كنت ابحث عن شروط الالتحاق الطبيه بالكليه الجويه و سجلت و عملت موضوع و عقبال ما ردوا عليا كنت قريت نص مواضيع المنتدى و ادمنته

بدأت علاقتى بالقراءة قبل دخولى المدرسة

وأنا فى الخامسة من عمرى فى اواخر الحرب العراقية الايرانية

وتعلمت القراءة عبر تقليد والدى الذى كان يضع رجلا على رجل

ويقرأ الجريدة وعندما قلدته حاولت ان افك الرموز الغريبة التى امامى

أقصد طبعا الكلمات

ومن هنا تعلمت القراءة على انواع المدافع و أنواع الطائرات من قبل دخولى المدرسة

فتحولت الى مجنون حروب

وكنت اضيع مدخراتى على شراء المجلات العسكرية

حيث كان معرض القاهرة للكتاب يعد كنزا ثمينا انتظره كل عام .

ثم فى احدى الايام سجلت فى منتدى الساحات ولكنى كنت غير نشيطا كعضو

اى اننى كنت فقط اتابع احدث المعلومات ولا اعلق

وكان مصدرى الاكبر هو جلوبال سكيورتى

وفى احد الايام لم يفتح معى جلوبال سكيورتى ( مش عارف ليه )

فجائنى المنتدى من هنا عبر بحثى عن الطائرة tu 22

ثم سجلت فى المنتدى فى عام 2007 على ما اتذكر بأسم (سبيتفاير )

لتيمنى بهذة الطائرة عندما رأيت صورة لآثار هجومها على محطة حافلات

تل ابيب فى حرب 48.......ولكونى أعشق السلاح القديم فضلت هذا الاسم

ثم انقطعت عن المنتدى لفترة طويلة و انشغلت طويلا

ثم عدت للمنتدى بعد الثورة ولكنى كنت قد نسيت معرفى القديم

ونسيت كلمة السر بعد ان استغنيت عن اميلى القديم منذ زمن

فقمت بأنشاء معرف ..أعدام ميت لعشقى لموسيقى عمر خيرت .

لامؤاخذة الحكاية كانت طويلة شوية

ســـؤال وجيه
-------

لقد كنت ابحث في google قمت بكتابة كلمة القوات الخاصه المصريه فااا وجدت المنتدى وتجاهلته لانني لا احب المنتديات ومن ثمه بحثت عن كلمات اخرا و المنتدى يظهر بستمرار ف وجدت انه ممتاز للغايه فقمت بالتسجيل فيه

نسر قرطاج كتب:

سأبدأ بنفسي ، أنا تعرفت على المنتدى أول مرة عندما بحثت عن كلمة "arab
army " فظهر لي المنتدى كأول إختيار في البحث فأعجبني وسجلت فيه .

بالضبط.....ومن يوميها وانا حياتي متلخبطه

انا اعشق العسكرية منذ الصغر.....
كانت احلى حاجة وانا فى ابتدائى واعدادى حصة الرسم...لانى كنت بسيب بقيت اصحابى والمدرس " اللى مبيعرفش يرسم اصلا " واقعد ارسم حرب....كل حصص الرسم من ابتدائى لغاية نهاية الاعدادى كانت بالنسبالى انا رسم حرب.......واطلع بقى كل اللى جوايا خصوصا انى كنت برسم كويس.............

زادت اهتماماتى كثيرا فى المرحلة الثانوية خصوصا القادة ...ولبس معايا هتلر شوية...وكنت ببحث عن المعلومات دى على النت....سواء منتديات او موسوعة حرة...
وعجبنى المنتدى ده اوى....خصوصا انه منظم كده ويجذب ...فتابعته سنتين بدون تسجيل...ثم سجلت ولكن ظللت ايضا بدون كتابة مواضيع او انغماس اوى لمدة حوالى 5 شهور او اكتر ثم بدأت الانغماس فى شهر 6 كده....
و صودف ان الفترة دى كانت فترة بدايات ناس مميزين جدا زى رائد وحسام والنقيب محمد وغيرهم....فاستمتعت بالوجود معهم كثيرا............وعلقت من يومها ولا استطيع ترك المنتدى.....

