السلام عليكم ورحمة الله وبركاته
فيه مشكلة عندى ياريت حضراتكم تساعدونى فيها
كنت عايز مادة بلاستيك بس تكون سائلة بحيث انى لما احطها فى قوالب اشكال انا اللى عاملها واسيبها فى الهواء تتصلب بدون ان يحدث لها انكماش ( عايز اعمل هياكل زى هياكل الاجهزة الكهربية محتاجها فى الدراسة )

ياريت لو حد يعرف مادة زى كده فى مصر يكتبها ويكتب ثمنها واجيبها منين
والف شكر لحضراتك مقدما
السلام عليكم ورحمة الله وبركاته

جربت السيليكون السايل
ده ممكن ينفع معاك لو الكلام على احجام صغيره
اعتقد يعنى

بص فى حاجة مش عارف ممكن تنفعك هات فل اللى بيحمى الاجهزة الكهربائية وهات جركن طنر من عند الموان وسقط فية الفل هتلاقية بيسيح وبيعمل زى البلاستك السائل بلظبط ودى حاجة رخيصة جدىىىىىىىىىىىى انا مجربها

hefny_m كتب:

• اي بوليمر فهو له نسبه انكماش بعد تحوله من الحاله السائله للانصهار الي الحاله الصلبه
  
• لو انت عايز تعمل اسطمبات حقن دي حاجه تانيه
  

يا اخ الى الابد
خليك
ورا الراجل ده
كلمه فى سرك شغال فى السويدى للكابلات

السلام عليكم ورحمة الله وبركاته
الف شكر لحضراتكم على الردود
الاستاذ رائد حضرتك اجيب السيليكون السائل منين وايه سعره علشان عندنا فى الصعيد لو لقيت مقاومة حرارية مش سيليكون سائل يبقى كويس
الاستاذ حفنى برضه البوليمار حضرتك اجيبه منين وسعره كام
الاستاذ سومابدر جربت الحكاية دى كتير وسعات كنت بستخدم البلاستيك واقطعه قطع صغيرة واحطه فى اشكال عاملها بالصفيح واحطها على النار لغاية ما يسيح البلاستيك وكانت بتدى نتايج هايلة جدا
بس المشكلة حضراتكم انى عايز مادة تكون فى صلابة بلاستيك عربيات الاطفال اللعبة علشان هعمل بيها تصاميم عرضها كبير وطولها كبير وسمكها لا يتجاوز 2 او 3 ملم
السلام عليكم ورحمة الله وبركاته

raed1992 كتب:

hefny_m كتب:

• اي بوليمر فهو له نسبه انكماش بعد تحوله من الحاله السائله للانصهار الي الحاله الصلبه
  
• لو انت عايز تعمل اسطمبات حقن دي حاجه تانيه
  

يا اخ الى الابد
خليك
ورا الراجل ده
كلمه فى سرك شغال فى السويدى للكابلات

السلام عليكم ورحمة الله وبركاته
والنبى يا استاذ رائد توصى الاستاذ حفنى يشوفلى شغلانة فى السويدى وخصوصا انى تخصص كهرباء وفاضلى سنتين ربنا يسترها فيهم وشكل الواحد هيطلع ومش هيلاقى شغل

بخصوص السيليكون فغالبا مش هاينفع معاك لأنه مش هايكون بالكثافه اللى انت عايزها مع الاسف

اتمنى باشمهندس حفنى او اى حد من الاخوه يجاوبك

واهو معاك ظبطه بأأا

hefny_m كتب:

• عرضها كبير وطولها كبير وسمكها صغير ما تجيب لوح اكريلك وتخلص نفسك (وفي منه الوان )وهتلاقيه عن اي بتاع يفط محلات بس يكون من العهد القديم اللي لسه بيعمل يفط محلات مش سكانر برنت !!!!
  
• الشغل !!!!ربنا يكرمك وتخلص والحمد الله في العادي المهندسين مبتقعدش كتير وصدقني المشكله في مصر ان مش تشتغل انك تستمر في كريير عامه بجد بعد ما اتخرجت ولفيت حبه حلوين وعملت زي الاغنيه بتاعه الدنيا زي المرجيحه الشغل والله رزق ونصيب بطريقه رهيبه المهم الاجتهاد صحيح بس في نسبه عاليه ملناش يد فيها !!!!!!!!!!
  
• يا جدعان ان اسمهي حفني صحيح بس عندي 27 سنه يعني من دوركم يعني مش مدير في السويدي !!!!!!!
  

السلام عليكم ورحمة الله وبركاته
شكرا لحضرتك وللاستاذ رائد على ردودكم
الواح اكريلك مش هتنفع علشان الاشكال ممكن تبقى مكعبات ومستطيلات وحجات زى كده انا عايز مادة تكون سائلة وانا اللى اشكلها بنفسى
اما بخصوص الشغل انا عارف ان المهندسين ما بيقعدوش كتير وباذن الله هعمل اللى عليا والف الدنيا لغاية ربنا ما يكرمنى ادعولى
اما بخصوص اسم حضرتك هو بصراحة اسم بيحسسك انه لواحد عنده 50 سنة مش 27
بص ادعيلك كل يوم فى الفجر تبقى المدير ولما ربنا يكرمك تشغلنى ولا هتفلسعنى ؟؟؟؟؟؟؟؟؟؟؟؟؟؟؟؟
عندى اقتراح تانى قولى اسامى وعناوين الناس اللى قدامك فى السلم الوظيفى وانا ابعتلهم شوية صعايدة من عندنا ياكلوهم او ابعتلهم طرود مفخخة هما والمدير الحالى
بس اوعى تنسانى بدل ما اعمل فيك زى ماهعمل فيهم
السلام عليكم ورحمة الله وبركاته

<br>اولا امامك امران لاثالث لهما الاول مادة الفيبرجلاس وسعر الكيلوجرام 17 جنية والثانى مادة البوليستر ويمكن اضافة مادة الاسبيداج السبيداج يعنى وبعد الاضافة يكون امامك دقيقتان على الجفاف وهو بنفس السعر وكله من وسط البلد تحياتى