بسم الله الرحمن الرحيم.

كيفكم اصدقائي.

في البدايه اسمحولي ان اتكلم بالعاميه في الموضوع ده.

وانا هخش في الموضوع علاطول.

انا الحمد لله السنادي كنت ثانويه عامه ونجحت الحمد لله وجبت مجموع كويس .

وزيي زي كتير من الشباب كنت فاكر انه بعد الثانويه والضغط الكبير اللي فيها وشدة الاعصاب اني هرتاح بس فوجئت ولقيت انه حتى بعد لما خلصت راسي بردو فضلت تعبانه ومشغوله لاني لقيت نفسي مضطر اختار الكليه اللي هتحدد مستقبلي ان شاء الله وهنا جاءت المشكله 

الواحد مش عارف يدخل ايه 

وعشان تكونوا في الصوره انا مجموعي الحمد لله يدخلني صيدلة او هندسه وكمان ممكن طب ان شاء الله.

طبعا طب انا مستبعده لاني مش شايف ان له مستقبل في مصر ومحتار جدا بين الهندسه والصيدله ومش عارف اختار مين فيهم.

طبعا انا من المنصوره بس فكرت ادخل هندسة السويس او القاهره عشان لو ربنا وفقني وجبت تقدير كويس في سنة اعدادي اقدر ادخل قسم هندسة البترول والمعادن بس الموضوع ليه ابعاد تانيه ما كنتش اعرفها ونظام فلوس ومش عارف ايه.

المهم رجع وجع الدماغ تاني ومحتار جدا بين الهندسه والصيدله.

فبتمنى من اللي عندهم خبره في الحاجات دي يساعدوني ويقولوي ايه المتاح في دي وايه المتاح في دي وانهي كليه اللي بتتيحلك مجالات عمل اكتر وبدخل كويس ان شاء الله والطلب على خريجينها كبير.

ياريت يا جماعه تساعدوني لاني فعلا مش عارف اعمل ايه ومتردد جدا.

تحياتي.

على فكره يا جماعه انا اصلا مقيم في السعوديه يعني دراستي كانت فيها.

كمان كنت عايز اعرف على وجه الخصوص بالنسبه للاقسام العلميه في كلية الهندسه جامعة المنصوره ايه هي التقديرات المطلوبه لكل قسم.وخاصة الهندسه المدنيه وكمان والاهم هندسة الالكترونيات والاتصالات لاني سامع ان مستقبلها حلو جدا.

ولله يا جماعه انا شاكر ليكم جدا مساعدتكم ليا.

بس كنت عايز اقول كام حاجه.

بالنسبه لتساؤلك يا دكتور احمد فانا زي ما قلتلك اني بدرس في السعوديه يعني بدرس كل المواد اللي بتاهلني لدخول الطب او الهندسه او الصيدله يعني بمعنى اصح انا تقدر تقول بدل علمي رياضيات وعلمي علوم انا بقه علمي كله.

بالنسبه للطب فانا بصراحه متفق معاك خصوصا ان الاساسي بتاعه بقه 6 سنين وبصراحه كده المستقبل فيه للي معاه ماجستير مش اقل ومش كل من فتح عياده بيكسب وبعدين بهدله على الفاضي ونسيت اقولك انهم شالوا التكليف اصلا من الطب.

انا اللي قدامي واللي العيله كلها عايزاني ادخله هو الهندسه او الصيدله وجزء كبير بيفضلوا الصيدله.

وبالنسبه لكلامك يا تانجوسكا وانا فعلا اتفاجئت ان ده عمرك بس ليا كلام معاك بعدين 
فالهندسه بسمع ان مستقبلها حلو الحمد لله بس مش في كل التخصصات.

بالنسبه لكلام يا استاذ رلانتليس فانا زي ما قلتلك ان اللي قدامي هو الصيدله والهندسه وانا متاكد من ان العيله مش هتسمح اني ادخل واحد من التخصصات التانيه دي لان زي ما انت عارف دي كليات درجه تانيه او حتى تالته.والواحد بردو لازم يدور على الكليه اللي تحققله دخل كويس باذن الله وكمان مركز مرموق في المجتمع.

بالتأكيد انت أدرى لكن ما أراه بصراحة هو أن لى أقارب أطباء يسافرون دائما على حساب شركات الأدوية لحضور مؤتمرات و ما شابه ... ثانيا بيحققوا دخول عالية ما شاء الله ...
و طبعا أنا بتكلم على لاعمل الخاص ... لأن الحكومة بتابض ملالييييييم .......
بس انا بقولك على النماذج إلى شفتها ... و أطباء بعياداة و أتنين و الفيسيتا بتوصل ل250 جنيه
و بكرر الحكومة مش بتأكل عيش
فأنا مش عارف بقى الأطباء عاملين إزاى فى الحكومة و المحافظات ....
و أكيد حضرتك أدرى بالبيحصل لأنك حضرتك طبيب ...
أناعن نفسى لسه فى تانية عمارة و متفائل .... لسه متصدمتش بالواقع ..
بس حضرتك مش معايا برضه؟؟ إن TopAce يدخل ما يهواه نفسه و يسيبة من كلام الناس؟؟؟

ولله يا بشمهندس لو جيت للحق انا نفسي ادخل هندسه بس في نفس الوقت الواحد متردد بشان المناهج والمقررات وكمان القسم اللي عليه الاقبال.

ماهو الواحد بردو لازم ياخد بالاسباب عشان رنا يوفقه