ده موضوع تفرفشوا بيه شويه بدل النكد ال احنا فيه ده
..
ايه الفرق بين كمبيوتر البنت وكمبيوتر الولد ؟؟
نبتدي بالبنات (زوقيا يعني )

تلاقي جهاز البنت نضيف ومرتب وحواليه دباديب وعرايس او لعبها وتلاقي لازقه عليه اشكال فراشات
وقلوب وصور رقيقه (حاجات غريبه اوي )
وتلاقي قاعده الماوس علي شكل دبدوب او قلب والماوس نفسه تلاقيه غريب اوي وممكن تلاقيه علي شكل قطه
وعليه كريم دوف ولا فازلين عشان ميبوظش ايديهم
وتلاقي لون شاشه الكمبيوتر احمر واخضر واصفر وازرق
وتلاقي فوق الشاشه مرايا ومشط (مش عارف حطاها ليه فوق الشاشه )
واول ما تيجي تشغل الجهاز بتاعها تلاقيها بتضغط علي زرار الباور بكل رقه
واول الجهاز ما يشتغل تسمع صوت عصافير صوت اغنيه رومانسيه
نيجي بقي لخلفيه سطح المكتب تلاقيها قلب احمر ولا دبدوب ولا صوره حلوه ليها
نيجي بقي للملفات تلاقي اسماء الملفات زي صور اطفال صور فساتين افلام رومانسيه
اغاني عاطفيه
تفتح الهيستوري تلاقيها كانت مشغله تايتنك مواقع موضه مواقع ازياء مواقع اغاني رومانسيه
اغنيه تملي معاك
تفتح الايميل بتاعها تلاقيها حاطه نك نيم زي البنوته الشقيه و حب عمري
ولو دققت في تاريخ تثبيت الويندوز هتلاقيه متثبت من 9 شهور مثلا
ولا ريحه الجهاز نفسه تلاقي ريحه برفان جميل
ولما تيجي تقفل جهازها تقفل الحاجات ال فاتحاها حاجه حاجه وبراحه
وتلاقي صوت الاغلاق هادي كان الجهاز بيقولها باي باي
وتغطيه وكأنها بتقوله نام ياحبيبي نام
------
نيجي بقي لاجهزه الولاد
شكله من بعيد تحس انه شبه عربيه مقلويه وعامله حادثه
تلاقي الكيسه مفتوحه من كل حته (علي يدي) وتلاقي فيها خروم غريبه ولو بصيت جواها ممكن تلاقي حاجات غريبه غالبا ملهاش اي علاقه بالجهاز وتلاقي الهارد متعلق زي الدبيحه من السلك بتاعه متعرفش ليه
وتلاقي كميه وصلات غريبه داخله وطالعه من الجهاز وممكن تلاقي خرطوم مايه معاهم
وتلاقي باب السي دي مفتوح متعرفش ليه تيجي تقفله بيفتح تاني لوحده
الشاشه ممكن متلاقيش قاعدتها اصلا وتلاقيها معفره ومتربه وتلاقي علامات صوابع عليها
وممكن تلاقي ناموسه مضروبه عليها
وتلاقي فوق الشاشه قشر برتقان نوي بلح
وتلاقي علي الكيبورد قشر لب
تيجي تفتح الجهاز من زرار الباور ده لو لقيت زرار باور وملقتش سلكين تلمس بيهم
ييجي الجهاز يشتغل تلاقي صوت كركره غريبه (والله علي ايدي )
واصوات فرقعه مكتومه
تسيبك من كل ده وتشغل الويندوز اول ما يشتغل تلاقي صوت غريب طلع الجماعه بتوع مايكروسوفت لو سمعوه هيبطلو ينزلوا نسخ ويندوز تاني
تفتح الويندوز تلاقي خلفيه الشاشه شيشه او جمجمه او دبابات او صور مصارعين او لعيبه كوره
تدخل علي اسماء الملفات تلاقي اسماء غريبه زي حنكوره دحدح بنتجانه صور معيز صور مصارعين
و 70% من الملفات هتلاقيها تحت اسماء newfolder
تفتح الهيستوري تلاقيه كان مشغل البلح البلح فيديو مصارعه كليب بوس الواوا
تفتح الايميل بتاعو تلاقيه حاطط نك نيم زي المجرم السفاح عبقرينو البجح
ولما ييجي يقفل الجهاز ولو فاتح ايه تلاقيه بيشد السلك ومش بعيد يقطعها
...

هههههههههههههههه
والله دى الحقيقه
التقييم لا يعمل للاسف ف الاقسام غير العسكريه

AK47M60 كتب:

اقتباس :

ييجي الجهاز يشتغل تلاقي صوت كركره غريبه (والله علي ايدي )

واصوات فرقعه مكتومه

انتا عرفت منين ان ده جهازي

اصل جهازي كده