حبيت اخدم اخواتى فى المنتدى وكل من يـريد الدخول الى الكلية الجوية وهو امل كثير من الشباب ولكن يقلق من صعوبة الاختبارات

اولاً كل ماعليك النجاح فى الثانوية العامة وان يكون نظلك 6/6

ولكن انا نظرى اقل من هذا
بسيطة لو لبس نظارة او حاطط عدسات اعمل الليزك اولاً

تعمل كل يوم كامدات بشاشة سخنة على عينك الاتنين ولو عين ضعيفة عن عين اربط العين القوية لمدة ساعة كل يوم وركز نظرك على العين الضعيفة وفى اوقات السجود افتح عينك فهذا الحركة الربنية الذى ارزقنا بها الله تقوى النظر وهذا الموضوع تعمله على قد ماتقدر

ثانيا التقدم الى الكلية انت هتروح اى كلية هيكون نظرك 6/6 ستتحول الى الكلية الجوية

قفزة الثقة هى من اقصى مرحلة فيها 15 متر متقلقش خالص تقف مستقيم ايدك جامبك متتحركش ماتبصش لتحت نهائى وانت نازل غمض عينك سمى الله وتوكل عليه وقم بالقفز ولاتقلق من الغرق وماتفتحش فمك وانت نازل وان شاء الله تنجح فيها وياريت تكون مدرب عليها قبل كده ولو حتى من مسافة 3 متر

ثالثا استعد للجرى كويس جدا هتجرى كيلو ونصف فى 10 دقائق فقط تعود على الجرى مبدائيا وباقصى سرعة طبعا مش هتعرف تجرى فى الثانوية عشان المذاكرة لا ينفع يوم واحد فى الاسبوع اجرى فيه هيزيد الجرى كل اسبوع فى المسافة والوقت هيكون ااقل لو تقدر تجيب ماشية جرى عشان الوقت

رابعا الضغط الجوى الضغط الجوى مش بايدك اه لكن ممكن فى حاجة تسعدك تتحمله اغطس كتير فى المياه وياريت لو مياه ملحة عشان تنضم الاذن من الميكروبات الذى لاتتحملها الضغط الجوى واللبان بيحل الوضع داخل الطائرة لكن اعتقد مينفعش دخ فى طائرة حربية وبالذات مقاتلة

خامساً التدريبات الرياضية لو حد مش بيعرف يلعب ضغط ياكل فسفور كتير زى اكل البحر كده اسماك - جمبرى وخضروات وبيض مسلوق يساعد كثير على تحمل لعب الضغط والعقلة والبدء تدريجيا وبمساعدة اشخاص حتى الوصول الى 40 مرة والعقلة كذلك باستثناء انك تجيب عقلة فى البيت وتدرب عليها وتمارين البط سهلة متقلقش
وبالتوفيق وان شاء الله تدخلها لو نفسك فيها

وسادساً هتدخل مرحلة ياختباره فيها انت بدوخ ولا لا لو راكبت ديسكفرى فى دريم بارك تبقا هتنجح حاول تمسك اعصابك ومتخفش واعتبر نفسك فى الطيارة ولو حصل حاجة هتقفز بالمظلة

امل ان لو الموضوع عجب الناس والمشرفين ان يتم تثبيته اقسم بالله ما عشانى ولكن عشان الناس تلقيه بسهولة

الموضوع شكله وحش ولا هو طلع من المواضيع بدرى

لا ليس موضوع سيئ شكرا على المعومات تقييم ++

ali bassim كتب:

لا ليس موضوع سيئ شكرا على المعومات تقييم ++

شكرا اخى

shark_F-16 كتب:

هو موضوع مش وحش و فيه نصائح مفيده لكن عندنا في الأمارات

عشان تكون طيار حربي للأسف تحتاج الى فيتامين " و"

و أعتقد أنك فاهمني

للاسف كانا كده قبل الثورة

أحمد سامح الديب كتب:

انا الحمد لله لا ينقسنى سوى العقلة و اكون جاهز اما التظر و الضغط لا اعرف

مبتعرفش تلعب ضغط وهتدخل ازاى طيب

طيب أنا أسمع أن الليزك لا يقبل

semsem55 كتب:

طيب أنا أسمع أن الليزك لا يقبل

في عملية ليزر اسمهاprk فى عقيد فى البحرية قال انها بتتقبل

semsem55 كتب:

طيب أنا أسمع أن الليزك لا يقبل

الليزك مايقويش النظر عموما ولكن يخليك تشوف كويس من غيرها وهى مش لازمة يعنى

لسه فيه كوسه ولا خلصت

elbadry1985 كتب:

لسه فيه كوسه ولا خلصت

الجوية بالذات مفيهاش كوسة لان بيلقى واحد من الف 80 بيتقبلو من 100 الف او اكتر