دى اسئله مراجعه نهائيه فى شويه مواد هتلاقوها فى الامتحان صحصح كويس



صعيدة وزنه 85 كيلو جرام بالجلباب،ألقى بنفسه من فوق برج الحزيرة،فارتطم بالارض بعد 5 ثوانى،استغرق 10ثوانى أخرى فى النهوض وتنفيض الجلباب ...احسب المسافة بين البرج والارض وتاريخ انتاج الصعيدى؟؟
-----------------------------------------------------------------
اختر الاجابة من بين القوسين:
-------------
من قائل هذا البيت...((الليل و الخيل والبيداءتعرفنى..الخ.الخ..))
(ابو النمرس -- ابوتريكة -- ابو الطيب المتنبى).
-----------------------------------------------------------------
سافرت مع اسرتك الى بوركينا فاسو،والمسافة بين القاهرة وبوركينا فاسو
5الاف كيلو مترات....واذا كانت الطائرة تسير بسرعة 300كيلو متر فى الساعة ..فما لون شراب المضيفة؟
-----------------------------------------------------------------
المثلث أ ب ج داخل دائرة قطرها 10 سم ،وفية ا ب =4سم ،ب ج=3سم ،ا ج =7سم..
.انظر الى مركز الدائرة وهات محيط وسط هيفاء وهبى .... ((يسمح بأستخدام ال [dvd]...
-----------------------------------------------------------------
للمستوى الرفيع :
-------
وقف طالب الازهرى امام شيئين مختلفين فى الشكل والخامة والغرض من استخدامهما ولكنهما يشتركان فى المسمى ...شرب الطالب الازهرى احداهما ولبس الاخرى ..فما هما؟؟؟
- فى هذة البرشامة يوجد الحل وهو : الكاكولا !.
-----------------------------------------------------------------
القواعد النحوية:
-------
((حضرت احدى الراقصات حفل مدرسة ثانوية بمناسبة نهاية العام الدراسى ،و رغم انها رقصت على موسيقى العنب ، الا انها رقصت عشرة بلدى وعشرة بسرة )).
1.اوزن ماتحتة خط .
2.استخج من الفقرة السابقة :فعل ماضى - فعل فاضح...
-----------------------------------------------------------------
على ضوء قرارات الامم المتحدة بضرورة تحقيق السلام فى الشرق الاوسط .. تحدث باستفاضة عن المواقف الاتية:
((موقف السلام - موقف عبود - موقف احمد حلمى )).
-----------------------------------------------------------------
اقتصاد .. اجب عن السؤال الاتى:
---------------
قالت دراسة للدكتور سيد فهمى عالم الاجتماع الشهير ان الحشاشين يستهلكون 50 طنا من المخدرات سنويا .. من واقع الدراسة المذكورة اجب عن الاتى :
1.هات معدل استهلاك اليومى من واقع احصائية الغرز.
2.كيف يمكن رفع معدلات انتاج مصانع المعسل لمواكبة الزيادة المذكورة دون الاعتماد على الاستيراد ؟.
3.حدد بدقة وامانة .. الـ50 طن حشيش المذكورين يعملوا كام حجر ؟!.
-----------------------------------------------------------------
اختر الاجابة الصحيحة:
----------
فاز الزمالك بالكأس ((بطلوع الاهلى - بطلوع الاسماعيلى - بطلوع الروح )).
-----------------------------------------------------------------
إمتحان الرسم
- ارسم ولون قميص شعبان عبد الرحيم مستخدما
فرشة الجير فقط[/size]



انشاء الله هنشوفك السنة الجاية ياباشا
الامتحان: اللغة العربية
وقت الاجابة : خلص نفسك و اجري
التاريخ 20/6/2880
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
[/size][/size]
هذاالامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك))وبف بف قاتل الناموس
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة1: هذه الأسئلة لا علاقة لها بمسابقة - مـن سيـربـح المـلـيـون –
ملاحظة2: عجلة الجاذبية 9.8 ( في حالة انكحبيت تنط من الشباك )
ملاحظة3: يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))


