فى سوال محيرنى هو فى اتفاقيات بين مصر وامريكا تمنع ان احنا نشترى اسسلحة من روسيا والمانيا والدول الشرقية

يعنى فى بند فى اتفاقية السلام بينا وبين سوسو تمنعنا ان احنا نشترى السلاح من حد غيرهم اصل اكيد احنا مش راضين نطور سلاح الجو المصرى

ولسة عندنا الf16 وهما عندهم فى اسرائيل الf15 f22 وممكن ال f35 تروحلهم واحنا اكيد مش معندناش فلوس علشان نشترى سلاح

ومش سلاح الجو بس

مبدئيا الاتفاقية بين مصر وسوسو اسمها معاهدة السلام مش كامب ديفيد .... ارجوا عدم الخلط

بالنسبة للاتفاقية ... " على حسب ما قريت فيها و كل المعلومات اللى بنسمعها " اكيد ما فيش حاجة فيها تمنعك انك تشترى اسلحة من اى مكان انت دولة ذات سيادة... سؤال حضرتك بيوحى اننا كنا فى موقف ضعف و اننا اجبرنا على الاتفاقية وده كلام مش صححيح.... و حتى لو كان موضوع ده اتطرح على السادات اثناء المفاوضات ما اعتقدش ان الداهية اللى لبس سوسو وامريكا العمة يقبل بتدخل زى ده ... السادات كان رجل وطنى جدا و كا كانش هيسمح باملاءات زى دى

و اعتقد ننا بنشترى اسلحة من دول كتيرة فى العالم منهم روسيا واكيد الخبراء اللى فى المنتدى يقدروا يعرفونا ايه الاسلحة والمعدات اللى اشترناها من روسيا و باقى الدول غير امريكا

بس اعتقد ان سبب ااتجاهنا لامريكا ان معظم الاسلحة بتجيلك ببلاش و على رأى المثل " ابو بلاش كتر منه " فليه نتجه اتجاهات هتكلفنا مبالغ رهيبة خصوصا ان الاقتصاد بتاعنا مش قوى و ما يسمحش اننا نضخ مبالغ كبيرة فى عمليات التسليح ... خصوصا ان زى ما قريت فى المنتدى ان روسيا بتطلب فلوس الصفقات كاش عكس امريكا

بالنسبة لموضوع اسرائيل ... زى ما قريت هنا فى المنتدى ان امريكا مش هتصدر ال اف 22 لاى دولة فى العالم..
فأكيد اسرائيل ما عندهاش الاف 22 و كمان سمعت ان ال اف 35 هتجيلها على سنة 2018 و لسه على اما تتظبط و تدخل الخدمة ان شاء الله يكون خبرائنا شافو حل يكسر التفوق ده .... اكيد احنا مش نايمين
طبعا اعذرنى لقلة معلوماتى بس اكيد فى هنا ناس هيفيدوك اكتر منى
حاجة اخيرة ..... اطمن

انا مش اقصد ان مصر كانت مجبورة ان هى تعمل اتفاقية سلام مع سوسو انا كان قصدى فى حاجة

من شروط دعم امريكا لمصر ان هى متشتريش اسلحة من حد تانى يعنى ايه الى ال مخلينا لسه

بنستعمل f16 وفى حاجات احدث موجودة

بس هو ده كان قصد السوال بتاعى

mahmoud kassem كتب:

انا مش اقصد ان مصر كانت مجبورة ان هى تعمل اتفاقية سلام مع سوسو انا كان قصدى فى حاجة

من شروط دعم امريكا لمصر ان هى متشتريش اسلحة من حد تانى يعنى ايه الى ال مخلينا لسه

بنستعمل f16 وفى حاجات احدث موجودة

بس هو ده كان قصد السوال بتاعى

سبب توجه مصر الي امريكا بشكل اساسي ليس بسبب معاهدة او ضغط انما لعدة اسباب منها ان اي صفقة اسلحة تخصم من اموال المعونة ليس من ميزانية الدولة و هذه ميزة
و لو كانت مصر مفروض عليها حظر شراء اسلحة من اي دولة غير امريكا ما كانت مصر تشتري الطائرات الصينية او الغواصات الروسية او مدافع فنلندية الخ..........

سوسو عندها ف15 و ف16 لا تملك ف22 و ف35 لانه سيتم تصديرها تقريبا في 2015/2016 و لكن مع التأخيرات ممكن تصل ل 2020 و لاعتقد انه هذه مشكلة .
و اكرر سلاح الجو ليس كل شيء لانه لو كان هو الحاسم لاكتفت الدول بالطائرات يمكن قصف المطارات بالمدفعية و المدمرات و تدميره و بذلك لن تنفعك مثل ما حصل في العراق. و احنا (المسلمين) معانا اكبر سلاح و هو الله خالق الوجود ( اللّه أكبر فوق كيد المعتدي) .
و شكرا

لو كان كلامك صحيح او حتى يجوز التشكك منه فما كنا اشترينا الميراج بعد المعاهدة ولا الأف 6 و 7 الصينى ولا طائرات النقل من اورانيا و اسبانيا و غيرهم و حتى ال AMX التى ظهرت مؤخراً و هى ايطالية يعنى فى جديد امريكي و شرقى و غربى و دا فى بند الطائرات فقط و ينطبق ايضاً على باقى الافرع بصورة اوسع..... هذا اذا اردت المعلن فقط.

ابسط مثال عقولهولك صفقات المى17 الروسية الكبيرة