drop8519 كتب:

ازاى تعرف المصرى من بين 1000 واحد

- لو سألت سواق تاكس على عنوان وبدل ما يدلك قالك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
...
- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تقابل واحد وتسأله وعمره مايقول "ما أعرفش!" جينيوس مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-. و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده المصرى

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى الواحد (او الواحدة) ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تيجي تدفع الأجرة لواحد أول مرة تعرفه، يحلف عليك تخلي بأه

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته

يبقى انت اكيد تقصد اعظم شعب موجود على الكرة الارضيه... شعب مصر

عندك حق والله ..وهى حاجات جميله ..تحس بالفرق فعلا لو غادرت مصر

ههههههه...موضوع جميل وأكتر حتة عجبتنى بتاعة الضيوف دى علشان حصلت معايا كتيير أوى

هههههههههههههههههههههههه جامده و حقيقه بس ما بنخدش بالنا منها بالمناسبه الموضوع مش فى القسم الصح لأنه مش عسكرى هكلم مشرف ينقله.

قد ايه حبى للبلد دى بيزيد يوم بيوم
بجد نفسى اعمل حاجة علشانها
تسلم على الموضوع وكلامك الجميل عن " ام الدنيا "

...مصر...

السلام عليكم ورحمة الله وبركاته

هههههه والله موضوع عســل عــن بلــد عـــســل مـــن عــضــو عســـل

وغير كده كمان شعب ممكن يتريق على عاداته بس لو واحد حاول يتهكم علينا ياكله
موضوع جميل تسلم يا بوب

Mais c'est bizard ! puisque tous les arabe sont genereux , pour quoi que les egyptiens seulement . je retrouve des cas meme avec des habitude similaire a tous le temps , peut etre notre language qui se deffert mais les principes sont unique mon egyptien

باضبط مثل تصرفات العراقيين

هى دى مصر .... و هما دول المصريين
و بصراحة دى احلى حاجة فينا .... احنا كده
بس انا شايف ان اهم حاجة عندنا هى خفة الدم و الكوميديا اللى فى حياتنا و ما اعتقدش اننا نقدر نعيش من غيرها
انا عندى كمية صور تدخل تحت باب only in egypt بتعبر عن الكوميديا اللى عندنا بس بجد صور عبقرية و مسخرة فى نفس الوقت
انا ناوى اعمل موضوع احط فيه الصور دى بس محتاج حد يشجعنى
ان شاء الله اول ما افضى هأعمل الموضوع ده

sidohiphop كتب:

Mais c'est bizard ! puisque tous les arabe sont genereux , pour quoi que les egyptiens seulement . je retrouve des cas meme avec des habitude similaire a tous le temps , peut etre notre language qui se deffert mais les principes sont unique mon egyptien

مرحبا بك أخي في المنتدى يمنع التحدث بغير اللغة العربية هنا .

ahmed eid كتب:

هى دى مصر .... و هما دول المصريين
و بصراحة دى احلى حاجة فينا .... احنا كده
بس انا شايف ان اهم حاجة عندنا هى خفة الدم و الكوميديا اللى فى حياتنا و ما اعتقدش اننا نقدر نعيش من غيرها
انا عندى كمية صور تدخل تحت باب only in egypt بتعبر عن الكوميديا اللى عندنا بس بجد صور عبقرية و مسخرة فى نفس الوقت
انا ناوى اعمل موضوع احط فيه الصور دى بس محتاج حد يشجعنى
ان شاء الله اول ما افضى هأعمل الموضوع ده

هيا يا اخي انا اول مشجع اعمل موضوع عليها نعم صدك الشعب المصري شعب حلو و خفيف الدم

عاشت بلدى اجمل بلد فى الدنيا