الفكرة جات لما الأستاذ الدكتور/محسن عثمان اقترح علينا المشاركة فى مسابقة عالمية بتنظمها SAE فى California USA والمسابقة عبارة عن تصميم و بناء نموذج لطائرة تعمل بالتحكم عن بعد بمواصفات خاصة (القدرة على حمل أوزان تصل إلى 30 كيلو جرام-أن يكون التصميم مبتكر و غير مقلد) و أكتر حاجة شدتنا للموضوع إننا مدرسناش العلم دا فى الكلية إلا قشور بسيطة جدا فبالتالى إحنا بدأنا من الصفر و بمساعدة دكتور.محسن عثمان اللى كان بيقدم لنا كل الدعم سواء كان دعم علمى أو مادى بدأنا فى تنفيذ المشروع و بدأنا بعمل النموذج الأول على سبيل التجربة و التعلم و نجح الحمد لله فبدأنا فى تصميم النموذج الثانى المشارك فى المسابقة (وكان بيساعدنا فى هذا الموضوع شخص محترم جداً ساعدنا كتير بخبرته وهو كابتن/هشام) و واجهتنا مشاكل كثير اثناء تنفيذ المشروع منهم عامل الوقت إننا كنا ملتزمين بفترة شهرين لإنهاء المشروع بالكامل للمشاركة فى المسابقة والحمد لله انتهى النموذج الثانى بنجاح و سافر بعض أعضاء الفريق للمشاركة فى المسابقة فى California و إحنا كنا الفريق العربى الوحيد فى المسابقة اللى كانت بتضم جامعات قوية جدا على مستوى العالم من دول (أمريكا و كندا وبولندا والهند وتركيا و البرازيل) والحمد لله حققنا المركز ال 26 من 75 فريق و دا كويس جدا بالنسبة لأول مشاركة و احنا بنتمنى ان هذا العلم الممتع جدا يدرس فى كليتنا و نتمنى ان دى متكونش اخر مشاركة من كليتنا و نتمنى التوفيق للفرق المشاركة بعد كدا.
أعضاء فريق (The Hawk) :
1-الأستاذ الدكتور/ محسن عثمان.
2-كابتن/ هشام
3-محمد جنيد.
4-السيد محمد نجيب .
5- مصطفى محمد عبد العظيم (Voldo).
6-محمد جمال عبد السلام.
7-محمود صلاح أبو خضر (Khedr).
8-محمد وائل.
































المصدر


https://www.facebook.com/photo.php?fbid=660827790610620&set=a.660827450610654.1073741879.219433844750019&type=1&permPage=1


و هى صفحة خاصة بطلبة هندسة اسكندرية

الى الاخ الفاضل صاحب الموضوع
الضغط عندى أرتفع بجد والله العظيم
حرام الى بشوفة دة

الموضوع مكتوب فيه
طائرة بمواصفات خاصة
وبتصميم غير مقلد


التصميم يفتقر الى أبجديات مبادى الانسيابية
الصندوق الخشبى من الامام له مساحة عمودية تصد الهواء
ولا تسمح له بالانزلاق بسلاسة وأنسيابية أمام السطح الخارجى للتصميم
لكن ستكون هناك مواجهة بين طبقات الهواء والمساحة الافقية
المسطحة لتصميم المقدمة ..

انا قولت هشوف تصميم حاجة كدة طبق طاير
موضة جديدة زى الأوسبيرى طايرة هتطير وتعوم
حاجة كدة تتناسب مع كلمة مواصفات خاصة .

وكمان غير مقلدة
يعنى هشوف حاجة فى التصميم
اللى يبص يقول بسم الله ما شاء الله

لأائى الهيكل عبارة عن صندوق مستطيل !!
وتصميم أشبة لطارات الثلاثينات من القرن الماضى
يعنى تصميم اتهرى تقليد !!

بجد انا عندى صداع هيفرتك راسى
من ساعة ما شوفت الصور


عاوز تشوف تصميم غير مقلد بمواصفات خاصة
أتفضل يا سيدى الفاضل تصمامات حصرية
غير مقلدة وبمواصفات خاصة
وقد تكون أستثنائية !!

التصميم الاول
https://www.youtube.com/watch?v=ckuzuLhVmfc

التصميم الثانى
https://www.youtube.com/watch?v=KVJ4OpKkoQ4

التصميم الثالث
https://www.youtube.com/watch?v=ug4jocBDotU&NR=1&feature=endscreen

التصميم الرابع
شرح تكوينات لتقليد الاف 14 والهيكل مصنوعمن الفلين
https://www.youtube.com/watch?v=OXh_AglOqM8


التصميم مش مشجع
لازم نفكر خارج الاطار
لما نروح برة نقدم حاجة اللى شوفها
يقول واو بصورة تلقائية

صمم غواصة وتطلع على وش المياة وتطير
دى بجد حاجة أسمها تصميم غير اعتيادى
انا بقول مثلا أو أفتراضا

لكن مش كدة .

شوفوا التصاميم الجديدة
اللى عاوز يعملحاجة يشوف الافكار الجديدة
والتصميمات العصرية علشان يعمل زيها

مش يرجع للخاف أوى كدة
ونقول هنبتدى من الصفر !!

لاء الى حصل انه تلقيد لحاجة قديمة أوى
فى حين أمكانية تقليد تصاميم أحدث

الفيديوو
احدث الافكار هو لخاصية التحليق العمودى
https://www.youtube.com/watch?v=5ZDmiUT-Qjw
بالفعل تصميم خاص وحصرى وغير مقلد
بجد الله يشوفها يقول الله

كدة لازم نفكر فى حجات زى كدة
مش نفكر نعمل حجات أعتيادية
وقدر تكون تصميمات عتيقة
وقديمة للغاية ..


انا أسف على اسلوبى الحاد
لكنى لست فى حالة جيدة
بجد الصور عصبتنى جدا
التصميم يحرق الدم .


ربنا يكرم الفريق اللى عمل الطائرة دى
بأفكار أقوى ويارب نشوف منهم حاجة تفرح
ربنا يوفقهم ان شاء الله .

يا اخى دول طلبة لسة ما اتخرجوش يعنى ده انجاز بالنسبة ليهم

ليش ما يكون هناك تعاون بين مصر تونس الجزائر في هدا الامر ؟؟

هناك عدة مشاريع  عسكرية لصناعة طائرات بدون طيار سواء في مصر تونس الجزائر ان كان التعاون في المجال العسكري غير ممكن لاعتبارات لا نعلمها .

فلم منع التعاون على مستوى الطلبة في الدول الثلاثة ليكون هناك تقارب و تبادل للخبرات

شكرا محمد على التقييم

قرات برده قبل كده عن الطيارة دى هنا

معلش انا علقت انثاء حالة أنزعاج شديدة
والكلام بتاعى مكنشى لطيف خالص
وعموما بالتوفيق ان شاء الله
وان شاء الله القادم أفضل .