just me هو حضرتك ضابط ؟؟

nemo08 كتب:

just me هو حضرتك ضابط ؟؟

آه يا غالي

طيب انا قدمت السنه الى فانت حربيه وسقطت هيئه عشان الرياضى بتاعى كان ضعيف شويه وناوى اقدم السنه دى تانى باذن الله واهتميت بلياقتى الحمدلله بس خايف شويه من كشف الهيئه وكنت عاوز يعنى النصيحه من حضرتك

nemo08 كتب:

طيب انا قدمت السنه الى فانت حربيه وسقطت هيئه عشان الرياضى بتاعى كان ضعيف شويه وناوى اقدم السنه دى تانى باذن الله واهتميت بلياقتى الحمدلله بس خايف شويه من كشف الهيئه وكنت عاوز يعنى النصيحه من حضرتك

مفيش مشاكل ابعتلي رسالة و إسأل فيها على اللي أنت عايزه و أنا معاك و ربنا يوفقك إن شاء الله.

معلومات جدا استفدت منها
وتفصيلك للموضوع زي العسل
شكرآآآ يا مان

العزة للسودان كتب:

معلومات جدا استفدت منها
وتفصيلك للموضوع زي العسل
شكرآآآ يا مان

الشكر لله يا غالي و كفاية أن الموضوع حاز على إعجابك بس و أهلا بيك في أي وقت.

Just Me كتب:

marshel ahmed كتب:

ازاى يتدرب المظلات على القفز بدون تعليمه كيفية طىء المظلة
لانى قرات الفرقة دى بتكون 7 اسابيع
اسبوعان تدريبات قفز بالصالة المغطاة
اسبوع قفزة بالبرج
اسبوعان طىء المظلة
اسبوعان قفز بالطائرة بمعدل 6 الى 5 قفزة خلالهما
كمان انى قرات شهادة قفز اساسية لاحد الافراد وكان تاريخها
من كانت من 11/1 الى 12/25
وكانت دورة قفز اساسى
اما الحر القفزة التابعة للسيل
كانت من 3/2 الى 3/16
والحرة كانت 6 اسابيع
ثم من غير المعلوم عدد الالوية المظلية او حتى عدد فرق المظلات المصرية
وهل هم اقوى من الصاعقة ام لا

هارد على كلامك ....

أولاً : مش مطلوب إطلاقاً من القافز المظلي أنه يتعلم طي المظلة اللي بيقفز بيها سواء كانت مظلة قفز أساسي أو قفز حر لأنه في وقت العمليات كده كده لما ينزل بالمظلة بألف سلامة على الأرض بيدفن المظلة أو بيفصل نفسه منها و يسيبها إنما مش هايقعد يطوي في المظلة و الدنيا حواليه مولعة و الضرب حواليه في كل مكان.

و في حالة التدريب على القفز - سواء أساسي أو حر برضه - برضه مش مطلوب منه طي المظلة و كل اللي بيعمله القافز أنه بيلم المظلة بتاعته و يسلمها و بيتولى طيها ناس متخصصين في مدرسة المظلات و في جناح لوحده خاص بطي المظلات هناك.

ثانياً : الفرقة زي ما هو موضح في الشهادة 3 أسابيع تقريبا و تقسيمها الصحيح هوه اللي مذكور في الموضوع و الشهادة الموجود صورتها في الموضوع تخصني و سليمة 100 %.

ثالثاً و دي معلومة ليك يعني و لكل الناس ....

دورة القوات الخاصة الاستكشافية أو دورة السيل يعني فيها قفز أساسي في البر و البحر نهاري و ليلي بس و ما فهاش قفز حر أصلاً.

و بالنسبة لعدد الألوية المظلية و عددها فدا مش مهم معرفته ليك لأنه مش هايفيدك بحاجة.

و مفيش حاجة اسمها أقوى من الصاعقة و لا لأ .... دي فرع من القوات الخاصة و ليها شغل معين و دي فرع تاني خالص و ليها شغل مختلف خالص عن الاولانية.

و شكــــــــــــــــــراً .....,,,

[شكرا على الرد والايضاح بس فية حاجة
لو فيه ناس معلقان شارة مظلات مختلفة عن الشارة العادية
وهى مدة القفز المظلى الحر كام اليست 6 اسابيع
وكنت بسال عن عدد المظلات لان كنت بجادل فى عدد فرقهم عشان الطيران اللى هيشيلهم وهل هم عددهم كبير او صغير لانهم مش موجودين فى الشارع زى الصاعقة

marshel ahmed كتب:

[شكرا على الرد والايضاح بس فية حاجة
لو فيه ناس معلقان شارة مظلات مختلفة عن الشارة العادية
وهى مدة القفز المظلى الحر كام اليست 6 اسابيع
وكنت بسال عن عدد المظلات لان كنت بجادل فى عدد فرقهم عشان الطيران اللى هيشيلهم وهل هم عددهم كبير او صغير لانهم مش موجودين فى الشارع زى الصاعقة

بص بالنسبة للشعار فهوه واحد لكن بيكون عليه إضافات ...

