بسم الله الرحمن الرحيم

انا جبت السنة دي في 2 ثانوي ما يقرب من 60% وكنت عايز اقدم شرطة وسمعت ان الشرطة مجموعها بقي 70% فهل استطيع ان اجيب مجموعها لو ذاكرت كويس في 3 وانا كدة كدة هحول ادبي فهيكون اسهل ؟ ارجو الرد

والله ممكن شد حيلك انت بس وممكن كمان التنسيق ينزل السنة الجايه

مش هينزل علشان في كتير اوي جايبين اقل من 70 انا لو ذاكرت ممكن اعرف اجيب 75 في مجموع السنتين

نصيحه منى متحولش ادبى لان لو حولت ادبى هتاخد تاريخ وده لوحده مصيبه لكن لو مش هتاخد تاريخ حول ادبى

ممكن او على فكره تالته ثانوى ادبى سهله اوى بس عاوزه الى يذاكر انا عن نفسى شديت حيلى فيها وجبت 90% مع ان مجموعى فى تانيه كان قليل شد حيلك انت بس والله والكلام الى بقلهولك ده حقيقى فعلا تالته سنه مجموع وحتى لو خت تاريخ فهو لذيذ ومش بعبع يعنى

ahmedsalah95 كتب:

نصيحه منى متحولش ادبى لان لو حولت ادبى هتاخد تاريخ وده لوحده مصيبه لكن لو مش هتاخد تاريخ حول ادبى

اهو ارحم من الفيزياء والرياضة 2 والاحياء وبعدين مجموعي قليل اوي انا مش عارف جبت الدرجة دي ازاي

nemo08 كتب:

ممكن او على فكره تالته ثانوى ادبى سهله اوى بس عاوزه الى يذاكر انا عن نفسى شديت حيلى فيها وجبت 90% مع ان مجموعى فى تانيه كان قليل شد حيلك انت بس والله والكلام الى بقلهولك ده حقيقى فعلا تالته سنه مجموع وحتى لو خت تاريخ فهو لذيذ ومش بعبع يعنى

كنت جايب كام في 2

انا اهم حاجة اعرف اجيب فوق السبعين وخلاص

panzer000 كتب:

انا اهم حاجة اعرف اجيب فوق السبعين وخلاص

طبعا لازم تحول ادبي ..اذا كونت معرفتش تمشي في الكيمياء هتمشي في الفيزياء والرياضه 2
الي ميجبش مجموع في تانيه وهو علمي يبقي ميوله مش علميه ..انت تلاقيك بتعرف تحفظ كويس والموضوع ده هيساعدك في التاريخ والفلسفه والاقتصاد والحاجات دي

انا جبت في تانيه 65 ..وحولت ادبي وجبت 93
حول ادبي وشد علي نفسك شويه في تالته وربنا يوفقك انشاء الله وتتعدي ال 70 وتدخل شرطه او اي كليه انت عايزها

بس المشكلة انوا لو حول ادبى فى تالتا ثانوى هياخد منهج تانية ثانوى الأدبى زيادة على منهجه فى تالته ثانوى

أحمد سامح الديب كتب:

بس المشكلة انوا لو حول ادبى فى تالتا ثانوى هياخد منهج تانية ثانوى الأدبى زيادة على منهجه فى تالته ثانوى

تاريخ بس ..وانا معتقدش انه هيبقي صعب اوي يعني ...عادي والله لو شد علي نفسه شويه بس هيجيب مجموع كويس ويعوض
وهو علي فكره لازم يشد شويه عشان ميندمش طول حياته ..دي بالنسباله اخر فرصه ((((يكون او لا يكون ))))

لو هتعرف تجيب أكتر 80% في تالتة ثانوي علمي يبقى كده تمام بس الأفضل تحول أدبي لأن الرياضة 2 والفيزياء مواد تقيلة وناس كتير حولت أدبي ورفعت مجموعها جامد وربنا يوفقك ويوفق الجميع

[quote="egy.police"]

أحمد سامح الديب كتب:

بس المشكلة انوا لو حول ادبى فى تالتا ثانوى هياخد منهج تانية ثانوى الأدبى زيادة على منهجه فى تالته ثانوى

تاريخ بس ..وانا معتقدش انه هيبقي صعب اوي يعني ...عادي والله لو شد علي نفسه شويه بس هيجيب مجموع كويس ويعوض
وهو علي فكره لازم يشد شويه عشان ميندمش طول حياته ..دي بالنسباله اخر فرصه ((((يكون او لا يكون ))))[/quote

انا عارف ان دي فرصتي الاخيرة ان ادخل كلية الشرطة انا هضغط علي نفسي في المذاكرة جامد علشان دة مستقبلي وشكرا للرد