السؤال الأول (درجة20 )
قال كاظم الساهر معبرا عن مشاعره و أشواقه، وواصفا محبوبتة :
1- نزلت للبحــــر تتشمـــس الحلــــوة رفقــــا بالبشـــر بنــت حــــــــوا
2- نـزلت لبحــــر يا محــــلا مشيتـــها أنــــا و البـحـــر (نـتـمنى لمســــتـهـا)
3- موسيـقى بـيتـهـوفن عيــني يا ضـحكـتـها غزالــة عــالرمل (و بدلــع تتـلـــــــوى)
4- عـروس و تـريـد أمـي و سـيـدة لـبـيــتـي و علـى أيــدك أريــد اخــتـم عـزوبــتـي
5- أنـا قـصـدي شريـف و صـادقـة نـيـتـــي سكـتـي و السكـوت مــن الـرضـا هـــــو

الأسئلة:
1- اشرح الآبيات الخمسة الأخيرة فقط من النص بما لا يقل عن 90 سطرا باختصار شديد ( درجات9)
2- لماذا أكد الشاعر على القصد الشريف و النية الصادقة ، و علام يدل سكوت المحبوبة؟ ( درجات3)
3- أعرب ما تحته خط إعراب دبكات، و ما بين قوسين إعراب فيدو كليب
(3 درجات)
4- استخرج من البيت الثالث صورتين فوريتين مبينا نوع الكاميرا

(3 درجات)
5- ما هي صفات العروس التي تريدها ام الشاعر
(2 درجة)

كدا كدا مش هديك دراجته فخش على التانى على طول

مساحة خالية للإعلان : واحد اتنين .. الجيش العربي فين

[/size]-------------------------------------------------------------------------


السؤال الثاني ( 8 درجات )

أعط أسباب ما يلي مع شرح وافي (إذا ما لقيت وافي، من يجي سلملي عليه) :
1- تم نقل السوق المالي إلى سوق السمك ؟
(2 درجة)
2- إقبال المشاهدين على قناة الجزيرة الإخبارية؟
(2 درجة)
3- إغلاق شبكة الأخبار Pnn بعد زواج شارون ستون ؟

(2 درجة)

4-إقبال الناس الى شراءنوكيا 9990 و عدم شراء نوكيا 9900 ؟ (2 علامة)

5-أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2علامة)

*** أخي الممتحن أقلب الصفحة: وعلى الطلاق لتندم عالساعة اللي دخلت فيها المدرسة ***

--------------------------------------------------------------------------
انتظرونا لغايت ما الة التصوير تلحق تتطبع الورق

النص التانى جيه من الامتحان
-----------------------------------------------------------------------

السؤال الثالث –اختياري- (5 علامات)

اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنيةرقم - 966504 - في سيارة نقل القاهرة رقم - 125986 - ؟

( ورد ذكراسم هذا الرجل في اكثر من مسلسل تليفزيوني )؟ (5 علامات)
==================================================

فاصلإعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهايةالوقت المحدد للإمتحان ))

==================================================
السؤال الرابع (8علامات) ==================================================
ورد في قناةروتانا فيديو كليب " ليلي نهاري " للمخرج كاميرون كايسي و غناء عمرو دياب :

" احكيلك ايه خلاص ما انت شايف من غير ما اقول اكيد انت عارفكلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================

1-ماذا كانيريد ان يقول عمرو دياب للمزة ؟ (4 علامات)

2- ما نوع الكنبةاللي كان قاعد عليها عمرو في الاغنية , و ما إسم عامل السفنج في المصنع ( معالتوضيح ) ؟ (2 علامة)

3- ما اسم صبي الخياط بتاع ام الموديلاللي كانت مع عمرو في الكليب ؟ (2 علامة)

