يا جماعه معلش سؤال صغير دلوقتى انا عندى حول بازدواج فى الرؤيه لما ببص ناحيه الشمال وده نتيجه مضاعافات عمليتين عملتهم فى عينى وكمان من مضاعفات العمليه انه مع الارهاق واحمرار العين لفتره بتحصلى زغلله فى مجال الرؤيه كله طبعا الدكتور فى الكشف الطبى ما ادانيش اى فرصه اقوله اى حاجه يا دوبك وريته الحول وبس وادانى لائق ب المهم انا هقدم تظلم ان شاء الله بس عايز اعرف منك هى الحاله دى تخرج ولا لا ؟ وفى اللجنه العليا هل هخش للدكتور لوحدى ويدينى فرصه اشرحله وهيكشف ويتاكد من كلامى ولا هتركوت زى الهايكستب ؟؟؟؟؟؟؟ واسف على الاطاله

الأسئلة توضع فى قسم الاستفسارات العسكرية

طيب اسف مكنتش اعرف ان مكانه غلط

للسف مش هينفع ..لازم تبقي علي الفرازه .
وبعدين انت بتقدم ازاي وانت سنك 22 سنه !!!!!! ..لازم يبقي سن الطالب في اول سنه دراسيه لا يزيد عن 21 سنه

عادى انا بقدم لما اخلص كليه مش شرط سن معين ومعلش انت موضحتش بالظبط هو ايه الى مش هينفع علشان مفهمتكش

في الكشف الطبي بيحطوك علي جهاز eritcal equilizer ...وده من خلاله بيعرف ازا كان في اي حاجه في العين ..وناس كتير طلعت بسببه ..ايام ما قدمت ...والجهاز ده بيطلعلك اسباب غريبه ..يعني مثلا واحد صاحبي ..طلع في كشف العين ..عشان عنده تفلطح في بؤبؤ العين اليمني ...تسالني ايه ده اقولك معرفش.
بس بردو لازم تقدم يمكن تطلع مين عارف ...وانا اسف مكنتش اعرف انك هتقدم ظابط متخصص

لا عادى يا باشا وكويس انك طمنتنى بوجود الجهاز ده علشان انا فعلا عندى مشكله فى العين وعايزهم يصدقونى بالجهاز ده هما هيشوفوا بنفسهم طيب معلش بالنسبه للعرض على الطبيب فى اللجنه العليا هل بخش لوحدى ولا بنبقى مجموعه ؟؟؟؟ وهيدينى فرصه اتكلم ولا ايه ؟؟؟

في اللجنه العليا ..بيدخل 3 كل مره ..لكن لو العدد بره كتير اوي بيدخل 5 وساعات 6 حسب معلوماتي

اه طيب معلش اخر حاجه ال 3 او ال5 بيبقى مع كل واحد دكتور لا هو دكتور واحد بيبقى قاعد مع الكل ؟

ياريت يا جماعه لو حاد راح اللجنه العليا قريب يحيكيلى ايه الى بيحصل هناك علشان بس ارتب امورى وشكرا لكم

mustafamuha كتب:

اه طيب معلش اخر حاجه ال 3 او ال5 بيبقى مع كل واحد دكتور لا هو دكتور واحد بيبقى قاعد مع الكل ؟

3 مع كل دكتور ..وبيعد يتكلم مع كل واحد 3 او 4 دقايق

egy.police كتب:

mustafamuha كتب:

اه طيب معلش اخر حاجه ال 3 او ال5 بيبقى مع كل واحد دكتور لا هو دكتور واحد بيبقى قاعد مع الكل ؟

3 مع كل دكتور ..وبيعد يتكلم مع كل واحد 3 او 4 دقايق

متشكر يا باشا انت كده طمنتنى ان شاء الله مش احتاج اكتر من دقيقه اشرحله فيها حالتى

طب معلش سؤال اخير يا جماعه هو هندسه قسم قوى والالات بيخش الارجه ولا لا ؟