع اي سفن دعم لاسرائيل ...و لما كنا متحاصرين في الثغرة و عملنا هدنة لوقف ضرب النار..الهلال الاحمر هو اللي كان بيوصل المياه و الطعام لجنودنا...و بما ان الامدادات كانت بتعدي من ناحية اسرائيل كانوا بيقلبوها علشان يموتونا من الجوع و العطش...
طبعا اثناء الهدنة جولدامائير كانت بتعلن على الملاء فى الكنيست ان فيه سفينة اسمها كذا و حتعدي فى الوقت كذا من باب المندب و القوات البحرية كانوا بيعيطوا علشان مش عرفين يضربوها....

اللي عاوز يعرف تفاصيل اكتر يقراء كلام سعد الدين الشاذلي انا مش بجيب كلام من عندي...و معلش في الكلام اللي كاتبو ده يمكن يكون فيه نسبة خطاء بسيطة ده علشان انا كنت قارى الكتاب من 9 شهور و ده اللي انا فاكرو...ومفيش مشكلة لو حد عدل علي كلامي او فهمني الصح....ححاول اجيب كتاب سعد الدين الشاذلي مرة اخري...

1 / عدد تافه من الدبابات لا يستطيع احتلال السويس التى كانت مهجرة بالاساس لا يشكل تهديدا لأصغر

احياء القاهرة

2 / عمى الاكبر كان فى الجيش الثالث ولا تندهش ان قلت لك ان الامدادات كانت منتظمة

بما فيها ( الذخيرة )

3 / الجيش المصرى لا يعرف البكاء وانتقى الالفاظ ارجوك

انا لما اقصدك البكاء ....مش البكاء نتيجة الخسارة و الالم...بينما البكاء من الحسرة ...امامك عدوك و لاتقدر تضرب عليه رصاصة واحدة ...علشان احنا لا ننكس العهد...فقصدي البكاء من الحسرة.
بردوا اقرا كتاب سعد الدين الشاذلي ....علشان ده مش كلامي ده كلامة ..الله يرحمة.

ojo de halkon كتب:

السلام عليكم

يا اخواننا الفريق الشاذلي الله يرحمه هو اللي قال ان الجيش الثالث كان

محاصر وان الامدادات كانت بتوصله في سيارات تبع الهلال الاحمر

وبتتسرق في الطريق زي ما الاستاذ PASTEK قال

وبعدين الشاذلي تمت اقالته في شهر ديسمبر سنة 73 والسادات كذب في كتاب

البحث عن الذات بخصوص توقيت اقالة الشاذلي


لو سمعت شاهد على العصر يا رائد كنت عرفت الكلام ده

للمره الالف شوفت وسمعت شاهد على العصر كتر من مره
السؤال ده انتم سألتوه لحد دلوقتى 3 او 4 مرات وكأن كل مصادرك هو شاهد على العصر
قدامكموضوعين مهمين
اقروهم بدل الكلام اللى انتم بتكرروه ده
ارجوكم اقروا وماتجيش المشاركه الجايه تقوللى اسمع بس شاهد على الزفت

kaderamir كتب:

حدثت الثغرة كنتيجة مباشرة لأوامر الرئيس السادات بتطوير الهجوم شرقًا نحو المضائق، رغم تحذيرات القادة العسكريين - وخاصة الفريق سعد الدين الشاذلي - بأنه إذا خرجت القوات خارج مظلة الدفاع الجوي المصرية فستصبح هدفًا سهلاً للطيران الإسرائيلي. وبالفعل في صباح يوم 14 أكتوبر عام 1973م تم سحب الفرقتين الرابعة والواحدة والعشرين وتم دفعهما شرقًا نحو المضائق. الجدير بالذكر أن الفرقتين الرابعة والواحدة والعشرين كانتا موكلاً إليهما تأمين مؤخرة الجيش المصري من ناحية الضفة الغربية لقناة السويس وصد الهجوم عنها إذا ما حدث اختراق للأنساق الأولى، وكانت هناك ثلاث ثغرات تتضمنهم خطة العبور المسماة بـ المآذن العالية، ومن بينها ثغرة الدفرسوار التي حدث عندها الاختراق. بعد فشل تطوير الهجوم رفض الرئيس السادات مطالب رئيس أركان القوات المسلحة المصرية الفريق سعد الدين الشاذلي في إعادة الفرقتين إلى مواقعهما الرئيسية للقيام بمهام التأمين التي تدربوا عليها.
بعد ذلك اكتشفت طائرة استطلاع أمريكية - لم تستطع الدفاعات الجوية المصرية إسقاطها بسبب سرعتها التي بلغت ثلاث مرات سرعة الصوت وارتفاعها الشاهق - وجود ثغرة بين الجيش الثالث في السويس والجيش الثاني في الإسماعيلية، وتم الاختراق من قبل القوات الإسرائيلية عند الدفرسوار. عندما حدث ذلك طالب الفريق سعد الدين الشاذلي أن يتم سحب الفرقة الرابعة واللواء 25 المدرع من نطاق الجيش الثالث ودفعهما لتصفية الثغرة في بداياتها، ولكن الرئيس السادات عارض الفكرة بشدة.
ازداد تدفق القوات الإسرائيلية، وتطور الموقف سريعًا، إلى أن تم تطويق الجيش الثالث بالكامل في السويس، ووصلت القوات الإسرائيلية إلى طريق السويس-القاهرة، ولكنها توقفت لصعوبة الوضع العسكري بالنسبة لها غرب القناة، خاصة بعد فشل الجنرال أرئيل شارون في الاستيلاء على مدينة الإسماعيلية وفشل الجيش الإسرائيلى في احتلال مدينة السويس، مما وضع القوات الإسرائيلية غرب القناة في مأزق صعب، وجعلها محاصرة بين الموانع الطبيعية والاستنزاف والقلق من الهجوم المصري المضاد الوشيك، ولم تستطع الولايات المتحدة تقديم الدعم الذي كانت تتصوره إسرائيل في الثغرة بسبب تهديدات السوفييت ورفضهم أن تقلب الولايات المتحدة نتائج الحرب.
يذكر أن الدولتان العظمتان في ذلك الحين (الولايات المتحدة والاتحاد السوفيتي) تدخلتا في سياق الحرب بشكل غير مباشر، حيث زود الاتحاد السوفيتي كلاً من سوريا ومصر بالأسلحة، بينما قامت الولايات المتحدة بتزويدإسرائيل بالعتاد العسكري، وفي نهاية الحرب عمل وزير الخارجية الأمريكي هنري كسنجر وسيطًا بين الجانبين، ونجح في التوصل إلى اتفاقية هدنة لا تزال سارية المفعول بين سوريا وإسرائيل، في حيم استبدلت مصر وإسرائيل اتفاقية الهدنة باتفاقية سلام شاملة في كامب ديفيد عام 1979م. وكان الرئيس المصري أنور السادات يعمل بشكل شخصي ومقرب مع قيادة الجيش المصري على التخطيط لهذه الحرب التي أتت مباغتة للجيش الإسرائيلي.خارطة الثغرة

