أولا ألف شكر للفريقين والحكم علام
وبالنسبة لعلام لو اخطاء فى أشياء فداه من عدم تفهمنا الخطة ليه مائة بالمائة هو مش هايعرف النوايا بتاع كل واحد ودائما فيه اخطاء ولكن نجدد ثقتنا بيه لأنه فعلا يستحق الأحترام والتقدير بجد
وبالنسبة للفريق الجزائرى انا بقدره جدا وبحترمه وفيه عناصر خبره كتير
وكل اعضاء الدعم كانت ليكم احنا من البداية وأحنا تلاتة
أما عن اعلان الخطط السابقة أنا موافق علشان لما نشوف خطط بعض هتعرفوا احنا كنا بنظبطها ازاىوبنضع ظروف أمان كتير
وبالنسبة لفريقى الناتو أحب أهنيه
وبالنسبة لأمير خاصا صراحة كان شايل الليلة وعن نفسى دا اللى كان بيحصل بالظبط كالاتى لعدم نكران حقة
فى اليوم الاول امير قال على خطة وانا اتكلمت كتير على الافتراضات فيها بشكل رزل علشان ما يبقاش فيه خطأ او خسائر كبيرة واعترف أربكتنا قليلا حكاية المفاجاة دى ووضعت تعديل على الخطة بسيط ايامها ما كنتش لسه فاهم الموضوع وتكفل امير بالباقى وكتب الخطة كلها بالاعداد وكنت بستلم الخطة وأعرفها زى اللى بيذاكر علشان اعرف وافهم فى كل مرة
والمرة التانية أيضا وضع امير فكرة الخطة ويناير وأنا شاركنا فيها وعدلنا عليها فى اماكن الانزال ولتوزيع بس الفكرة كانت بتعته واتفقنا عليها وانقطعت عن الموضوع لمدة أسبوعين شالنى فيهم بامانه وغير الخطة كلها فى لحظة ودا كان مدى سعادتى لأننا كنا هانتلود وهانشيل طين وكنت أنا صاحب فكرة الاهداف الحيوية والأقتصادية ولكن علام ما تحمسش للفكرة

وأيضا الخطة فى المرة التالتة كنت لسه راجع للموضوع لقيت أمير بيعاتبنى وكنت واثق انه حاطط خطة وكان حاطط وكاعادة اتشاورت معاه كتير وغيرنا حبه حاجات للأحسن زى ما بيحصل فى المرتين اللى فاتم وكنت مدايق من الخساير اللى هانشلها للوصل للاغواط أثناء الزحف ولكن وصلت نتائج الاستطلاع وكانت مدى فرحتى واندهاشى لما تركتم الاغواط بدون قوات كبيرة ودفعتم بكل قواتكم للعاصمة وهنا قولت لامير على الخطة بتاع اليوم دا كلها حتى الاسماء للعمليات (لم تذكر)واتشاورنا فى كيفية القصف والتأمين للقوات فى العاصمة وبصراحة وافق عليها كلها ولاغى كل خطتة وأخذ الخطة بتاعتى وطبقها بدون اى انحياز لوضع بصمته

ودا لاى حد قال ان امير انانى ولكن الموضوع فقط انهى هيا الخطة الافضل
والأفضل ما يطبق دائما وأعتقد ان دا كان سبب الخلاف مع عمر فى فريقنا وكنت زعلان جدا انه خرج او توقف وحاولت أرجعة كتير بس دى كانت أرادته
واخيرا شكرا لعمر صديقى الجميل و لأمير أستفدت منك كتير واتمنى ان تضمنا الحرب القادمة فى صف واحد
وبصراحة الموضوع بكل ما حدث فيه من نرفزه زاده من جمال وحماس
شكرا لأعضاء الفريقين والحكم علام والأعضاء المتابعين وأعضاء المنتدى كله