يعني دورة القفز الأساسي بتتاخد من 3 قفزات زي ما قولنا و بيكون شعارها المظلة اللي ليها جناحين و اكيد انت عارفه

فيه إضافات بقا على الشعار دا .... نجمة و نجمتين و 3 نجوم على المظلة من فوق و فيه 3 دواير بألوان علم مصر على المظلة من تحت.

ودي كلها بقا ما بيحصلش عليها إلا ظباط و صف ظباط المظلات فقط و تفسيرهم كالآتي :

نجمة واحدة على المظلة من فوق : دي دورة اسمها قادة قفز و بيحصل عليها ظابط صف المظلات أو الظابط لما يتعلم ازاي يقفز مظليين من الطيارة نفسها و الزاي يحسب سرعة الريح و طريقة الاسقاط و امتى يقفز و امتى ما يقفزش و هكذ باختصار يعني فنيات القفز الأساسي.

و المفروض أنه بيقفز 50 قفزة أساسية عشان يتم الدورة دي.

نجمتين على المظلة : بتفيد أن حاملها قفز 100 قفزة أساسية فعلية.

3 نجوم على المظلة : بتفيد أن حاملها قفز 150 قفزة و بيكون ساعتها من معلمي القفز الأساسي لأنه اكتسب خبرة من كتر القفز.

يعني النجمة بــ 50 قفزة.

3 نجوم تحت المظلة : بتفيد أن حاملها حاصل على دورة القفز الحر.

شكرا على الموضوع الجميل ده استمر على ذلك

Just Me كتب:

marshel ahmed كتب:

[شكرا على الرد والايضاح بس فية حاجة
لو فيه ناس معلقان شارة مظلات مختلفة عن الشارة العادية
وهى مدة القفز المظلى الحر كام اليست 6 اسابيع
وكنت بسال عن عدد المظلات لان كنت بجادل فى عدد فرقهم عشان الطيران اللى هيشيلهم وهل هم عددهم كبير او صغير لانهم مش موجودين فى الشارع زى الصاعقة

بص بالنسبة للشعار فهوه واحد لكن بيكون عليه إضافات ...

يعني دورة القفز الأساسي بتتاخد من 3 قفزات زي ما قولنا و بيكون شعارها المظلة اللي ليها جناحين و اكيد انت عارفه

فيه إضافات بقا على الشعار دا .... نجمة و نجمتين و 3 نجوم على المظلة من فوق و فيه 3 دواير بألوان علم مصر على المظلة من تحت.

ودي كلها بقا ما بيحصلش عليها إلا ظباط و صف ظباط المظلات فقط و تفسيرهم كالآتي :

نجمة واحدة على المظلة من فوق : دي دورة اسمها قادة قفز و بيحصل عليها ظابط صف المظلات أو الظابط لما يتعلم ازاي يقفز مظليين من الطيارة نفسها و الزاي يحسب سرعة الريح و طريقة الاسقاط و امتى يقفز و امتى ما يقفزش و هكذ باختصار يعني فنيات القفز الأساسي.

و المفروض أنه بيقفز 50 قفزة أساسية عشان يتم الدورة دي.

نجمتين على المظلة : بتفيد أن حاملها قفز 100 قفزة أساسية فعلية.

3 نجوم على المظلة : بتفيد أن حاملها قفز 150 قفزة و بيكون ساعتها من معلمي القفز الأساسي لأنه اكتسب خبرة من كتر القفز.

يعني النجمة بــ 50 قفزة.

3 نجوم تحت المظلة : بتفيد أن حاملها حاصل على دورة القفز الحر.

ياه 50 قفزة
انا شفت مقارنة بين المظلات الامريكية والمصرية وكان فيها شارات فيها نجمة واتنين وتلاتة زى ما انت قولت
وشكرا ليك

marshel ahmed كتب:

ياه 50 قفزة
انا شفت مقارنة بين المظلات الامريكية والمصرية وكان فيها شارات فيها نجمة واتنين وتلاتة زى ما انت قولت
وشكرا ليك

الشكر لله و أهلا بيك في أي وقت

شكرا يا باشا على المجهود
وانت عرفتنى معلومات ذات فايدة كبيرة
بعد ما كنا بنتعرض لعمليات نخع فى معرفة هكذا اشياء وكل واحد بيكتب بدماغه وخيالة
لذا شكرا ليك اكتير

just ahmed كتب:

شكرا يا باشا على المجهود
وانت عرفتنى معلومات ذات فايدة كبيرة
بعد ما كنا بنتعرض لعمليات نخع فى معرفة هكذا اشياء وكل واحد بيكتب بدماغه وخيالة
لذا شكرا ليك اكتير

الشكر لله يا أخ أحمد و لا اتمنى إلا أني أكون قدمت معلومات مفيدة للناس مش أكتر ...

سلم ايدكـ

معلومات مفيـــدة بجـــد

موضووع جميل ,,,,,, شكرا لك ,,,,,,,,,,, تحياتي