انا خريج هندسة الاسكندرية قسم ميكانيكا بتقدير جيد سنة 2011 وكنت عايز ابقى ظابط مهندس فى الجيش وعايز اقدم فى كلية الظباط المتخصصين بس فى حاجات كنت عايز اسال عليها
ايه طبيعه عمل الى زى فى الجيش يعنى بشتغل فى سلاح ايه؟؟
هل فى شروط طبية وبدنية معينه للقبول زى التقديم للفنية العسكريه لما كنت فى ثانوى؟؟
ممكن بعد كده لو مرتحتش فى الجيش اقدر اقدم طلب انهاء خدمه بعد كده؟؟؟ وياترى ده بعد كام سنه؟؟
معلش هو سؤال غلس شويه بالنسبة للمرتبات هل بتبقى كويسه ولا لأ اول رتبة بتبقى لى ايه؟؟ ومرتبها كام؟؟
طبيعه العمل هل بيباتوا بره الشغل ولا ده حسب التوزيع؟؟ والاجازات بتبقى نظامها ايه؟؟
انا معرفش لسه موقفى من الجيش هل ممكن فى سنوات الجيش احول ظباط متخصصين وهل السنين الى اخدتها فى الجيش يتضاف بعد كده عشان الترقيات والرتب
لو حضرت ماجيستير فى الكلية ده بيعلى من رتبتى؟؟؟ واول رتبة بتبقى لى ايه؟؟
اسف جدااا ع الاطاله بس بجد انا دايخ ع الاساله دى وياريت تقدروا تساعدونى فيها وانا اسف بجد لو كانت الاسأله بتبان بايخه لان بجد انا على مسئوليات وعايز اعرف بالظبط انا داخل ع ايه وعايز اخدم بلدى ومحتاج نصايحكم لى :)

حضرتك تخصصك مطلوب دائما ولو دخلت بتبقى ضابط متخصص وانت ميكانيكا يعنى ممكن مدرعات او دفاع جوى وشروطها الجنسيه المصريه الاصليه وغير متزوج وتقدير جيد على الاقل وحسن السير والسلوك واللياقه البدنيه بس ممكن تكشف بالنظاره والافضل ليك لو انت داخل الجيش تجنيد اجبارى انت هاتدخل ضابط احتياط ودا اكيد ممكن بعد ما تدخل بيجيلك مندوب الى الكليه يعلن عن ان من يرغب فى التقدم للاكاديميه يقول واكلية ضباط الاحتياط بتسمحلك تقدم وليك الاولويه عن الشخص العادى اللى مش ضابط احتياط