=============================================== == =

السؤال الخامس (20 علامة)

==================================================

موضوع تعبير متسالش هو موجود تحت كدا ليه هو كدا فرده

قال أحدهم: " حسن زعبولا .. ماشي بيتسالا .. محندق الجاكيتهو بيتعايق بالقلة "

أكتب نبذه عن حياة ابو حسن زعبولا (( الحاجزعبولا )) و اذكر 3 اسباب عن سبب انفصال الحاج زعبولا عن هندامة (( زوجته الاولى )) (20 علامة)
==================================================

بيبسي كولا

المشروب الرسمي لهذا الامتحان

==================================================

*** أخي الممتحن أقلب الصفحة أحسنلك (( اصلك مش عارف اللي فيها )) ***
==================================================
السؤال السادس ( 19 علامة )

==================================================

اجب عن أربعة فقط من الأسئلة التالية

==================================================

1- ما رأيكبتصرفات " رفيع " و " فرحة " في مسلسل الضوء الشارد ؟ (5 علامات)

مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاحمطعم ( تيتو )

2- ما رأيك بموقف "حسام" من "سرية" في مسلسل الحقيقة و السراب ؟ (5 علامات)


3- من برأيك أقوى وأفضل بوكيمون - هل هو – بيكاتشو ؟؟؟ (5علامات)

4 – اذكر أسماء أبطال كابتن ماجد، معبيان فريق كل منهم. وما عدد الأهداف التي سجلها الكابتن ماجد

فيكأس العالم الأخيرة في كوريا و اليابان 2002. (4علامات)
=============================================== == =

عرض موبينيل الجديد من سمعان أبو رنه ، اشتري كارت ب330 جنيه و احصلعلى نص جنيه في الرصيد مجاناً

==================================================
سؤال المساعدة ( لرفع العلامة ) ( 20 علامة)
و ملهوش لازمة اساساً

================================================== أ – اذكرأسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عددالسنوات التي ترأسوا فيها البلدية
أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء[/size]
انتهت الاسئله هشوفك الدور التانى مع بعضينا متقلقش

معادنا المره الجايه مع امتحان الفيزياء والرياضه ههههههههههه

هههههههههه لا دى نص كوم

ايه يا جدعان فين الردود دا لسه فى نموذج امتحان الفيزياء وصوره لورقه واحد ممتحن رياضه فين الردود ولا المواضيع اللى زيى دى مبتعجبكمش

حماده كتب:

موضوع ظريف يا باشا
مشكور علي المجهود
بس يا ريت تبعد عن الصعايده لانهم كتير في المنتدي
وحبايبي كمان

ربنا يخليك يا باشا متقلق الصعايده حبايبنا بمناسبه الصعايده بيقولك مره واحد صعيدى هههههههههه ولا اقولك بلاش

fiter_f22 كتب:

أمتحان سهل أوى أنا حليتة فى ثانية


عاوزين ألى بعده مع العلم أنى مخلص ثانوى بقالى سنين بس مش مشكلة أحتمال أعيدها تانى

هههههههههههههههههه شاطر استنى النتيجه
كلنا مخلصين ثانويه عامه انا عن نفسى خلصتها من 3 سنين وشويه وربنا يستر من النتيجه عشان الدكاتره دلعتنا اوى هههه ربنا يخدك يا بتاع الشبكات ((قولوه امين))

مشكور ولكن ابتعد عن اسم مصر حتى ولو كان بالمزاح لانك من الممكن ان تحدث ضرر بسمعة التعليم فى مصر

ايمن ابو الدهب كتب:

مشكور ولكن ابتعد عن اسم مصر حتى ولو كان بالمزاح لانك من الممكن ان تحدث ضرر بسمعة التعليم فى مصر

اظن الكل فهم انه يمزح و لا داعي لذلك .هذه وجهة نظري فقط .شكرا على الموضوع يا باشا