امثال شعبية تونسية

إلّي والفْ بالحْفى, ينسى صبّاطو
من يعتاد المشي حفياً على الأقدام، ينسى حذائه
إلّى خلّى النْباتْ, ما ماتْ
إذا تحب تعلّم ولدك الكلام, حطّو صانع حجّام
إذا كان الدّواء مرْ, الدّاء أمرْ
إذا كان المتكلّم مهبول, يكون السّامع عاقل
إذا كان خصيمكْ القاضي لاشكون بشْ تشكي
إذا كان وليدكم إضربْ وليدنا، هكّا حال الصّغار، وإذا كان وليدنا ضرب وليدكمْ، يشومْ النهار
إذا وكلت شبع و اذا ضربت وجع
إلّي يبيعك بالفول، بيعا بالقشور
إلّي يسرق يغلب الي يحاحي
إلّي يتبع الحمام الجالي يروّح للمغاغر
يطلق هذا المثل على من يختلط باصحاب السوء
إلّي يتبع خطوة الحمام ينسى خطوتو
معناه من يحاول تغيير طباعه ينسى طباعه الاصلية و لا يتعلم الجديدة
إلّي يعمل الخيرْ ما يْشاورْش
إش يا ذبانة مافمة في الدنيا كان انا
تقال على الغرور
إلمغطي بمتاع الناس عريان
إذا فاتك الهدرا (الكلام) قول سمعت واذا فاتك الماكلا (الطعام) قول شبعت
إلّي ليك ليك و إللي خاطيك خاطيك
الربيع ربّع واللبن قراس، وإلّي عندو صبية يزوجها لترّاس .
إلّي في القلب في القلب...
إلّي يحسب وحدو يفضلو
إلّي ما قْرا ما دْرَى وإلّي ما تجوّل ما رَا
إذا كان الكلام فضّة، يكون السّكات ذهب
إذا بكِيتْ، إبْكِي حْذا المهمومْ، وإذا غنّيتْ، غنِّي حْذا المغروم
إجبد ما ترُدْ, الجبال تتهد
إلّي يعطي سلاحو يْموت بيه
إلّي ما فيه قلب يْموت سْمين مْعشعش
إحسبني كي خوك وحاسبني كى عدوك
إمشي بالنية وأرقد في الثنية
إسأل مجرب ولا تسأل طبيب
إضحك لدنيا تضحكلك

الحنضلة ما تولي تفاحة و الخرشي ما تبان فيه ملاحة
معناه الشخص ذو الطباع السيئة مهما تصرفت معه برقي لا ينفع معه
المتنقلة مذبالة ولو تكون عروقها في الما
المحبّة ما آنحبّك والصّبر ما نصبر عليك
العروسة طويلة والباب قصير
النُخالة ما تصير دقيق والعدو ما يصير صديق
النّاس تعرف النّاس والخيل تعرف ركّابها
العظمة ماتقول طق كان كي فيها شق


العظمة (البيضة بالعربية الفصحى) ماتقول طق كان كي فيها شق
الشكارة والبحر
الشنقة مع الجماعة .. خلاعة
الفرزيط يزمّر والنميله تعمّر
الفهيم من غمزه والبهيم من همزه.
الفلوس تحيي النفوس... وطهّر المنجوس... وترد الشّايب عروس
الفم المغلوق ما تدخله ذبّانة
الحركة بركة والبطالة هلكة
القمح يدور, يدور ويرجع إلى قلب الرحى

الصحبة صحبة والنية ما فماش
الصوف يتباع بالرزانة
الغيرة تذهب الشيرة
العزوزة هاززها الواد و هي تقول العام صابة
المخنوقة ضحكت على المذبوحة ياخي المصموطة ماتت بالضحك

جاء يعاون فيه على قبر بوه هربلو بالفاس
اى استنجد به لاعانته فزاده تعب على تعب ومشاكل على مشاكل
ذيل الكلب حطوه 100 سنة في قصبة طلع أعوج
دليل على فساد الطبع

كي قنديل باب منارة ما يضوي كان على البراني
كان النّواحْ بالطَّلبة لا يرحمْ من مات
كانت تشخر زادت بف
كان صَاحْبْـك عْسَل ما تَلّحْسُوشْ الكُل
تقال لمن يستغلّ صديقه / المبالغة في استغلال الأصدقاء
كي سلُّومْ النصارى.. الطولْ والخسارة..
في زمن الإستعمار كانت كلمة النصارى وكذلك الروامة (الروم) تطلق على الفرنسيين والأروبيين عموما.. ويعني المثل : الشيء الفاقد للجدوى مع أهمية شكله

هههههههههههه هل اواصل ؟؟؟؟؟؟؟؟؟؟؟؟؟؟

هه ه شكرا على الامثال الشعبية اخي



90/100 منها تقال في الجزائر ايضا



إلّي يعطي سلاحو يْموت بيه ... يعني انتقام ههههه



شكرا اخي تحياتي

wolflogic كتب:

هه ه شكرا على الامثال الشعبية اخي



90/100 منها تقال في الجزائر ايضا



إلّي يعطي سلاحو يْموت بيه ... يعني انتقام ههههه



شكرا اخي تحياتي

هههههههههههههههه بالفعل اللهجة التونسية و الجزائرية متقاربتان جدا

BLACK RAIN كتب:

شكرا اخي على هذه الأمثال شعبية

معظمها تقال في الجزائر

واصل أخي

تحياتي

شكرا اخي

ما يقعد في الواد كان حجرو
وقالوا:
ميطوّل ربي كان في عمر الكلاب (حاشاكم)

من القوت كسيوا الياقوت و على القوت باعو الياقوت
معناه ان الاقتصاد و حسن التصرف يكسبك الكنوز و المصاريف المبالغ فيها تفقد المرء ثروته

الباي باي حتى في شكارة

معناه مهما ساءت احوال الانسان ذو الهمة العالية والانفة يبقى دوما عزيزا

لا تجري جرية النعامة و لا تشابط سماء بيديك ما تاخذ الا ما يكتبلك وما تكسب الا ما يعطيك

معناه ان الاقسام والارزاق من عند الله سبحانه وتعالى و مهما بذل الانسان من جهد الله هو الزراق

شتاتك في ربيعها ووزرتك ما تبيعها


لا يعجبك نوار دفلة في الواد عامل ضلايل ولا يعجبك زين طفلة حتى تشوف الفعايل

بوسعدية خايف من الكلب و الكلب خايف من بو سعدية

كان البومة فيها الخير ما تفلّت فيها الصيادة

يا مبدّل لحية بلحية تشتاقهم لثنين

يا داخل بين الظفر واللحم يا خارج بالنتونة

بات مظلوم ، وما تباتش ظالم