تخيل لو اجزاء الكمبيوتر بتاعك بتتكلم

.
.
.
.
.
.
الرامات: إلحقنا يامعلم بروسيسور هانفطس من ام الحر والواد مش بيرحم

البروسيسور: الله يحرق الفيس واللي إخترع الفيس
ماهو طول ماهو قاعد هيء وميء مع دي ودي عمره ماهيزهق طبعا

الكيبورد: كسر جسمي بصوابعه منه لله

الماوس: أومال أنا أقول إيه يا عم الكيب؟؟
دا كل مايشوف بوست بتاع بنت يروح دايس على دماغ أهلي عشان يعملها لايك
بس أنا كاماوس؟ ببقى مبسوط الصراحة:)

الشاشة: شكلك وحش أوي يا ماوس ههههههههههههههههههه

الماوس: خليكي إنتي على جنب دا كل ماتيجي أودامه صورة بنت حلوة يبوسك انتي ولا بتفتحي بوئك بلا مسخرة
لو تكهربيه ونستريح منه؟ أو تفرقعي ف وشه يروح يجيب لاب ويعتقنا؟

الويب كام: أنا بقى اللي مكتوب عليا أبص ف الخلقة دي كل شوية
دا كل مابيفتح فيديو كول ببقى عايزة ألف وشي الناحية التانية

المايك: ولا صوته يا أختتتتتتتتتتتتتي..
دا بيصدع اللي خلفوني وفاكرلي نفسه عبدالحليم حافظ

المازر بورد: محدش سامع صوتك يعني يا هارد؟! دا انت أوس البلاوي كلها

الهارد: بس سبوني ف حالي أنا فيا اللي مكفيني
تدخلوا برتيشن فيا تحسوا انكو ف روتانا سينما
وبرتيشن تحسوا انكوا ف جامع
وبرتيشن تحسوا انكو ف ستاد
ولو دورتو ف الملفات المخفية قلبكوا هايتقطع ع البنات المساكين اللي مش لاقين لبس

السي دي روم: ماتلومش الا نفسك ياهارد

الهارد: وانا أعمل ايه؟؟ أنا اللي بقدر عليه إني أعمله باد سيكتور كل فترة عشان أسقطله ام الويندوز
بتيجي على دماغك إنت ويحط فيك السديهاية ويسطبها تاني، وماينوبناش غير إعادة التعريفات يا عم

الشاشة: يلا ندعي كلنا ان شالله يارب الروتر يولع
ساعتها مش هيبقى في نت ويرحمنا اهالينا

الصب: قلبي عندك يا أختي ههههههههههههههههههههههه

الكيسة: خليك إنت ف الأغاني الهابطة اللي بيخليك تغنيها وانت ذي الجزمة ولا بتفتحى بوقك

الصب: أوباااااااااااا.. ليه الغلط بقى؟!

الشاشة: بس إسكتوا إنتوا هتتخانقوا؟!
اسكتو امة جاية يمكن تنكد عليه وتخليه يقوم يذاكر ويعتقنا

اتخبل

انت مجنون لكي تفكر في هاته الامور هههههههههههههه شكرا لك اخي

تقييم

المصرين رقم 1 بالنكت والهزار والله اطيب ناس واخف دم !! الدم المصري

الدول العربية المتحدة كتب:

المصرين رقم 1 بالنكت والهزار والله اطيب ناس واخف دم !! الدم المصري

العرب بصفة عامة لهم افضل النكت في العالم و لو كان الاخوة يفهمون اللهجة الجزائرية لوضعت تموت من الضحك

كوموندوس بسكرة كتب:

انت مجنون لكي تفكر في هاته الامور هههههههههههههه شكرا لك اخي

مش فاهم "مجنون" دى كويسة ولا وحشة .....
على العموم شكرا لكل اللى مروا على الموضوع و على الردود الجميلة دى.... انا الصراحة حبيت اخرج الناس شوية من المواضيع الجدية اللى فى المنتدى ده
بس واضح ان الفكرة نجحت يعنى ... فان شاء الله احطلكم مواضيع من دى كل فترة والتانية لو تحبوا.

gad 7 كتب:

تقييم

ربنا يكرمك .. فتحت نفسى
اول مرة حد يفكر يدينى تقييم ... " مع انى مش فاهم يعنى ايه تقييم و لزمته ايه بس مش مهم "
طبعا المشرفين عاملين التقيم فى المواضيع العسكرية... بس انا بتمسك فى حقى فى التقييم بتاعك ماليش دعوة اتصرف ..شوف اى رد ليا و اخبطنى تقييم

و شكرا مقدما يا جميل

كوموندوس بسكرة كتب:

الدول العربية المتحدة كتب:

المصرين رقم 1 بالنكت والهزار والله اطيب ناس واخف دم !! الدم المصري

العرب بصفة عامة لهم افضل النكت في العالم و لو كان الاخوة يفهمون اللهجة الجزائرية لوضعت تموت من الضحك