أهلا وسهلا بك زائرنا الكريم، اذا كانت هذه زيارتك الأولى للمنتدى، فيرجى التكرم بالاطلاع على القوانين بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة المواضيع التي ترغب.
موضوع: استفسار بخصوص الجيش وارجو الرد السبت 9 مارس - 18:17
<blockquote class="postcontent restore">
السلام عليكم ورحمة الله وبركاته لو سمحتوا كان ليا كام سؤال كدة وياريت بعد اذنكوا تجوبونى فى حاجة كنت عايز افهمها محيرانى شوية القفل بتاع المخلة ده هى المخلة دى مش عاملة زى الشوال كدة هتتقفل بقفل ازاى بس اصل الموضوع ده نفسى افهمى يعنى معلشى هو سؤال ملوش لزمة انا عارف بس عايز افهم بس مش اكتر اما بقى بالنسبة للاسئلة هى كتير انا عارف والله معلشى بتاسفلك لتانى مرة بس اكمنها اول مرة فعايز افهم بس لان الجيش فيه كلام كتير 1-هستسمحكوا بس تقولولى ايه الحاجات بس اللى هحتاجها وانا رايح مركز التدريب اصل فى ناس بتقول خد ابرة وخيط وديتول وبدرة رجل وحاجات كدة فياريت معلشى تقولولى باختصار شديد ايه اللى اخده معايا وهل الشنطة اللى بجيب فيها حاجتى بيحطوها فى الامانات يعنى متدخلش معايا وهل اجيب معايا قلم ماركر علشان اكتب على المخلة بتاعتى اسمى ولا ده ممنوع 2-وبالنسبة برضو للفلوس اخد كام معايا وهل ينفع اخد محفظة ولا هتتقلب هى كمان متهيالى ان اللبس الملكى اللى انا هروح بيه الاول هحطه فى الدولاب وهقفل عليه ولا ايه الدنيا دى برضو اصل فى ناس سمعتها بتقولى انهم حطوا اللبس الملكى ده على السرير واللبس اتسرق فمعلشى ياريت توضحولى الحتة دى بالذات احسن لو الفلوس واللبس راحوا انا كدة مش هروح 3-هل ممن اجيب كوتش غير الكوتشى اللى بيسلموه وياريت بقى تفيدنى فى السؤال ده دلوقتى احنا هنسلم المخلة قبل منخرج طيب لو مثلا البيادة اتقطعت ولا الكوتشى ده اتقطع هسلمه كدة ولاهشترى واحد اصل الحاجات دى مكملة معايا لاخر الجيش فاكيد انها هتدوب يعنى 4-وبالنسبة بقى لاكل الميز هو فعلا سىء للغاية يعنى هعيش على الكانتين ولا ايه النظام 5-وياريت برضو لو تقولولى ايه نظام اليوم وهل فعلا الحمامات بمواعيد وكدة وهل الحمامات نضيفة اصلا احسن الواحد حاسس انه هيتشل من الجيش ده والله 6-وياريت برضو لو تقولولى الاسلحة الكويسة فى الجيش يعنى شغل ادارة وكدة بدل الخدمة والقرف ده لو الواحد عرف يشوف حد يعنى بتاسف والله للمرة المليون انا عارف ان الاسئلة كتير ومعظمهم ملوش معنى بس معلشى ياريت حد يفيدنى وشكرا
موضوع: رد: استفسار بخصوص الجيش وارجو الرد الأحد 10 مارس - 12:05
ايه ياجماعة هى الاسئلة صعبة ولا ايه انا عارف والله انها كتير بس ياريت ارجوكم اللى عارف حاجة مبيخلش عليا بيها الله يباركلكوا ياريت متكسلوش الله يكرمكوا واللى عارف حاجة ياريت يقولها
موضوع: رد: استفسار بخصوص الجيش وارجو الرد الإثنين 11 مارس - 2:20
