zatouna
عمـــيد
الـبلد : 
التسجيل : 05/03/2009
عدد المساهمات : 1685
معدل النشاط : 1603
التقييم : 82
الدبـــابة : 
الطـــائرة : 
المروحية : 
|  موضوع: من اجمل اشعار عبد الرحمن الابنودي في نعي جمال عبد الناصر بمناسبة مرور 42 علي رحيله  السبت 29 سبتمبر 2012 - 1:53 | |
| بمناسبة مرور 42 عام علي رحيل جمال عبد الناصر
شعر عبد الرحمن الابنودي
وألْف رحمة على اللى لِسَّه «قُلْنا وقال».
اللى مَضَى وذمِّته.. مَثَل جميل.. يتقال.
{ما هى نادْرة فى مصر حاكم.. يطلع ابن حلال}
حاكم.. يِدادى الجميع.. ويبوسْ رقيق الحال.
وده عِشْقِتُه: فلاحين.. طلَبة.. جنود.. عُمّال.
وخاض معارك جِسام.. مين طلّع الاحتلال..؟
مين اللى صحَّى الشعوب.. تكسَّر الأغلال؟
ويْبُخُّوا أكاذيب فى سيرتُه يسمِّموا الأجيال.
من بعد ما شفنا غيرُه.. فهمنا عهد جمال.
ياما انتصر.. ياما حَرَنِ المُهْر بالخيَّال.
هل كان وجوُده العظيم.. حقيقة والاّ خَيَال؟
أسطورَة حيَّة.. ما زالت عاصْية ع الموّال!!
أبو النضال.. بانى سَدّ العزّه فى أسوان.
اللى استردّ الكنال فى خُطبه.. م البريطان.
لكلّ خطوة تمَنْ.. ولكلّ فجر أدان
ولِسَّه صُوتُه الجميل… بِيدوّى فى الميْدان.
حارب.. وصنّع بلاده.. بَقى لْها صُوت.. وكيان.
وزّع على الفلاحين.. دوَّقْهُم الفَدَّان.
وقالْ لُهم: «حقُّكُم.. لا مِنَّه ولا إحسان».
وزرعْها منارات ثقافة.. تضوِّى للإنسان.
مِش تِطْفِى عقْلُه.. وتملاه عَنْكَبَة ودُخَّان.
قال: «الوطن للجميع.. والدين للدَّيان».
مش قام عَرَضْ أمِّتُه ع الدنيا فى الدكّان.
لأ.. مات فداها وْما زالت تذكره للآن..
للآن.. وبكره.. وبعدُه.. (وردة الأوطان).
يا….ه ع الزمن.. كنّا فين وبقينا فين قوللّى:
صوت مصر ليه انطفى.. وطفانا جنبُه.. يا خال!؟؟
|
|
أنا ثورجى
مقـــدم
الـبلد :
المزاج : عصبى
التسجيل : 29/10/2011
عدد المساهمات : 1044
معدل النشاط : 894
التقييم : 34
الدبـــابة :
الطـــائرة : 
المروحية :
| | موضوع: رد: من اجمل اشعار عبد الرحمن الابنودي في نعي جمال عبد الناصر بمناسبة مرور 42 علي رحيله الأحد 30 سبتمبر 2012 - 16:42 | |
| الله يرحمك يا عبدالناصر !!! |
|
