حماده محمود كتب:

مفيش احسن من وكيل النيابه انا كان نفسى ابقى وكيل نيابه سلطه قضائيه اعلى سلطه فى البلد ووكيل النيابه هو التانى بعد ضابط الجويه فى المركز والبرستيج والهيبه(يمكن كان بعد ضابط الجويه بس ايام مبارك اما دلوقتى مش عارف)ونزاهه ...عربيه وقاعد على مكتب وتكييف ضابط الشرطه حملات وكماين وجرى ورا مجرمين وضابط الجيش صحرا وحر ورمل ومشاريع حرب....اما وكيل النيابه برنس البرانيس وغير كده وكلاء النيابه عمرنا ماسمعنا انهم ظلموا حد او عذبوا حد ممكن حصل بس قليل اوى او اتكبروا وعاملو الناس وحش زى للاسف مع احترامى طبعا ماحصل من كثير من ضباط الشرطه وهناك نماذج فى الشرطه محترمه بس قله

انتا فاكر الشغلانة دى سهلة
دول بيشوفوا العذاب الوان واشكال
تخيل فى قدامك كل يوم مش اقل من 50 قضية اقل قضية فيهم 200 صفحة

ahmedhcl كتب:

عاصم خالد كتب:

علي فكرة احترامي لضابط الشرطة اللي بيادي عمله ومحترم وبيراعي ربنا لكن ضباط الشرطة الزبالة وعددهم كتير علي فكرة وقبل الثورة كانوا واضحين ومبلطجين علي الاخر هم السبب في نكسة الشرطة دلوقتي وارجع للتاريخ واقرا كانوا بيعملوا ايه علي عكس بتوع الجيش المحترمين اللي حتي في اشد الاوقات كانوا بيحترموا الناس ومنهم امثلة كتير زي اسد التحرير النقيب ماجد بولس والضابط علي ماهر

علشان تحكم بلعدل لازم تحتك بلاثنين وتعرفهم

احكتاك الشعب بالشرطة بنسبة 100%
انما الجيش 0%

وفى مئات فى الشرطة زى الى بتقول عنهم دول
وعشرات كل سنة بستشهد علشان انتا تعيش فى امان واخرهم امبارح

علي فكرة انا والدي واخواتي ضباط جيش ولو انت كنت في مصر وقت الثورة فاظن ان الشارع مكنش فيه غير ضباط جيش واللي خلي الناس تحب الجيش عن الشرطة المعاملة المحترمة اللي لاقوها قدام معاملة الشرطة المهينة ومحدش يقولي محصلش ومن ناحية الهيبة فالهيبة بتفردها المؤسسة نفسها وتعامل الشخص ولان اغلب ضباط الجيش في الاساس بيتحركوا وبيتنقلوا في عربيات الجيش او عربياتهم الخاصة فمحدش بيحتك بيهم كتير واما ضباط الشرطة اللي بيضحوا من اجل الوطن فليهم الفت تحية ووسام علي صدورهم وهم وسام علي صدر مصر بانها لديها هؤلاء الشباب الذين تركوا الحياة من اجل امنها لكن متقوليش انهم ملايكة مع احترامي للمحترم فقط

المتخصص بيبا للطب او هندسه او حسبات و بيبقا ظابت ذى كل الظبات

حماده محمود كتب:

شكر كل من قام بالرد والتوضيح وفعلا كما قال الاخ ahmedhclالشخص الغير محترم لايحترم شرطه او جيش

هما الاتنين ليهم احترامهم بس ضابط الشرطه كان ليه احترام مع هيبه قبل الثوره دلوقتى مفيش اما ضابط الجيش فالناس ماتزال تحترمه كما كان قبل الثوره مع انى سمعت معلومه فى موقع ان ضابط الجيش لايلقى ربع الاحترام اللذى يلقاه ضابط الشرطه(الكلام ده قبل الثوره) فى المواصلات او المصالح الحكوميه بس دى يتهيألى فيها مبالغه شويه صحيح ضابط الشرطه الناس بتحترمه اكتر بس برضه ضابط الجيش له احترامه ومركزه

 قبل الثورة فعلا الشرطة كان ليها هيبة جامده جدا بس طبعا في اي حال من الاحوال مش زي ضابط الجيش

بين الشعب وبين الشرطة والجيش لما ملازم كلية حربية بيدخل قسم شرطة الكل بيقف وبيحترمه من اكبر رتبة لاصغرها 

لكن ضابط الشرطة لو دخل مثلا مكان للجيش بيبقي عادي وده لان ضابط الجيش (بجميع تخصصاته) سلطته اعلي واكبر 

علي العموم بالنسبة للجيش يابخت بجد اللي يكون خريج حقوق ويقبل في الضباط المتخصصين ويبقي في النيابة العسكرية 

اكيد انت عارف المميزات 

ربنا يوفقك ويوفق كل الناس وربنا يوفقني ويكون لي نصيب واقبل في الضباط المتخصصين ولو ليك اي استفسار انا تحت امرك

Priest armed كتب:

بين الشعب وبين الشرطة والجيش لما ملازم كلية حربية بيدخل قسم شرطة الكل بيقف وبيحترمه من اكبر رتبة لاصغرها 

لكن ضابط الشرطة لو دخل مثلا مكان للجيش بيبقي عادي وده لان ضابط الجيش (بجميع تخصصاته) سلطته اعلي واكبر

 هههههههههههه
مين الى ضحك عليك وقلك كدة

اى واحد فى الدنيا لو دخل اى مكان شرطة او اى مكان فى الدنيا  بأحترامة محدش يقدر يتنفس معاة
 
ودة على فكرة من قبل الثورة

لو لواء اركان حرب جيش دخل مركز شرطة وقل ادبة بلاش اقولك هيحصل معاة اية

انتا مش عايش فى البلد وشايف الى بيحصل فيها هيبة اية وقانون اية
الحاجات دى كانت زمان

ومش عارف سلطة الجيش اعلى من الشرطة فى اية ياريت توضح لنا
بما انك طالب حقوق وبتفهم فى القانون