السلام عليكم ..
هناك عده ملاحظات على الردود
1/ مصر على حد علمي تعاقدت بالفعل عال su-35
2/ الرافال غاليه جدا و هناك مقاتلات اخري تساويها او تقاربها ارخص .. كما اني اتسائل هل الاصح ان اشتري سرب رافال بمبلغ وقدره ولا احط نفس فلوس نفس سعر السرب ده في عمليه تصنيع طائره مصريه .. محنا مش هنفضل طول العمر نشتري السلاح لازم يجي اليوم الي نصنعه ونصدره كمان
3/ بالنسبه للاخوه الي مصدقين ان ال F-35 بقدراتها الهائله لو دخلت مصر هتبقي قوه ضاربه لمصر يبقو غلطانين
والسبب واضح ان ال F-16 نفسها واخدينها من الامريكان ناقصه التسليح ونفس الشيئ هيحصل لو اخدنا ال F-35 ده لووووووووو اخدناها اصلا

الطائره مهما كانت قويه مليهاش قوه كبيره لو كانت بتسليح ناقص .. يعني بالمختصر الجيش لازم يمشي بمعادله
مقاتله متعدده المهام قويه + تسليح كامل وقابل للتطوير / السعر المناسب = صفقه ضاربه وقوه عظمي في المنطقه

لو شلت من المعادله دي طرف التسليح الكامل يبقى انت كل الي عملته انك جبت طياره بمبلغ وقدره وفالاخر هتستخدمها للقصف الارضي فقط او الاعتراض وهتبقي ميزه Air To Air للعدو

انا في رايي طياره زي ال Su-35 ممتازه لو اخدناها بتسليحها الكامل وبنظم تطويرها فالمستقبل
كما اني لا ازال لا انكر اعجابي بالطائره F-15 لو كانت كامله التحديثات والتسليح .. مع علمي الشديد ان استحاله مصر تمتلكها ابدا ولو امتلكتها هتبقي بمواصفات تعبانه جدا

وممكن الاعضاء الخبراء فالمنتدي يحكولنا عن ال F-16 المصريه كمثل على اقتصار تسليحها على اشياء معينه وعدم اكتمال تسليحها

ارجوا ان نتجهه للتصنيع المحلي في اقصي سرعه فلو صنعنا طائره جيل رابع فقط وعملنالها تسليح محترم ده هيكون افيدلنا بكتييييييير من شراء طائره جيل رابع +++ او شراء طائره جيل خامس ناقصين التسليح