السلام عليكم يا احلى رجالة ...........
انا السؤال ده دار فى دماغى وعايز اتناقش معاكم فيه . انا حاليا بقرأ فى مذكرات الفريق الشاذلى رحمه الله ولفت نظرى نقطة واو عبارة قالها وهى ان مهما الدولة وفرت جو الحرب فى مناوراتها وهيئة ظروف مماثلة لما يحدث فى ميدان المعركة تقبى خوض تجربة الحرب الحقيقة هى افضل وسيلة لتدريب الجنود واستفادة القيادات المختلفة من اخطائها . ودلوقتى احنا شايفين دولة زى اسرائيل دخلت حرب لبنان 1982 وحرب تانية فى لبنان 2006 وحرب غزة 2008 وكل الحروب اللى فاتت ظهرت اخطاء جسيمة من القيادات الاسرائيلية ولكنهم يعملون على تصليحها ومثلا امريكا دخلت حرب فيتنام و عملية عاصفة الصحراء 1991 وبعدها عملية ثعلب الصحراء 1998 وحرب البلقان 1999 وغزو العراق 2003 وعملية فجر الاوديسا فى ليبيا 2011 . وكل الحروب اللى فاتت امريكا استفادت من اخطائها فيها وعملت على تصليحها ولعل اكبر دليل على كلامى موضوع استاذى ((محمد علام)) على الدفاعات الجوية الروسية فبعد ان اثبتت كفائتها فى حرب فيتنام وحرب اكتوبر رأينها تفشل فى التصدى للطائرات الاسرائيلية فى 1982 والتصدى للطائرات الامريكية فى 1991 وحرب البلقان 1999 . وده معناه اننا ادام عدو دائم الدخول فى معارك حربية ولا يكف عن تصليح اخطائه والاستفادة من تجاربه . بينما نحن فى مصر مفتكرش ان احنا دخلنا معركة حقيقية منذ اكتوبر الا عام 1991 واثبت الجيش المصرى فيها كفاءته (( زى مثلا نجاح منظومة امون فى التصدى لصواريخ سكود )) فانا دلوقتى عايز اسأل احنا ازاى قيادتنا فى مصر بتعالج الاخطاء فى الجيش وازاى بنختبر قدرات اسلحتنا وهل المناورات المستمرة التى نجريها كافية للتعلم من الاخطاء ام لا .
ملحوظة : انا مفكرتش فى الموضوع ده غير لانى بتمنى الخير لبلدى وعايزها تبقى احسن بلد فى الدنيا وعايز اعرف ايه العيوب فى جيشها زى ما انا عارف مميزاته وقدرته وكفاءثه وكفاءة قياداته

شكل الموضوع معجبكمش . ماشى يمكن حذف الموضوع