الله ينور عليك يا برنس

raed1992 قرات الكتاب زي ما قولتلك؟؟....سيبك من شاهد على العصر لو هو مضايقك

pastek كتب:

raed1992 قرات الكتاب زي ما قولتلك؟؟....سيبك من شاهد على العصر لو هو مضايقك

يا اخى اخبرتك مسبقا انى قرأت الكتاب لكنى قرأت ايضا كثير من الكتب سواء بالعربيه او الانجليزيه واعطيتك موضوعا "فيه الخلاصه " لكن انت للاسف لم تقرأه

اسرائيل لا تملك سلاح جوي في الثغرة و إذا تم الهجوم عليها هناك فستشكل نقطة ضعف كبيرة أتمنى أنوا حزب الله يهجم و يدمرها كاملة

raed1992 كتب:

pastek كتب:

raed1992 قرات الكتاب زي ما قولتلك؟؟....سيبك من شاهد على العصر لو هو مضايقك

يا اخى اخبرتك مسبقا انى قرأت الكتاب لكنى قرأت ايضا كثير من الكتب سواء بالعربيه او الانجليزيه واعطيتك موضوعا "فيه الخلاصه " لكن انت للاسف لم تقرأه

ارح نفسك يا رائد فلن يتفهموا ابدا....انا دمى اتحرق مليون مرة قبل كده بسبب موضوع الثغرة ده وبرضه مفيش فايدة..

انا اتحدى اى شخص يقرأ المصادر التى اوصى بها رائد ثم يصر على رأيه الخاطىء فى موضوع الثغرة .

وبما ان الاصرار كما هو...فيبدو ان احدا لم يقرأ تلك المصادر او يفتحها من الاساس..او ربما فتحها ووجد الكلام المفصل الدقيق الصحيح فريح دماغه وقلك لسه هقرا كل ده..وعلى ايه انا اصر على رأيى وخلاص واقول البقين بتوع الشاذلى واقولهم شوفوا انتم شاهد على العصر اللى كلنا شفناه بس على العكس محدش شاف غيره الا القليل ومحدش قرأ الثغرة من مصادر رائد الا القليل القليل ....اليس هذا ما يحدث معكم يا سادة وبينكم وبين انفسكم اما انا مخطىء !!

انتظروا اذا قريبا موضوعا مفصلا منى عن اتهامات الشاذلى للسادات والخلاف حول الثغرة..واتحدى اى شخص يمكنه الرد بحيادية ويصر على هذا الرأى الخاطىء......واقترح ان يعين قاض ليحكم بينى وبينكم .

كلامك صحيح

اعكس السؤال ولماذا لم تقوم اسرائيل بذلك ؟ القصة ومافيها ان معظم الاشتباكات في الثغرة لم تكن اشتباكات يسمح للطيران بحسمها ، لانك ستقتل من جنودك كما ستقتل من جنود الطرف الاخر ، اما الحديث عن الثغرة فيمكن اختصاره فيما قالة رئيس معهد الدراسات الاستراتيجية الفرنسية وهو طرف محايد : " انها عملية تليفزيونية " .

ويقول المشير ابو غزالة : " الجندي المصري هو الذي يدفع الثمن بالدم والنار ، بينما يجلس كبار المناظرين يتناقشون " .

اما الحديث عن الثغرة فيمكن اختصاره فيما قالة رئيس معهد الدراسات
الاستراتيجية الفرنسية وهو طرف محايد : " انها عملية تليفزيونية " .
ما يدعو للغيظ ان تجد احد الاشخاص يأتى ليقول ان هذه الجملة من قالها السادات !!!
لا اعرف هل هذا جهل رسمى ام غباء بامتياز ؟؟!!