كفاية بقى علشان مطولش...

maiser كتب:

انا اعشق العسكرية منذ الصغر.....
كانت احلى حاجة وانا فى ابتدائى واعدادى حصة الرسم...لانى كنت بسيب بقيت اصحابى والمدرس " اللى مبيعرفش يرسم اصلا " واقعد ارسم حرب....كل حصص الرسم من ابتدائى لغاية نهاية الاعدادى كانت بالنسبالى انا رسم حرب.......واطلع بقى كل اللى جوايا خصوصا انى كنت برسم كويس.............
.

انا زيك كده يا maiser مبعرفش ارسم غير الحرب وموضوع الرسم جالنا فى الاعدادى عن حاجة تانية خالص علشان كده شلت 6 درجات فى الرسم من اصل 20 درجة فى المجموع الكلى

maiser يا ريت تحدد ميعاد نتكلم فيه وتبعته على الخاص بس يكون بعد يوم الجمعة علشان عندى امتحان فى الدرس

اما انا فكنت ابحت عن مواضيع تتكلم عنالجيوش
العربية وامكانياتها في قوقل فضهرت منتدى الجيش العربي وبعد دخولي وجدت ماضيع مميز
ومند دلك الوقت وان مدمن على هدا المنتدى

لأ أنا في الحقيقة قصتي غريبة جدا ....

بدأت من صغري ألاحظ ولعي بالعسكرية و القتال و خصوصا من سن 3 أو 4 كدا و كان السبب افلام حرب أكتوبر كنت بستناها كل سنة زي العيد و افضل لازق للتلفزيون طول اليوم

و بعد مدخلت المدرسة كانت عندي رغبة غريبة للقيادة و كان عندي حلم اني أبني جيش يحتل الحوش كله و الفسحة تمشي من قيادتي و كونت أول عصابة في حياتي بقوام 6 أفراد + مساعد أو دراعي اليمين و كنت فعلا بقودهم بس تخليت عن حلمي النبيل و حولت جيشي لمرتزقة مقابل اكياس الشيبسي و كنت معتادا علي القيام بعمليات سطو علي حقائب زمايلي و الاستيلاء علي غنائمها و اعادة التمركز عشان نفرق الدخيرة و ثبتت في عادة اني أول مشوف نفسي في مراية طويلة في البيت أقوم واقف انتباه من حديد و أدي التحية العسكرية و للأسف العادة دي في لحد دلوقتي بس في الخفاء .

و نسيت حلمي و انشغلت بس دايما كنت بقعد مشدود وقت حصة التاريخ خصوصا الحملات و الحروب المصرية و أول مدخلت الثانوية البريطانية الIG العربي و الدراسات بقوا مواد نجاح فقط زي الدين و رغم كدا انشديت لكتاب أولي ثانوي أوي عن الحروب الفرعونية و بدأت تاني رجوعي لحلمي و بقيت مدمن فيديوهات الجيوش عاليوتيوب و الافلام الوثائقية عن الامبراطورية المصرية و بدأت اقرا عن العسكرية في كتاب كفاحي بتاع هتلر و شوية للعقاد و كتاب عن تكتيكات الالمان في الحرب العالمية الثانية و قصة قديمة لنجيب محفوظ عن معارك رمسيس التاني .

و زي نسر قرطاج كتبت جملة arab army علي جوجل كل شوية يطلعللي المنتدي قمت فاتح موضوع لقيت واحد سوري اسمه سامر888 موجود تقريبا في المنتدي بس مختفي بيشتم في حرب أكتوبر و بيتهمنا للخيانة سجلت مخصوص و دخلت في شمال و خدت أول تحدير في أول مساهمة لي .

و قابلت أكثر ناس بحب أناقشهم في حياتي رائد و مايسر و أمير و بوصراتي و صاعق و انقيب محمد و عربي طبعا بقية الناس اللي عرفتها جت علي مراحل بس دول بدأوا معايا في نفس الوقت و أعجبت جدااا بالمشرف الدرع المصري و تقريبا انا كنت بحفظ اللي بيكتبه بالنص عشان أتعلم و كنت بخاف من جويلي عشان كان دايما بيحدرني بالطرد .

يعني انت زيي يا حسام بتحب التاريخ اهه

بس انا اكثر مرحلة تاريخية حربية بتشدني

هي الحرب العالمية الثانية