حسين سالم ده المايسترو
حبيب مبارك اللى بيحوشله فلوسه

احكيلى بس بالراحه علشان الموضوع ده غلب المسلسلات التركى

بس قولى الاول الشركه اللى بتستخرج الغاز العقد معها لسنة كااااااام
يعنى كم سنة بس متقوليش لحد 2025 علشان دى ممكن ..

kioo كتب:

kioo كتب:

بلاش
بس لو مصمم عرفنى الاول انت عندك القلب ولا عندك السكر
ولو مش عندك هيجيلك
هى الناس انفجرت من شويا

بص يا سيدى
الكلام عن عقد الغاز المصرى
يول شرحه والحكايات عنه زى قصص ألف ليلة وليلة
من تصدير غاز لأسرائيل بتراب الفلوس للأردن وناس هتزعل منى بس دى الحقيقة وبرضو بتراب الفلوس
أولا كل البلاد اللى عندها غاز بيكفى احتياجها ويفيض بتستهلك اللى عاوزاه وبتصدر الباقى
وبالتالى بتكون بلد مصدر للغاز الطبيعى

لكن سمعت قبل كدا ان فى بلد عندها غاز طبيعى يكفى ويفيض جدا وبتستورد غاز ؟؟؟؟!!!!!!

ما هيش صاعبه الأجابة أنت فى مصر ولكن فى عهد سامح فهمى المهندس الجهبز الفذ اللى ........
كفايه علشان ما شتمش

وفهو مخصص فى سطرين فقط لا غير
أن الشركة المنقبة عن الغاز المصرى هتستخرج الغاز والوحدة الحرارية أياميها كانت 4.5 دولار أمريكى كسعر بيع
والمفروض ولا بلاش
المهم مصر من الاخر كانت بتدى الحق للشركة فى التنقيب فى مكان معين بتحدده ليها ولما الشركة تلاقى غاز تستخرجه وتبيعه لمصر 2 دولار للوحدة الحرارية ولما الناس لطمت غيروا العقد ل 1.3 دولار أمريكى باين
هى دى الفكرة بسيطة وسهلة ولكن مؤثرة
عرفت باه مصر بتستورد غازها أزاى فكرة لولبيه فازه صح

ولما سالوا سامح فهمى أزاى ده قالهم
الناس أصحاب الشركة المنقبة بيتعبوا الله دا ممكن يحفروا البير وبعدين يلاقوه فاضى يردموه ويحفروا غيره
ما تظلموش الناس يا جدعان دا أستثمار (أستحمار للشعب يا حرامى)

عاوزنى أقولك أزاى مصر صدرت الغاز لاسرائيل ودور حسين سالم فى الصفقة
وأزاى كسب 2 مليار دولار باين من غير ما يبيع ممتر غاز واحد
وأزاى كان المستثمر المنقب عن الغاز المصرى يعنى شغل القمر الصناعى المصرى للأبحاث

اسكت ابوس ايدك كفايه انت عكننتنى احلى عكننه على الفجر يا جدعان عايزي تتكلموا فى الحاجات دى خليها رسايل خاصه فى ناس معاكم هيجلها الضغط على السكر على الهوسهوس على كل الى نفسك فيه

انا داخل فرحان من اسم الموضوع خدى دى الذهب المصرى
ينهار فلوس فى الاخر طلعنا مدينين

يا ترى تعليق ابناء مبارك ايه على الكلام ده؟؟؟

THE EGYPTION GHOST كتب:

يا ترى تعليق ابناء مبارك ايه على الكلام ده؟؟؟

اكيد سوزان مستغربة وبتقول / ماله ولا يهناله ؟....!!

تعليقى ==> *****************************

************************************

************************************

************************************

جزاك الله خيرا ياعم kioo
والمفروض يا جماعه ان احنا نوعى الناس بهذه العقود الظالمه المليئه بالرشوه والفساد
لكى نكون راى عام ضد هذه العقود سواء فى الذهب اوالغاز او البترول او المعادن المختلفة الاخرى
ونكون جبهة ضغط على اعضاء مجلس الشعب القادم وكذلك الرئيس القادم من اجل التعامل مع هذه العقود اما بالغائها وتاميم الشركات او استبدالها بشركات وطنيه

واخيرا شكرا لك يااخى kioo وتقيييييييييم لك ++

kioo كتب:

عرابى كتب:

يا نهار دهب امال احنا مش لقيين ناكل ليه

بص يا سيدى
لان الشركة الاسترالية وصاحبها الاسترالى المصرى الاصل
من نصوص العقد أنه بيشتغل فى المنجم ولو صرف 320 مليون دولار معدات
يباه لازم يشغل ويطلع الدهب فى الاول ليه لوحده لغاية ما ياخد 320 مليون دولار
وبعديها يأخد نسبة 60% على ما أفتكر من الانتاج ويدى الدولة 40% بعد خصم تكاليف الانتاج من نسبة الدولة
مش من نسبته دا لما يفضل منها حاجة

تحب أقولك الدولة عملت أيه لما جات تحسن العقد وأتصرفت فى نسبة الدولة أزاى
فقط لو عاوز يتحرق دمك ماشى أقولك !!!!!!

صدقني ما عايز احرق دمكوا بس بابا كان المستشار القانوني بتاع واحد من الشركاء بتوع الشركة دي و الشريك ا انسحب في فترة بسبب اللي فيها و ليها فضايح فساد كثير جدا بابا بيقولي خصوصا ان كان واحد من الشركاء او المؤسسين كان ضابط لكن مش مصري حاجة كدا كان هو سر البلاوي و الفساد كله و لو عايزنلي اعرفلكم اي حاجة ممكن اسأل والدي اللي الحمد لله افتخر انه شال ايده من الشركة دي ... و يا معلم انت عكست النسب الدولة بتاخد 60% و الشركة 40% تقريبا ,, عموما زي مقلت اي حاجة عايزين تعرفوها هحاول اجبهالكوا من الحج .