اهلا بك اخي بدر صقر في منتدي الجيش العربي ان شاء الله بجاوبك علي اسئلتك: هى المخلة دى مش عاملة زى الشوال كدة هتتقفل بقفل؟ تقريبا ...فهي من المشمع والتيل المتين وهي سميكة عن الشوال. اخد ابرة وخيط وديتول وبدرة رجل وحاجات كدة؟ خدهم. وهل الشنطة اللى بجيب فيها حاجتى بيحطوها فى الامانات يعنى متدخلش معايا ؟ تقدر تقول انك تخش بية عند حضورك اول مرة من الملكية وعندما تردتي الزي العسكري فممنوع ارتداء او تواجد الزي المدني. اجيب معايا قلم ماركر علشان اكتب على المخلة بتاعتى اسمى ولا ده ممنوع؟ لا مش ممنوع وبالنسبة برضو للفلوس اخد كام معايا وهل ينفع اخد محفظة ولا هتتقلب هى كمان؟ خد فلوس علي قد مواصلاتك وهذه الامور والتعين الرسمي يصرف من ثاني يوم ولاكن لا تقلق سوف يعطوا لكم تعين من اول يوم. مان متهيالى ان اللبس الملكى اللى انا هروح بيه الاول هحطه فى الدولاب وهقفل عليه ولا ايه الدنيا دى برضو اصل فى ناس سمعتها بتقولى انهم حطوا اللبس الملكى ده على السرير واللبس اتسرق فمعلشى ياريت توضحولى الحتة دى بالذات؟ راجع الاجابات فوق. هل ممن اجيب كوتش غير الكوتشى اللى بيسلموه وياريت بقى تفيدنى فى السؤال ده دلوقتى احنا هنسلم المخلة قبل منخرج طيب لو مثلا البيادة اتقطعت ولا الكوتشى ده اتقطع هسلمه كدة ولاهشترى واحد اصل الحاجات دى مكملة معايا لاخر الجيش فاكيد انها هتدوب يعنى ؟ مينفعش انك تلبس اي كوتش. عادي ممكن تسلموا مقطوع. وغير كدة هتلاقي الاشياء دي بتباع في المحلات التجارية. وبالنسبة بقى لاكل الميز هو فعلا سىء للغاية يعنى هعيش على الكانتين ولا ايه النظام ؟ الاكل متواضع. هل فعلا الحمامات بمواعيد وكدة وهل الحمامات نضيفة؟ لا الحمامات مش بمواعيد ... والحمامات نظيفة. ياريت برضو لو تقولولى الاسلحة الكويسة فى الجيش؟ السكرتارية العسكرية , والخدمات الطبية والتوجية المعنوي.
موضوع: رد: استفسار بخصوص الجيش وارجو الرد الإثنين 11 مارس - 11:54
الف شكر ياباشا على الرد والله مش عارف اشكر حضرتك ازاى والله بس معلشى كان فيه سؤال كمان نسيت اساله 1-اخد ايريال معايا علشان اغسل الهدوم ولا فى مغسلة هناك وطبعا الزى الميرى ممنوع انى اخده معايا البيت فبغسله هناك وكدة ولا ايه
موضوع: رد: استفسار بخصوص الجيش وارجو الرد الإثنين 11 مارس - 14:32
الف شكر ياباشا على الرد والله مش عارف اشكر حضرتك ازاى والله بس معلشى كان فيه سؤال كمان نسيت اساله 1-اخد ايريال معايا علشان اغسل الهدوم ولا فى مغسلة هناك وطبعا الزى الميرى ممنوع انى اخده معايا البيت فبغسله هناك وكدة ولا اية؟ عفوا,نحنوا اخوة. الكانتين فية هناك ايريال وكل حاجة لا تقلق...ولا يوجد مغسلة انت الي هتغسل هدومك. بالتوفيق ان شاء الله.
عدل سابقا من قبل General: Yahia في الإثنين 11 مارس - 14:37 عدل 1 مرات
موضوع: رد: استفسار بخصوص الجيش وارجو الرد الإثنين 11 مارس - 18:30
انا معايا بكالوريوس هندسة اصلا انا بينى وبينك مبهواش شغل الجيش اصلا وهى دى المشكلة انا عارف انه هيعلم الواحد حاجات كتير بس برضو الواحد مش عارف يدخل نفسه فى الجو بتاع الجيش لان الشغل الميرى عمتا مش لطيف
موضوع: رد: استفسار بخصوص الجيش وارجو الرد الإثنين 11 مارس - 18:50
معايا بكالوريوس هندسة اصلا انا بينى وبينك مبهواش شغل الجيش اصلا وهى دى المشكلة انا عارف انه هيعلم الواحد حاجات كتير بس برضو الواحد مش عارف يدخل نفسه فى الجو بتاع الجيش لان الشغل الميرى عمتا مش لطيف لنت نظرك حلو ومعندكش اي امراض نظرك 6 علي 6
موضوع: استفسار بخصوص الجيش وارجو الرد 
السبت 9 مارس - 18:17
