السلام عليكم
انا عضوه جديده في المنتدي كنت عايزه اسئل شويه اسئله لان اخويا محتاج معلومات عشان هو عايز يتطوع بالاعاديه هو 15 سنه.
وعايزه اعرف ايه مميزات وعيوب انه يتطوع ف الجيش ؟
وهو بعد كده هيكون ايه ؟
وينفع يدخل الكليه الحرييه او ايه ؟
والمدارس العسكريه احسن ولا التطويع ف الجيش ؟
يا ريت حد يفيدني بسررررررررررعه

بصى هو لو يقدم فى الكليات العسكريه (الحربيه-البحريه - الجويه -الفنيه العسكريه - الدفاع الجوى) بعد الثانوى هيبقه احسن لأنو دلوقت طبعا لو اطوع مش هيدخل الكليه الحربيه ومش هيبقه ظابط بمعنى انو هيجيب الرتب من اول جندى وعريف وصول وهكذا ..... وهيبقه برتيه ظابط ملازم لما يبقه عندو مثلا 50 سنه فى حين انو لو اتخرج من الكليه الحربيه او الكليات العسكريه الاخرى الى ذكرتهم هيبقه ظابط برتيه ملازم علطول وهو عندو 22 سنه مثلا
ده كلو العيوب اما المزايا انو هيتعامل زى افراد القوات المسلحه وياخد مرتب وليه حق العلاج فى المستشفيات التابعه للجيش زى اى فرد تابع للقوات المسلحه
اتمنى انى اكون افدتك

اه شكرا بس هو لو دخل ثانوي عسكري هيتاهل للكليات العسكريه ولو اه اقرب مدرسه لمحافظه القليوبيه ايه

اميره كتب:

اه شكرا بس هو لو دخل ثانوي عسكري هيتاهل للكليات العسكريه ولو اه اقرب مدرسه لمحافظه القليوبيه ايه

الثانويه العسكريه هى اسم شرفى فقط + ان فى حصه اسمها عسكريع ودى حصه شكليه المدارس الثانويه التابعه للجيش هى المؤسسه العسكريه ودى معموله للمتفوقين فى الالعاب الرياضيه بس ودى فروعها الهايكستب واسيوط واسماعليه ومعظم مدارس الثانويه العامه اسمها الثانويه العسكريه زى السعيديه العسكريه كده

بس الاحسن انه مش يطوع عشان هيتعب لو هو مش بيذاكر مثلا ممكن يدخل تعليم فنى ويدخل المعهد الفنى ويبقا ظابط بردو